٢٥\٣\٢٠١٧
بانگەوازێک بۆ
کوردانی بەریتانیا سەبارەت بە بەرگرتن بەو شەڕەی کە بەڕێوەیە.
زاھیر باھیر
هەمووان
دەزانن بە گوێرەی هەواڵەکانی میدیا و سۆشیاڵ میدیا ، شەڕێکی سەختی
ناڕەوا دژ بە شەنگال و هەموو کورد بەڕیوەیە. شەڕێكە وەکو سەراپای
شەڕەناڕەواکانی دیکەی کە مێژوو تۆماری کردون، لە بەرژەوەندی کەسمان نیە
، جگە لە بازرگانانی جەنگ و حکوتەکانی ناوچەکەو وڵاتانی ئەوروپا و
ئەمەریکا و زلهێزەکانی دیکە و کارگەکانی دروستکردنی تەقەمەنی، شەڕێکە
برسێتی و نەهامەتی و کۆچکردن و وێرانی و گەڕانەوەی کۆمەڵ و تاکەکانی بۆ
پێڕەوکردنی وەهمەکان و سەرچاوەی خولقێنەری ڕایسیزم فاشیزم ئەگەر بۆ
کاتیش بێت، هەموو ئەمانە لەگەڵ خۆیدا دەهێنێت.
ئێمەی کورد جگە لە فەلەستینییەکان ڕەنگە ئەزموونی نەگریسی هەموو
جۆرەکانی جەنگمان لە نەتەوەکانی دیکە بە ' کشمیرییەکانیشەوە' ، زیاتر
هەبێت. ڕاستە گەلێکمان گەنجین و لە نێو خودی بارودۆخی جەنگدا نەژیاوین
، بەلام تا ئێستاش لەژێر سێبەرەکەیدا دەژین و شەڕ کارایی گەوەری خۆی لە
سەر داناوین، هەر هیچ نەبێت، بە لە دەستدانی یاخود ونبوونی کەسێکی
خۆشەویستمان.
ئەم شەڕەی کە بەڕیوەیە ، بەڕیوەیە و دوای "ڕزگارکردنی " موسڵ دەست
پێدەکات، بە تەنهاش هێڕش نابێت بۆسەر شەنگال و یەزیدییەکان . پلان و
ئەجەندەی پارتی و دەوڵەتی تورکیای ئاغایان ، ئاشکرا و ڕوونە و بەشێکی
هێڕشەکە بۆسەر قەندیل دەبێت و بەشەکەی دیکەشی بۆسەر کوردانی ڕۆژاوا و
خۆسەرییەکانیان دەبێت ، بەتایبەت جەزیرە.
ئیدی کاتی ئەوە هاتووە بێ دەنگی بشکێنین، کاتی ئەوە هاتووە چالاکی
کاریگەر ئەنجامبدەین ، کاتی ئەوە هاتوە " پێشخواردنی کەوڵەکە " بکەوینە
خۆمان ، نەك دوای "خواردنی" بکەوینە پەلەپڕوزێ. کاتی ئەوە هاتووە وێڕای
جیاوازیی بیرو بۆچون و هەبوونی ڕەخنەمان لە پەکەکە و ئینتیمای
سیاسییمان بۆ گروپ و ڕێکخراوە سیاسییەکان ، لە لیژنەیەکدا، گروپێکدا،
کەمپەینێکدا، کە نە کەس سەرۆکی بێت و نە چالاکییەکانیشی بەسەرا
بسەپێنرێ و نە بە ڕای تاکە کەسیش ئەنجامبدرێ، خۆمان کۆکەینەوە.
بەڵێ وەختی ئەوەیە کە یەکبگرین قسە لەسەر ئەوەی کە دەکرێت بۆمان ،
بکەین، تاکو بەر بەم شەڕە ڕاگرین، گەر نەشتوانین ڕاشیگرین ، خۆ نابینە
جێگای گلەیی خۆشمان و بەدەر لە خۆشمان.
ئەوانەی کە ئامادەن کاری جددی و چالاکی جددی بکەن کە هیچ نەبێت
بەرهەمێكی بچوکیشی هەبێت، تکایە لە ڕێگای ناردنی پەیامێکی شەخسییەوە بە
فەیسبووک ئاگەدارم بکاتەوە تاکو ڕاوێژ لەسەر کات و ڕۆژ و شوێن بکەین بۆ
یەکەم دانیشتنمان.
ئەمەی کەمن دەیڵێم پێشنیارە و من هیچ نیم و سەر بە هیچ لایەنێکی
دەسەڵاتخواز نیم چاوەڕوانی پەیداکردنی سەرمایەی سیاسیش، نە بۆ خۆم و بۆ
ئەوەشی کە باوەڕم پێی هەیە ناکەم، خۆشتان بە کردەوە ئەمەتان بۆ
دەردەکەوێت.
لەندەن
ماڵپەڕی زاهیر باهیر
|