١١\١٢\٢٠١٣
ب
بۆنەیا ٨٠ سالیا
کۆچکرنا ئێلاس ئەفەندی، رۆمانا
''سوارێ شینبۆزێ ئێلاس ئەفەندی''
دەرکەت.
ب بۆنەیا ٨٠
سالیا کۆچکرنا ئێلاس ئەفەندی، رۆمانەکە
ئەنوەر کاراھانییا ب ناڤێ “سوارێ شینبۆزێ ئێلاس ئەفەندی” ژ وەشانخانەیا
ئاپەجێ دەرکەتیە. ئەم دخوازن ب کۆکتەیلەکێ پەرتووکا کاراھانی بدن
ناساندن و ب چەند گۆتنان قالا وێ بۆنەێ بکن.
ھن خوارنێن ئاپاراتیف و ڤەخوارنێن ل گەل وان دێ بێن ئیکارمکرن.
جھ: پەرتووکخانا کوردی (کوردسکا
ببلۆتەکەت)
Gustavslundsvägen
170, Alvik/Stockholm
رۆژ: شەمی
١٤\١٢\٢٠١٣،
دەمژمێر:
١٤ - ١٦
ب خێر بێن!
وەشانخانەیا ئاپەجێ و پەرتووکخانەیا کوردی
ژ بۆ گەلەک کوردان ئێلاسۆ یان ژی ب گۆتنەکە دنێ “ئێلاس ئەفەندی” نە
یەکی ناسکرییە، ژ بەر کو تشتەکی زێدەیێ نڤیسکی د دەرھەقێ وی دە تونەیە.
لێ کەسێن کو ل رووپەلێن ھاوارێ یان ژی ل پەرتووکێن بیرانینێن ناڤدارێن
کوردانێن دەما وی بنێرن، ب چەند گۆتنان بە ژی مرۆڤێ ل ناڤێ وی راست بێن.
ھاتا ب نھا ژی د دەربارێ ئۆرگانیزاسیۆنا ھەرەکەتا شێخ سەیدییا دەڤەریا
مێردینێ دە تشتەک نەھاتیە نڤیسین و ھەر وەھا قالا ھەولداینا رۆلا
دەروودۆرا مێردینێیا د دەربارێ ھەرەکەتا ئاگریێ دە ژی نەھاتیە کرن.
ئێلاس، یەک ژ ئاکتیڤیستێن وێ دەمێ بوو کو د ھەردو بەرخوەدانان دە ژی
رۆل و دەورەک لیستیە و ھەروەھا د ماھکەمەیێن ئیستقلالێ دە ھاتیە
ماھکەمەکرن و ل دوو وێ ژی ھاتیە سرگوونکرن. ل دوو سرگوونێ جارەکە دن
ڤەگەریایە دێرکێ و د ئۆرگانیزەکرنا ھەرەکەتا ئاگریێ دە ب خۆیبوونێ رە
بەشداری پلانکرنا گرتنا ل سەر مێردینێ بوویە.
ئێلاسۆ کی بوو؟
ئێلاسۆ، لاوێ ھەجی ئۆسمانێ رەشۆیی و ھەر وەھا مەزنێ ئەشیرا ماھموودی
بوو. ماھموودی یەک ژ پێنج ئەشیرێن دێرکا چیایێ مازیێیە کو ل گۆرا خوە
خوەدی رۆل و فۆنکسیۆن بوو. ئەو یەک ژ سەرۆکەشیرێن دەما خوەیە کو زوو ب
کوردیتیا خوە ھسیایە و ل دۆزا خوە بخوەدی دەرکەتیە کو ئەو ھەتا ب داویا
ئەمرێ خوە ل سەر رێیا بیر و باوەریێن خوە چوویە، وی ل خەریبی و
سرگوونیێ کۆچ کریە. تەڤا کو ئێلاسۆ سەرۆکێ ئەشیرێ ژی بوو، ژ بەر کو ئەو
د مەسەلەیا کوردی و ملەتپەروەریێ دە خوەدی شوورەکە ملی بوو، وی
نکاریبوو دژمنایی و بەربەری ب ئەشیرێن دێرکێ و وێ دەڤەریێ رە بکرا.
ئێلاس ئەفەندی، ھەموو ئیمکانێن خوەیێن مالباتی، قودرەت و ئیقتدارا خوە
ل ھێلەکێ دانیە و د رێیا خەلاسیا ملەتێ خوە دە بوویە فیگورەکی سیاسی و
ل بنخەتێ، د تەمەنەکی جوان دە کۆچ کریە.
________________________________
پەرتووکخانەیا کوردی - کوردسکا ببلۆتەکەت - کوردش لبراری
Gustavslundsvägen 170
167 51 Bromma (Alvik)
Tel. 08-679 88 03
www.kurdlib.org
info@kurdlib.org
|