په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٣\٥\٢٠١٤

دەستی دەستی پێکردنی کێشەکانی میللەت

ئاکاری حوکمە ملهوڕ و گەندەڵەکەی دەسەڵاتدارانی کوردستانە!

 

 

 

 

ئێستا خەریکە خەڵکی کوردستان بە هۆی بێ توانایی و هیچ لەبارنەبوویی حکومەتە گەندەڵەکەی کوردستان لەبەر بێ مووچەیی و دزینی سەروەت و سامانی میللەت دووچاری برسیێتیی و بارودۆخێکی زۆر خراپی ژیان و گوزەران دەبنەوە و هەرچی سەروەت و سامان هەیە لە لایەن بەرپرسە یەکەمەکانی حیزبەکان و بنەماڵەکان و خۆفرۆشەکانی سەردەمی بەعس دەدزرێن و خۆیان خانەوادەکانیان ژیانێکی شاهانەی پێ دەگوزەرێنن، کەچی تێکڕای دەزگە و دامەزراوەکانی حکومەت دەستی دەستی بەو کێشەیەی بڕین و دواخستنی مووچەوە دەکەن و هەر یەکەو بە هێندەک قسەی بێ جێ و بێ بنەما کێشەکە لە خۆی دوور دەخاتەوە! لە هەمووشی خراپتر ئەوەیە کە خەڵک هەفت مانگە چاوەڕوانی ئەو پەرلەمانە نوێیە دەکا.. بەڵام بە داخەوە نەیانزانی دەنگەکانیان بەفیڕۆ دەچێ و پەرلەمانەکەیان هەر بە مەلۆتکەیی لەباردەچێ.. ئاخەر ئەوە پەرلەمان چەندین کۆبوونەوە ئەنجام بدا بەڵام هەرگیز بە لای ئەوەدا نەچوو کە چارەسەرێکی خێرای ئەو مووچەبڕین و قەیرانە ئابوورییەی هەرێم بکا کە خەریکە ژیان و مانی خەڵک دەخاتە مەترسییەوە.. کەچی هەر ئێستا هەر ئەو بە ناو نوێنەرانەی میللەت بۆ خۆیان و لە پێناو بەرژەوەندییە مادییەکانی حیزبەکانیان خەریکن پڕۆژە یاسا بۆ تەرخانکردنی پارە لە بوودجەی میللەت پێشکەش دەکەن بۆ ئەوەی بتوانن بە شێوەیەکی یاسایی و فەرمیی زۆرترین پارەی میللەت بدزن و لەسەری بلەوەڕێن ئەوە لە کاتێکدا کە ئێستا لە زۆرێک لە وڵاتان هەرگیز حیزبەکان لەسەر بوودجەی میللەت بەڕێوە ناچن!  

 

 

 

 

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک