٥\٩\٢٠١٣ دەیان خێزان لە کەمپی کەورگۆسک بێبەشن لە یارمەتیەکانی یوئێن.
ژمارەیەکی زۆر لەو هاوڵاتیە کۆچبەرانەی ڕۆژئاوای کوردستان داوایان لەڕێکخراوی ئۆرتە کرد چارەسەریان بۆ بدۆزێتەوە ، وە ڕایانگەیاند کە ڕۆژانە داوایان لە یوئێن و سەرپەرشیارانی کەمپەکە کردووە چیتر بێبەشیان نەکەن لەو یارمەتیە مرۆییانە ، تائێستا چارەسەریان نەکردووە . هاووڵاتیەکی کۆچبەری کەمپەکە ناوی عەبدولحەمید یوسف بوو گووتی من خەڵکی گوندی ( باقلە)ی سەربە ناحێەی چلاغام وە من ئەندامی گوندی باقلە بووم.
لە سەرەتا کەئێمە لەسنور پەڕینەوە ، ئێمەیان هێنا بۆ ئێرە ماوەی ٨ ڕۆژ لەسەر زەوی بووین ، ئێستاش وەرن سەیری چادرەکەم بکەن بزانن هیچم هەیە لەسەری بخەوم ، تەنانەت سەرینێکم نیە بیخەمە ژێر سەرم ، ماوەی ٥ ڕۆژە لێرە ئاو نیە . من کوردستانی ڕۆژئاوام جێهێشت بەهۆی تیرۆری ئیسلامیەکانی سەربە بەرەی نوسرە و دەولەتی عیڕاق و شام کە کوردیان تیرۆر دەکرد ، لەشارۆچکەی تەلکۆچەر - یەعروبیە کەبووە بە بنکەی سەرەکی بەرەی نووسرە لەوێدا سەری کوردانیان بڕی ، دوای ئەوەی بەرەی نوسرە سێ کوردیان سەربڕی بەڤیدیۆ بڵاویانکردەوە و چەندین ڕۆژ سەری سێ مرۆڤە سەربڕاوەکانیان لەسەر شەقام و شوێنە گشتیەکان لەدەستدەگرت و نیشانی خەڵکیان دەدا بۆ ئەوەی گەلی کورد ناچاربکەن بەسیاسەتی تۆقاندن لەو ناوچانە نەمێنن و ئەگەر هێزەکانی یەپەگەی سەر بە پارتی یەکیەتی دیموکراتی (پەیەدە) بەرگری نەکەن ئەوا تەواوی چوار ملیۆن و نیو کوردەکە کۆچبەر دەبن و ڕوژئاوای کوردستان کوردی تێدانامێنێ ، لێرەش لەبچووکترین یارمەتیە مرۆییەکان بێبەشین بەهۆی ناعەدالەتی لەدابەشکردندا.
لەو کاتەدا ژمارەیەکی زۆر خەڵک کۆبوونەوە
ووتەکانی عەبدولحمەیدیان پشتڕاستکردەوە ، دواتر فوئاد زیندانی سەرۆکی
ڕێکخراوی ئۆڕتە پرسیارێکی لەئامادەبووانکرد : بەڵام جگە لە پەیەدە
پارتەکانی تری کوردستانی ڕۆژئاوا کۆمەڵکوژکردنی کوردان و بارودۆخەکە
بەشێوەیەکی پێچەوانە باس دەکەن هۆکارەکە چیە؟ هەموویان گووتیان ئەو
پارتیانە لەپێناو جێخۆشکردن و بەرژەوەندی تەسکی خۆیان لێرە بەمشیوازە
لێدوان دەدەن ، بەڵام واقیع ئەوەیە کە ئێمە باسمانکرد ، دواتر
عەبدولحەمید یوسف گووتی من بەرپرسم لەهەر قسەیەک کەکردوومە ، ئامادەم
هەمووکات ئەو ڕاستیانە باسبکەم.
رێکخراوی نەهێشتنی ئەشکەنجە و لەسێدارەدان ٤\٩\٢٠١٣
|