په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٧\١٢\٢٠١١

ئەو خەلیفانەی ئیسلام کە بە کوشتن چوون و جۆری کوشتنەکەیان.
لە (نقط العروس)ی ئیبن حەزمەوە وەرگیراوە.

عەباس رۆستەم   

 

 

١- عومەری کوری خەتاب رەزامەندی خودای لێبێ: بە لێدانی خەنجەرێک لە ناوکی.

٢- عوسمانی کوری عەفان رەزامەندی خودای لێبێ: بە زەبری شیر لەتوپەتکرا.

٣- عەلی کوری ئەبو تالب رەزامەندی خودای لێبێ: بە شیر لێیدراو برینەکەی کوشندەبوو.

٤- عەبدوڵای کوری زوبەیر رەزامەندی خودای لێبێ:  بە زەبری شیر کوژراو بە سەروبنی هەڵواسراوە.
٥- مەروانی کوری حەکەم: وتراوە کە دایکی خالد لە خەودا سەرینێکی خستۆتە سەر دەمو لوتی و خنکاندویەتی.
٦- عومەری کوری عەبدولعەزیز خودا لێیخۆشبێ: وتراوە کە ژەهرخواردوکراوە.

٧- وەلیدی کوری یەزید: بەشیر لەتوپەتکراوە.
٨- برایمی کوری وەلید: بە خنکاندن لەناو ئاودا مردوە.

٩- مەروانی کوری موحەمەد: بە زەبری شیر کوژراوە.

١٠- ئەلسەفاح: وتراوە کە ژەهرخواردوکراوە و وتراویشە کە گوایە بە نەخۆشی ئاوڵە مردوە.
١١- ئەلمەهدی: وتراوە کە هەر یەکە لە (تەلەو حەسنە) کە دوو دۆستی مەهدی بوون، بەنیازبون یەکدی ژەهراوی بکەن بە ژەهراوەیکردنی جۆرە شیرینیەک، بەڵام مەهدی بە هەڵە لەو شیرینیەی خواردوەو مردوە.

١٢- ئەلهادی: بە نیازی گاڵتەو گەپکردن پاڵیناوە بە هەندێک میوانیەوە بۆ ئەوەی بکەونە هەڵدێرێک، یەکێک لەو میوانانە پەلی ئەلهادی گرتوەو بە هەڵدێرەکەدا کەوتۆتەخوارەوەو قامیشێکی تیژ چوە بە کۆمیداو بوە بە هۆی مردنی.

١٣- هارون ئەلرەشید: جوبرائیل کوری بەختیشوع کە پزیشکی تایبەتی هارون بووه‌، بە هەڵە لە چارەسەرکردنی دومەڵێکیدا بۆتە هۆی مردنی.

١٤- ئەلئەمین: بە زەبری شیر کوژراوە.
١٥- ئەلموتەوەکل: بە زەبری شیر لەتوپەتکراوە.
١٦- ئەلمونتەسر: بە خواردنی خورما ژەهرخواردوو کراوە.
١٧- ئەلموستەعین: بە زەبری شیر کوژراوە.

١٨- ئەلموعتەز: خراوەتە ناو حەمامەوەو دەرگای لێداخراوە تا مردوە.

١٩- ئەلموهتەدی: بە خەنجەر کوژراوە.
٢٠- ئەلموعتەمەد: ژەهر خواردوکراوە.
٢١- ئەلموقتەدر: بە زەبری شیر لەتوپەتکراوە.

٢٢- ئەلمونزر: براکەی بە نەشتەرێکی ژەهراوی کوشتویەتی.
٢٣- هشام ئەلموئەیەد: خنکێنراوە.
٢٤- موحەمەد کوری هوشام (ئەلمەهدی): بە زەبری شیر لەتوپەتکراوە.
٢٥- سلێمانی کوری حەکەم: بە زەبری شیر لەتوپەتکراوە.
٢٦- ئەلموستەزهر: بە زەبری شیر لەتوپەتکراوە.
٢٧- ئەلموستەکفی: ژەهرخواردوکراوە.
٢٨- ئەلقاسم کوری حمود: خنکێنراوە.
٢٩- عەلی کوری حمود: بە خەنجەر کوژراوە.
٣٠- یەحیا کوری عەلی کوری حمود: بە زەبری شیر کوژراوە.
٣١- حەسەنی کوری یەحیا: ژەهرخواردوکراوە.

١٣\١٢\٢٠١١

ماڵپەڕی عەباس رۆستەم

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک