هاونیشتمانانی به‌ڕێز..

هه‌روه‌ک ئاگادارن، رژێمی تورکیا دیسان ده‌ستیکردووه‌ته‌وه‌ به‌ هه‌ڕه‌شه‌کردن له‌ گه‌لی کورد و، به‌پێی بڕیاری په‌رله‌مانی تورکیا، ده‌یه‌وێ

به‌بیانووی شه‌ڕ له‌گه‌ڵ گه‌ریلاکانی پێ کێ کێ، هێرش بۆ سه‌ر باشووری کوردستان ببات و، ده‌ستکه‌وته‌کانی گه‌لی کورد له‌و به‌شه‌ی

کوردستان له‌نێو ببات. به‌م بۆنه‌وه‌، ژماره‌یه‌کی زۆر له‌ رێکخراوه‌کانی کورد و نۆروێژیی، رۆژی شه‌ممه‌، رێکه‌وتی 27/10/2007، له‌

شاری بێرگێن له‌ لای (به‌رده‌ شینه‌که‌)، به‌کاتی (12) ی نیوه‌ڕۆ - له‌ژێر درۆشمی (رێپێوان بۆ ئاشتی) کۆده‌بنه‌وه.

ئه‌م رێکخراوانه‌ له‌ رێپێوانه‌که‌دا به‌شداری ده‌که‌ن:

1-  رێکخراوه‌ی دێمۆکراتی  سه‌ربه‌خۆی ژنانی کوردستان له‌ نۆروێژ

2- پژاک

3- کۆمه‌ڵه‌ی زه‌حمه‌تکێشان

4- حیزبی شیووعی عێراق

5- ڕێكخراوی دژ به‌ڕه‌گه‌زپه‌رستی له‌نه‌رویج  SOS Rasisme i Norge

6- کۆمه‌ڵه‌ی سه‌میناری کوردی

7- یه‌کێتیی لاوانی پارتی سوسیالیستی چه‌پی نۆروێژ

8- پارتی سوسیالیستی چه‌پی نۆروێژ

9- کۆنگره‌ی نیشتمانیی کوردستان

10- یه‌کێتیی قوتابیانی کوردستان.

سه‌رکه‌وێ خه‌باتی رزگاریخوازانه‌ی کوردستان، له‌پێناوی ئاشتی و دێمۆکراسی و،سه‌ربه‌خۆییدا!