|
٢١\١٢\٢٠١١
ئیسلامییەكان لە
رەخنەكانیانیشیاندا بێویژدانی دەكەن.
سهلام عه‌بدوڵا
پتر لە چارەكە سەدەیەكە رەخنە لە دەسەڵات دەگرم و ئەگەر باسی
ناعەدالەتیش بێت، ئەوا لەسەر ئاستی شەخسییدا ناعەداڵەتییەكی گەورەیان
لەگەل كردووم و وەك(جەندەبی كوڕی جەنادە)بە رێگای سەركەش و یاخی بۆ
عەداڵەت دەڕۆم و باكم بە هیچ نییە، بەڵام ئیسلامییەكان بە قەڵەمێكی زبر
و بێویژانانە هێرشێكی هەستریان لە دژم بەرپاكردووە و لەمەشدا لە
درۆكردن(ئەركانێكی ئاینەكەیان)ە، شەرم ناكەن. بۆ نموونە من حزبی نیم و
لەئاستی هیچ كردارو رەفتارێكی پارتی و یەكێتی بێدەنگ نەبووم، بەڵام
محەمەد بەرزنجی و كاك بێستون بە درێژایی چەندین لاپەڕە بوختانیان
نووسیوەو هیچان پەیوەندیان بە منەوە نییە. من لە هیچ بێدەنگ نەبووم و
زۆربەی نووسینەكانیش لە سایتەكان هەن.
ئێمە لە نووسینەكانمان بە توندی دژ بە سوتاندن و دەستگیركردنی بارەگا و
ئەندامەكانی یەكگرتوو هەڵویستمان دەربڕی، بەڵام ئەو دوو برادەرە لە
نووسینەكانیان نابەڵەدانە باز لەسەر ئەم خاڵەش دەدەن.
ئێمە بە چالاكی و هەڵویست و گفتوگۆ بەشداریمان كرد لە گۆڕینی هەڵویستی
كوردستانیان لەبارەی بەهەرێمكردنی دیالە و هەمووشیان لەبەرچاون(سایت و
یوتوب و فێسبووك بڵاوكراونەتەوە). ئەوانەی بێستون ناوی لێناون(رۆشنبیرە
جدیەكانی كوردستان)، ئەوانە لەسەر مێزی پارتی و یەكێتی و راگەیاندنەكان
و پارەوپولیان گەورە بوون. ئەگەر ئەو(رەشبیرانە) لە ئەڵمانیا بژێن،
ئەوا پشتیوانیان لە ئۆپۆزیتسیونی نازی و راسیستەكان دەكرد. هەر یەك
لە(ئاراس، بەختیار، هەردی و فاروق) بوون بە بۆقی ئەنتی شوعی و پردی بە
مزگەوتكردنی بەر دەرگای سەراو و بەمە رۆڵ و شەرەف و ئەركی رۆشنبیریان
بردە رەنگزەردترین ئاست و، ئێستا هەندێكیان لێی پەشیمانن و
بایانداوەتەوە.(فاروق) لەبەر جەهلی فەلسەفی بە شێوەیەكی ئیرادەوی
لە(ن.ر.ت) نەفی بە حزبی كردنی ئاین دەكات، بەڵام راستییەكە ئەمەیە(ئاین
هەمیشە رۆڵی حزبی بینیوە و هەروا بۆ نموونە نا تەنها لە كوردستان،
بەڵكو لە وڵاتانی ئۆروپا و ئەمریكاشدا چەندین حزب بە ناو و ناوەڕۆك و
ردوشم و پشتیوانی ئاینی مەسیحی حوكمڕانیان كردووە و دەیكەن. ئەمە بە
دەستی من و تۆ نییە و بەكارهێنانی(نابێ) ساوێلكەییە و بەس!
ئەوە من نیم بە حقدەوە دەنووسم، ئەوە ئەوانن هەر جارێ دەیانەوێ
رەورەوەی مێژوو بۆ ئەدەب و نەریت و دەسەڵاتی جەزیرەی بیابانی عەرەبی
بگەڕێننەوەو سیناریو رەشەكەیان بەم شێوەیە: سیناریو رەش و دزێوەكەیان
بەم شێوەیە: (جەندەر)و باسكردنی خەتەنە دژ ئاینی ئیسلامە، نابێ كچان و
كوڕان لە قوتابخانەكان پێكەوەبن، پاشان وەحشیگەرییەكەی بادینان بە
پشتخان و تێگەیشتنی ئیسلامی و ریكلامكردن بۆ مۆدێلی حكومەتی ئیسلام
فاشستی توركیا كە جووتە لەگەل سیاسەتی لیبرالیزمی نوێ و ئەمجارەیان بە
پڕۆژەی سەرۆك عەشرەتە عەرەبەكان، بەعس و تایفەگەری سونی و شۆفێنیستەكان
داوای بەهەرێمكردنی دیالەین كرد و، تەقاندنی پەرلەمانی عێراقیش لەو
هەوڵانەوە دوور نیە.
جارێكی تر ئۆپۆزیتسیون بە نرخی عەشرەتگەرایی، بۆمبا و تایفەگەریی.
هێشتا پاش دەركەوتنی رەنگ و بۆ و كردەوەی كۆنەپەرەستی وئاسۆی پایزی
عەرەبی، راگەیاندنی ئۆپۆزیتسیون و دەسەڵات، باسی"بەهاری عەرەبی" دەكەن،
بەڵام ماوە پێمان بڵێن كامە بەهار؟! ئایا بەهێزبوونی پێگەی ئەخوانی
موسلمین و جیهانگیری لیبڕالیزم و هەماهەنگیان دژ بە دكتاتۆرەكان،
دەربازگردنی سیستێمەكە نیە لە ئەڵتەرناتیڤی دەسەڵاتی عەدالەتی
كۆمەڵایەتی؟
مەخابن جەماوەر لە ستەمكاری زۆر باش تێدەگات و رۆژانە بە ملیارد شێوەیە
دەسەڵاتەكان دەدەنە بەر رەخنە و توانج، ماوە لە رزگاربوونیان تێبگەن و
بە دروشمی ئەم و ئەو لە خشتەنەبرێن.
ئەوەی لێرە جێگای مەبەستە، قسەكردنە لەسەر هەڵویستی ترسناكی یەكگرتووی
ئیسلامییە. بۆچی بەرپرسەكانی یەكگرتوو بە شێوە دەسەڵاتی ئۆردۆغان و
حزبەكەی(ئاكاپە) سەرسامن؟ بۆچی لە پارێزگای دیالە دەبن بە قسەكەری
پڕۆژەی سەرۆك عەشرەتە عەرەبەكان و بەعس و تایفەگەری؟
ئایا بۆچی گۆڕان و حكومەت هیچ هەڵویستێك لەبارەی ئەو مەترسییانە
دەرنابڕن؟ بۆچی"رۆشنبیرە سەربەخۆكان"خۆیان متكردووە و لەباشترین حاڵەت
لە كۆبوونەوەكانی یەكگرتوو قیتدەبنەوە؟ و زۆر پرسیاری تر.
ئێمە شەریكی بن عەلی نین و نەفرەتیان لێدەكەین، بەڵام لەگەل زاڵ بوونی
هێزگەلی ئیسلامی و لیبراڵی نین و ئەڵتەرناتیفی ئینسانی لە دادوەری
كۆمەڵایەتی، ئازادی و بنەبڕكردنی ئازادی موڵكایەتی تایبەتی و و ئاین و
رەوەشتەكانی كە بەرپرسن لە بەكاڵاكردنی بوونی ئینسان مام جەلال راستی
وتوە(سەردەمی جیفارا و ماو نیە)و دەڵێم سەردەمی كۆنەپەرەست، دز، گەندەڵ
و جەردەی موحتەریفە(وەهمی پارە و بەڵێنەكانی پشت هەورەكان)، سەردەمی
كویلەكردنی نوێی مرۆڤایەتییە، و ئێمەش كەمایەتین و ئەڵتەرناتیڤی رزگاری
ئینسان لەو وەحشیگەریانە هەیەو دووبارەی هاواری(سۆسیالیزم یان
بەربەرییەت).
دیكتاتۆریەتی سەرمایەداری وەك بانقەكانی لە ئاستی سیاسی، كۆمەڵایەتی
رۆشنبیری و فەلسەفی و ئەخلاقی مایەپووچ بووە، بۆیە وەك هەوڵێك بۆ
دەربازبوون لە ناوچەكەمان، پشتی لە دیكتاتۆرەكانی ناوچەكە كردووەو
خەریكی(شهر عسل)ە لەگەل دیكتاتۆریەتی هێزە ئیسلامی و لیبڕالەكان...پیرۆزتان
بێت، بەڵام پەنا بە سەرڕاستی لە خۆم و خەڵك، نە وتارە خواروخێچەكانی
ئیسلامییەكان، نە راگەیاندە حزبی و"سەربەخۆكان" ناتوانن بەر بە توانا
بچوكەكانم بگرن و لەم سوچە پەراوێزخراوەوەو لە خەمناكترین و قوڵترین
ژیانم توانیم ئەم وڵامە بنووسم و سوپاس بۆ هەموو ئەو هاوڕێ و دۆستانە
كە لەبری من قسەی خۆیان كرد....
____________________________________________
هاوپێچ:
صوت كوردستان: في مقابلة أجرتها قناة سبيدة التابعة لحزب الاتحاد
الاسلامي الكوردستاني حول الاحداث الاخيرة التي جرت في منطقة دهوك مع
مسؤول الفرع الثالت للحزب المذكور المدعو غازي سعيد أعترف و على الملئ
بأعجابة الشديد برئيس الوزراء التركي رجب طيب اردوغان و أفكارة و أمتدح
دورة في المنطقة و ما أسماها بالربيع العربي و تمنى غازي سعيد أن يكون
هناك العشرات من أمثال اردوغان في المنطقة. و في غمار مدح مسؤول
الاتحاد الاسلامي بأردوغان نسى الموما الية ما قامت و تقوم بها حكومة
أردوغان حيال الكورد و وقوف أردوغان العلني ضد حقوق الشعب الكوردي في
سوريا و في العراق و منعه من أعادة المناطق المحتلة من كوردستان في
كركوك و الموصل و ديالى الى أقليم كوردستان. كما أعرب المدعو عن فرحة
بفوز أحزاب الاخوان في الدول العربية التي قامت فيها الاضطرابات و
سيطرتها على مقاليد الحكم. و لم يوجة مذيع القناة المذكورة أي سؤال حول
ما اذا كان حزب الاتحاد الاسلامي الكوردستاني تلقى دعما من تركيا مقابل
هذا الاعجاب أم أن أعجابة يأتي من أضطهاد اردوغان للكورد و عداءة
للحقوق الكوردستانية.
ماڵپه‌ڕی سهلام عه‌بدوڵا
|
