٢٧\٤\٢٠١٣

    لە خـۆرئاوابوونەوە رووناکی نابینم.

لانە ئاسۆ

وام لێهاتووە،

لە خۆرئاوابوونەوە رووناکی ببینم
لە میهرەبانیتا درۆ....
دەمەوێت ئەو دڵەت دەربهێنم و
بیگرمە چوارچێوە
لە مۆزەخانەی بێدارانا
بیکەمە نموونەی بۆگەنی.
    *    *    *
تۆ چۆن توانیت
جیا ببیتەوە
لە ساتێکدا کە ئێمە
ئاوێتەی یەکتری بووین،
وەک چۆن
نۆتە لە ژێکان بەرز دەبیتەوە
باوەش بۆ سەمفۆنیاکانی ئەوین دەکاتەوە و
نەغمەی عیشقمان بۆ دێنن؟
چۆن توانیت رۆحم لە جەستەم جیاکەیتەوە و
فڕێی دەیتە بەر پێی رێبواران؟
    *    *    *
من چیتر گومانم هەیە
لە وشەی میهرەبانی
گومانم هەیە لە بوونت،
هەموو نەخۆشییەکانی ببینم
بزانم!
کامیان وەک تۆ رووخێنەرە؟
ئەی شارەزا
لە دونیای ئەوین.

laneaso53@gmail.com