ناڵەی ئەشق
بورهان هەژار
شەکرە سێویی لێوت باری رێژنەبارانە بۆگوڵم ئەو دەمەی بێییت بەلاساری هێور نابێت ترپەی دڵ و ماچی کوڵم * * هەناسەی گوڵی ئیشقی نوێ ماچی لێوانەبۆ مژیین تێڕوانینم بڕوات بۆ کوێ لەتۆ زیاتر ئەگەر تاسەر بۆ یەک بژیین * * کەهەناسەت بۆنی غەریبی بهێنێت سنگم ئامێزە بۆ سەرت گوڵ لە دەستی ئەز ناوەرێت دڵنییابە جارێکیتر گەر دەم بنێمە نێو دەمت * * بە تۆوە بوو فرمێسکی چاوانم رژا ئەشکیی خوێنینم مەیی بە شکستی کراسی غوربەتم دڕا لە تەنیایی دەناڵێنم بە دەست بادە و شەراب و مەیی * * با نەسووتێم لەوە زیاتر بەناڵەی ئیشقی گرفتار کەی دەبیتە هەتوانی زام ئەی فریشتەی خەونەکانم بۆ نازانیت پرشنگی گیانی رووناکیم تۆ لە مێژە ئارەزوویت لام .. * * رێم لێمەگرە رامووسانی ئامێزتبم وەک پەپوولە بەسەرگوڵی خۆزگەکانتا بشنێمەوە .. هەموو ماچێکی گەرمی لێو لە چاوانتا هەڵبێنمەوە .. * * مۆمێک دەگەڵ خۆت بهێنە بۆ سەر مێزی ژووری بۆرم بە ماچ تێنیوێتیم بشکێنە وەک شەوانی پڕ لە خۆرم .. * * ئەو زامی بێهەتوانی جێهێشت دڵی کردم بە شووشەی مەیی تا لە دەستما وردووخاشبێ و لەم غوربەتا بمخواتەوە دەروونی نەیی .. * * ئەو کە شەوان دەمسووتێنێ لە تەنیایی دەبم بە پاییزێ لە خەم یادگارییەکانی ئاییندە دەمپروێنێ بە سانایی منیش لێرە بەدەم (با)وە گەڵای زەردیی ئاهوناڵەم دەوەرێنە سەر رووپەلی تەم .. بەرلین 2007/06/11
|