په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

ڕه‌خنه‌یه‌ک له ‌نێچیرڤان بارزانی سه‌باره‌ت به‌ کۆنگره‌ی ئه‌نفال .

قادر نادر    

 

سه‌رۆکی به‌ڕێز هه‌زاران ووشه‌ و بابه‌تمان  بۆ نوسین , که‌ داهات و خزمه‌گوزاری ،‌ پاشماوه‌ی قوربانیانی کۆمه‌لکوژی کورد بگرێته‌وه‌ که‌چی جه‌لادانی کۆمه‌لکوژی گرته‌وه‌ ‌ ؟؟؟؟ ده‌یان بابه‌ت له‌ڕؤژنامه‌کانی ژێرده‌سه‌لاتت نوسرا،که‌له‌بڕی ده‌سه‌ڵات و ته‌خشان و په‌خشانکردنی ئه‌نفالچیه‌کان  با دادگا و زیندان چاره‌نوسی  ته‌مه‌نیان بێت ،که‌چی هه‌رپله‌یان به‌رزتر بوو .  له‌بری  دیداره‌کانت بۆ سه‌رۆک جاش و ئه‌نفالچی و فایلداره‌کان ،  با که‌مێک ده‌رگای سه‌رۆکایه‌تی حکومه‌تیشت بۆپاشماوه‌ی قوربانیانی کۆمه‌لکوژی کورد بێت له‌ ئۆردوگای شۆڕش و خه‌لکی چه‌مچه‌مال و شاری هه‌له‌بجه‌و بادینان ؟؟؟.

 

به‌لی 2ساڵی حکومه‌تی یه‌کگرتوو ، بۆ ساتێکیش نه‌چویت سه‌ر له‌کیشوه‌ری ئه‌فریقیای ژیان ئاسای ولاته‌که‌ت بده‌‌یت ؟؟  به‌ ڵێ 2 ساڵه‌ له‌ حکومه‌ته‌که‌ت هه‌رچی ڕێکخراوی دیکۆر و دارده‌ست ، ره‌نگ زه‌ردو سه‌وز ، بێ به‌روبوم و ته‌زویرهه‌یه‌ ، هه‌مووی بودجه‌ی تایبه‌تیتان بۆ بڕینه‌وه‌ ، ‌ که‌ چی  ئابلۆقه‌ی راگه‌یاندن و ئابوری ده‌خه‌نه‌ سه‌ر ناوه‌ندی چاک ، ئه‌و ناوه‌نده‌ی له‌بڕی ئێوه‌  له‌ 6 سالی رابردودا له‌هه‌نده‌ران ، خاوه‌نی ده‌یان و سه‌دان کارو چالاکیه‌ بۆ به‌ناساندنی ئه‌نفال به‌ جینۆسایدا ، که‌ چی وه‌ک میوان و کارتۆن و یه‌کێتیه‌ کانی لاوان و ئافره‌تان و خوێندکاران داوه‌تتان کرد؟؟؟  به‌ڵی باس له‌کۆنگره‌ی ئه‌نفال ده‌که‌ن که‌ چی (‌ بنه‌ماڵه‌ی قوربانیانی ئه‌نفال داوه‌ت ناکرێن ، جه‌لادانی چه‌ند مه‌تڕێک  له‌ده‌ره‌وه‌ی کۆنگره‌ی ئه‌نفال   ئازادانه‌ ده‌سوڕینه‌وه‌ و له‌ده‌سه‌لاتن  !!؟؟ خؤشگوزه‌رانیتان بۆ باوک وبرا منال و ژنه‌کانیانتان دروست نه‌کرد ؟؟  ته‌نانه‌ت  ئه‌وه‌نده‌ی شه‌ری مان و نه‌مان له‌سه‌ر بودجه‌ و ده‌سه‌لاتی به‌ غدا ده‌که‌ن ،‌  بۆ ساتێکیش فشاری خۆتان نه‌خستۆته‌ کار بۆ جێبه‌جێکردنی سزای بریارداراوی دادگا به‌سه‌ر تاوانبارانی ئه‌نفالا !!؟؟ .

 

به‌ڕێز نامه‌وێت درێژه‌ به‌و دێرانه‌ بده‌م ،  چونکه‌ زۆرمان ووت وهیچتان  نه‌کرد  ، برواشناکه‌م کاتی خۆشتانی بۆ ته‌رخان بکه‌ن  و بیکه‌یته‌ به‌رنامه‌ی کاری ئه‌و حکومه‌ته‌ی که‌ به‌ئێسک و پروسکی ئه‌نفال و بریندارانی کیمیاباران به‌ده‌ست هاتووه‌ ؟؟  بۆیه‌ ته‌نیا یه‌ک پرسیارت لێده‌که‌م  ناوه‌ندی چاک نامه‌یه‌کی له‌05/10/2007 ئاراسته‌ ی ده‌زگا به‌رپرسه‌کانت کرد ،  که‌ کۆمه‌ڵه‌ی شاره‌زایانی جینۆساید  IAGSده‌یه‌ویت کۆنفرانسی 8می ساز بکات ،  کۆمه‌ڵێ  داخوازی هه‌یه‌ ‌ئه‌گه‌ر  جێبه‌جی بکرێت  ئه‌وا ئه‌گه‌ری زۆره‌ له‌کوردستان  ساز بکرێت ،که‌چی که‌سیان وه‌لامیان نه‌دایه‌وه‌ !!؟؟؟ .   که‌چی به‌هه‌مان داخوازی و بودجه‌ی زیاتر کۆنگره‌یه‌ک بۆ ئه‌نفال ، ده‌که‌ن به‌ڵام بێ ده‌ستکه‌وتتر بۆخه‌لکی قوربانی  و گه‌لی کورد . که‌ داخوازیه‌کان    ئه‌مانه‌ بوون :

 

1/ بوونی هۆڵێک بۆ نزیک به‌ 500 که‌س .   ئه‌وا ئێوه کۆنگره‌ی ئه‌نفال له‌هۆڵی مامۆستا سه‌عد  بۆ هه‌مان ژماره‌ی میوان ده‌که‌ن.

 

2/ داوه‌تنامه‌و خواردن و قاوه‌ له‌سه‌ر خه‌رجی ئێوه‌ بێت .  به‌رده‌وام به‌رپرسانی کۆنگره‌و کۆنفرانسه‌کانت له‌م باره‌وه‌  پاره‌ له‌ئاستیا کراوه‌یه‌  . 

 

3/ ئاماده‌کاری که‌ره‌سه‌ی ته‌کنیکی بۆ وه‌رگێران و شوێنی نوستن وخه‌وتن ، دلنیام  بۆ ئه‌م خاڵه‌ش شیراتۆن و هه‌ورامان و  ئامێری نوێی ته‌کنیکیتان ئاماده‌ یه‌ ‌ .

 

4/ خه‌لات برینه‌وه‌ بۆ سه‌رکه‌وتوانی بابه‌ت و ماندونه‌ناسانی ، دڵنیام ئێوه‌ش بۆ کۆمه‌ڵێک چوارده‌وری خۆتان ئه‌نجامی ده‌ده‌ن .

 

به‌کورتیه‌که‌ی هه‌رچی له داخوازی کۆمه‌ڵه‌ی شاره‌زایانی جینۆسایدی جیهانی داواکرابوو  له‌وکۆنگره‌ی  ئێوه‌ ش  بودجه‌ی زیاترتان بۆ بڕیبێته‌وه‌،  که‌مترتان دانه‌ناوه‌ .. پرسیاری به‌نده‌ ئه‌وه‌یه‌ ئه‌ی بۆچ  وه‌لامی ئه‌و داوایه‌ت نه‌دایه‌وه‌ و ئه‌و هه‌ڵه‌ زێرینه‌شتان له‌ده‌ست کورددا؟؟  

 

 ئیوه‌ راسته‌ کۆمه‌لێک که‌سایه‌تی بیانیتان بانگهێشت کردووه‌ ، به‌لام به‌ڕێزم ئه‌وانه‌ زۆرینه‌ی  دۆستی کوردن نه‌وه‌ک شاره‌زان له‌ مه‌سه‌له‌ی جینۆسایدا  وه‌ک رێکخراوی IAGS  . دواتر ده‌بێت ئه‌و راستیه‌ بزانن به‌ جینۆساید ناساندن تاوانه‌ کۆمه‌لکوژیه‌کانی کورد به‌ کۆبونه‌وه‌ ئیمزاکردنی خه‌ڵک نابێت ، به‌ ئاستی ئه‌وه‌ی که‌ له‌دادگایه‌کی ئه‌وڕپی  یان رێکخراوێکی وه‌ک جینۆساید وۆچ   که‌دان به‌ ئه‌نفال به‌ جینۆسایدا بنێت ، ناهه‌قی کابینه‌ و وه‌زاره‌تێ شه‌هیدان و ئه‌و ڕۆشنبیرانه‌ ناگرم که‌له‌په‌روه‌ندی ئه‌نفالا ئه‌وه‌نده‌ی به‌دوای کامیراو ناو ده‌نگن ، که‌زۆرجار وه‌ک ئه‌و مریشکه‌ کوردیانه‌  دێنه‌ به‌رچاوم زۆر  دوقه‌دوق  ده‌که‌ن  ، به‌لام به‌داخه‌وه‌  هێلکه‌یان پێناکرێت . ئاخر کێشه‌که‌ له‌بێئه‌زمونیتانه‌ که‌ به‌ئاستی یه‌ک کۆمیته‌ی ناوه‌ندی چاک سه‌رتان له‌و مه‌سه‌له‌یه‌ ده‌رناچێت ، به‌لام چیبکه‌ین ئێوه‌ داهاتی گه‌لێکتان له‌ به‌رده‌سته‌ به‌ ئاره‌زوی خۆتان  ته‌خشان وپه‌خشانی ده‌که‌ن بۆ ده‌روێشه‌کانتان ، ئێمه‌ش تاره‌خنه‌ بگرین ئاوا ده‌بێت له‌ بێ ده‌رامه‌تی و سه‌رگیرفانی خۆمان پاره‌ی پارێزه‌رانمان نه‌بێت تا سکالا له‌سه‌ر تاوانبارانی ئه‌نفال  به‌سه‌رکه‌وتوانه‌ به‌ڕیوه‌ ببه‌ین .

 

 

http://kurdistannet.info/2007/10-2007/5-10/dawakari.pdf