ئێستا هەموو ژنانی کوردستان - بێجگە لە
ژنە باڵاپۆشە ئیسلامییەکان - باش لەوە
تێگەیشتوون کە زۆربەی هەرە زۆری پیاوانی
کورد نێرسالارن و نەک هەر ناتوانن دان بە
ماف و ئازادیی وەک یەکی نێوان ژنان و
پیاواندا بنێن بەڵکە هەر لە بنچینەدا ژنان
بە مرۆڤی تەواو نازانن، بەڵام ئەگەر ئەو
تێگەیشتنە لە لایەن ژنانەوە نەگۆڕێ بۆ
بەرەنگاربوونەوەیەکی یەکسانییخوازانە و
راشکاوانەی ئەوتۆ لە بەرانبەر پیاوانی
چەوسێنەر و پێیان نەڵێن:
-
ئیدی ئێمە نامانەوێ وەزیری ناندین و
خزمەتگوزاریی نێو ماڵان
بین و دەبێ لەمەودوا ئەو پۆستە لە نێوان
هەردوو لامان
دابەش بکرێ!
-
ئیدی ئێمە نامانەوێ هیچ سوپا و هێزێکی
چەکدار هەبێ و هیچ شەڕێک هەڵبگیرسێ کە
تەنیا لە بەرژەوەندییەکانی
ئێوە دان!
-
ئیدی ئێمە هیچ دینێکمان ناوێ کە ئێمەیان
کردۆتە کۆیلە و هەر خۆشتان بۆ
بەرژەوەندییە چەوسێنەرەییەکانی خۆتان
داتانمەزراندوون!
-
ئیدی ئێمە پۆلیس و یاسایەکان
و دادگایەکانی ئێوەمان
ناوێ کە هەمیشە
سەرکوتمان دەکەن و
هەرگیز ناهێڵن
یەکسان ببین بە ئێوە!
-
ئیدی و
-
ئیدی و... هتد.
ئەگەر نا؛ ئەوە هەر دەبێ ژنان رۆژانە
چەندین کاتژمێر لە بەرانبەر ئاوێنەکان دۆش
دابمینێن تا جوانییە رووکەشەکانیان
رێکبخەن و خۆیان بکەنە نێچیرگەلێکی
دەستەمۆی بەردەستی پیاوە
نێرسالار و ژنکوژەکان!!!
|