خۆپێشاندانی ناڕه‌زایه‌تی به‌رده‌م سه‌فاره‌تی تورکیا له‌له‌‌نده‌ن .

ئه‌مڕۆ 25/10/2007 له‌چوارچێوه‌ی خۆپیشاندانه‌کانی ڕێکخراوی ده‌ره‌وه‌ی وولاتی حزبى کۆمۆنیستى کرێکاریى عێراق که‌کراون یان ده‌کرێن و بانگه‌وازی ڕێکخراوی به‌ریتانیا، له‌به‌رده‌م سه‌فاره‌تی تورکیا له‌لنده‌ن خۆپیشانده‌ران به‌ به‌رزکردنه‌وه‌ی لافته‌ی گه‌وره‌ی حزب ‌و شیعارو پلاکارتی گه‌وره‌ی  "نا بۆشەرو داگیرکاری ده‌وڵه‌تی تورکیا"، نا بۆ له‌شکرکێشی تورکیا " " نا بۆ ‌شه‌ڕو کوشتار به‌ڵێ بەڵێ بۆ جیابونەوەى کوردستان "، به‌زمانه‌کانی ئینگلیزی و ووتنه‌وه‌ی ئه‌م شیعارانه‌ به‌ ده‌نگی به‌رز که‌ سه‌رنجی ناوچه‌که‌و سه‌فاره‌تی بۆخۆی ڕاکێشا بوو.

وه‌به‌رده‌وام قسه‌وباس له‌سه‌ر ئه‌وه‌ی که‌ ئه‌مڕۆ بۆ‌ له‌به‌رده‌م سه‌فاره‌تی تورکیا خۆپیشاندان ده‌کرێ‌، وه‌ڕیسوا کردن و مه‌حکومکردنی سیاسه‌تی له‌شکرکێشی تورکیاو ناوه‌رۆکی سیاسه‌تێک که‌ ده‌وڵه‌تی تورکیا به‌شوێنیه‌وه‌یه‌تی، ده‌کرا. ئه‌م قسانه‌ به‌رده‌وام له‌لایه‌ن ده‌شتی جماله‌وه‌ ده‌کران و هه‌روه‌ها له‌لایه‌ن نادیه‌ محموده‌وه‌ به‌نوێنه‌رایه‌تی کۆنگره‌ی ئازادی عێراق قسه‌وباس کراو سیاسه‌تی له‌شکرکێشی و شه‌رخوازی تورکیای ڕیسوا کرد.

هه‌روه‌ها چه‌ندین نامه‌ی ناره‌زایه‌تی دژ به‌سیاسه‌تی له‌شکركێشی ‌ده‌وڵه‌تی تورکیاله‌م ‌لایه‌نانه‌وه:

‌ (  Collation to Stop Deportations to Iraq ، No Sweat، International Federation of Iraqi Refugees  ، Doug Holton for Stop deporting Chldren UK) که‌ نسخه‌یان بۆ ڕێکخراوی به‌ریتانیای ناردبوو وه‌ نامه‌ی ناره‌زایه‌تی  (Karawane für die Rechte der Flüchtlinge und MigrantInnen/Kampagne gegen
Abschiebungen in den Irak) به‌زمانی ئه‌ڵمانی و هه‌روه‌ها نامه‌ی ناره‌زایه‌تی  ڕێکخراوی به‌ریتانیای حزبى کۆمۆنیستى کرێکاریى عێراق له‌لایه‌ن نوری به‌شیره‌وه‌ - لێپرساوی حزب له‌به‌ریتانیا، که‌ئاراسته‌ی سه‌فاره‌تی تورکیاکرابوون وه‌ قه‌رار بوو بدرێن به‌ سه‌فاره‌ت و نوێنه‌ریان ببینرێن ته‌سلیمیان بکرێت، به‌لام له‌ ترسی ئه‌و شیعارانه‌ی که‌گوێبیستی بوون ڕێگایان نه‌دا هه‌تا نامه‌کانیان ته‌سلیم بکرێت.

حزبى کۆمۆنیستى کرێکاریى عێراق

ڕێکخراوی به‌ریتانیا

بۆ زانیاری زیاتر پەیوەندی لەگەڵ نوری بەشیر بگرن:

Mob: 0796 0669 896

Email: n.bashir3@ukonline.co.uk