١١\٤\٢٠١٧

١٤٠ فیلم لە ٥٨ وڵاتی جیھان لە فیستیڤاڵی جیهانیی فەجر بەشداریی دەکەن.

مەنسوور جیھانی

١٤٠ کورتە فیلم و فیلمی بڵیندی سینەمایی لە ٥٨ وڵاتی جیھان لە سی و پێنجەمین خولی فیستیڤاڵی جیهانیی فیلمی فەجر بەشداریی دەکەن.

ئەمساڵ ٥٨ وڵاتی جیھان بە فیلمەکانیان لە سی و پێنجەمین خولی فیستیڤاڵی جیهانیی فیلمی فەجر بەشداریی دەکەن کە لەم ناوەندەدا وڵاتی ئێران بە ٣٥ فیلم و وڵاتی فەڕەنسا بە ١٧ فیلم زیاترین رێژەی بەشدارییان لەم فیستیڤاڵەدا ھەیە.

ئەم وڵاتانەی کە بە فیلمەکانیان لە سی و پێنجەمین خولی فیستیڤاڵی جیهانیی فیلمی فەجر بەشدارن بریتین لە: فەڕەنسا بە ١٧ فیلم، ئیسپانیا، رووسیا، ئەڵمانیا، ژاپۆن، کۆریای باشوور و تورکیا بە ٦ فیلم، ئەمەریکا، چین، لیتۆنی و پەڵەندا بە ٤ فیلم، کۆماری چیک بە ٣ فیلم، میسر، ئستۆنی، ئەڕژەنتین، ھەنگاریا، میانماڕ، ھۆنگ کۆنگ، ھیندستان، ئیتاڵیا، قەزاقستان، لیتۆنی، مەکزیک، رۆمانیا، سوید، سویسڕا و بەریتانیا بە ٢ فیلم.

ھەروەھا وڵاتانی ئوستوڕاڵیا، ھۆڵەندا، بەلژیکا، ئەفغانستان، بەنگلادش، بۆسنی و ھێرزێگۆڤین، جۆرجیا، کرۆواسی، بڕازیل، کۆلۆمبیا، کامبۆج، ئێکوادۆر، مۆلداوی، ئەندۆنێزی، عێراق، کەنەدا، ئۆردۆن، فینلەندا، مالێزی، مۆغۆلستان، نیجریە، نۆروێژ، پاکستان، پرۆ، فیلیپین، دانماڕک، عەڕەبستان، سەنگاپوور، ئۆکڕاین و ئیماڕات بە یەک فیلم لە بەشە جۆراجۆرەکانی سی و پێنجەمین خولی فیستیڤاڵی جیهانیی فیلمی بەشداری دەکەن، ھەڵبەت ھەندێک لە فیلمەکان بەرھەمی ھاوبەشی چەندین وڵاتن.

سی و پێنجەمین خولی فیستیڤاڵی جیهانیی فیلمی فەجر بە بەڕێوەبەریی گشتیی سینەماکاری ئێرانی "رەزا میرکەریمی" و بەشداریی بەرھەمی وڵاتانی جۆراوجۆری جیھان لە چەندین بەشی جۆراوجۆری پێشبڕکێی و دەرەوەی پێشبڕکێی، لە رۆژانی ٢١ تا ٢٨ی ئەپرێلی ٢٠١٧ لە کۆمەڵەی سینەمایی پەردیسی "چارسوو" لە شاری تاران بەڕێوەدەچێت.

بەڕێوەبەرایەتی ڕاگەیاندنی گشتیی فیستیڤاڵی جیهانیی فیلمی فەجر

ماڵپه‌ڕی مه‌نسوور جیهانی