١٣\٧\٢٠٢١

   ئاڵان. کڕیارێکی سوێدی.

    ئاڵان.
کورە جوانەکەم
ھەشت ساڵانە
یارییەکی پێشکەش کردم
ئۆتۆمبێلێکی شین
قەوارەکەی پاکێتە شقارتەیەک بوو
(بیبە باوکە
لە کاتی بێزاریی
سوودی ھەیە)
دوێنی شەو
کاتێک بێزاریی میوانم بوو
ئۆتۆمبێلەکەی ئاڵانی بچکۆلەم دەرھێنا و
دەستم بە یاریکردن کرد
توت توت توت .....

    کڕیارێکی سوێدی.
پێنج ساڵ تێپەڕی
دێتە دوکانەکەم
جگەرە و
رۆژنامە و
شیرینی دەکرێ و
ھەموو جارێک
لە بارەی
عێراق و
سیاسەت و
ھاوکاری قسەم لە گەڵدا دەکات و
رۆژێکیان کاتێک ‌ تووڕەبوو
بە ھۆ ی شتێکی قیزەوەن
جنێوی پێدام
ھاواریکرد
بگەڕێرەوە بۆ وڵاتەکەت
ئەی بێگانە!

__________________________________________
* نەجم خەتاوی: شاعر، لە ساڵی ١٩٥٧ لە پارێزگاری کوت لە دایک بووە، چەندین ساڵ پێشمەرگەی حیزبی شیوعی عێراق بووە و ئێستا لە سوێد نشتەجێیە. ئالان و کریارێکی سوێدی لە پەرتووکی ''تحلیق فوق الثلج'' (فرین بە سەر بەفردا - Hovering over the snow) وەرگیراون.

٩\٧\٢٠٢١
ماڵپه‌ڕی ئه‌حمه‌د ره‌جه‌ب