٢٤\٨\٢٠١٤

    ئاوارە.

هێمن ئەمانی "باران"

بۆ "ئاوارەکانی" ئەم دواییە، کە لە تاو "تیرۆریستەکانی داعش" پەنایان بۆ کوردستان هێنا.

ساردم
بێ هەست و نەست
چاوم نوقاو
جاروبارێکیش نیگایێ
وەک کچۆڵەی سەر چیاکان..

بیرم ناچی
کە چۆن بە پۆل
لە بیابانی دووکەڵاویی
بیر تەپیوی چەک بەدەستدا
لاشە شکاو
بێ نان و ئاو
وەدەرکەوتن.

بە بنەماڵە هەموو هاتن
پەنابەری ماڵی من بوون
ماڵی ئێمە..،
هی هەموومان.

کەچی باوکمان
باوکی زێدمان "بە زڕی..، بە ناو"
زۆر بەگەرمیی
بەخێرهاتنی کردن و
لەبەر دەرگە
لە نێو گەرما
لە نێو سەرما
جێگەی کردن.

بەڕەیەکی کۆنی کونی لا نەوتاویی
هی بەر پێ بوو
ماڵی ئێمە..،
ماڵی هەموومان
پێ بەخشین و
منەتێکیش...
کورم، کچم،
رۆڵەکانی خۆشبەختیی من
دەبێ وەک من
وەک باوکتان "بە زڕی..، بە ناو"
میواندۆست و
بەخشندە بن.

٢١\٨\٢٠١٤

hemnamani@yahoo.com