|
٣\٩\٢٠١٧
بانگەوازێك روو لە
حكومەتی هەرێم و ئیدارەی رۆژئاوای كوردستان.
لە رۆژانی ربردوو بەهۆی هەرەسی سەربازی داعش لە موسڵ و تەلەعفەر و رەقە,
ورەی چەكدارەكانیان دابەزیووە, تا دێت ژمارەی دیلكراوەكان و
هەڵاتووەكان لە بەرەكانی جەنگ زیاد دەكات, پێشبینی هەرەسی زیاتر دەكرێت
لە رۆژانی داهاتوودا, ئێمە وەك تۆڕی (Koncicc)
داوا لە حكومەتی هەرێمی كوردستان و ئیدارەی رۆژئاوای كوردستان دەكەین:
- دیلەكان بە پێی پەیماننامەی جنێف مامەڵەیان لە گەڵدا بكرێت و وەك
دیلی جەنگ هەڵسوكەوتیان لە گەڵ بكرێت.
- ئەو دیلانەی هاوڵاتی ١٢٤ وڵاتی ئەندامی دادگای تاوانی نێو دەوڵەتین
بە تایبەت بڕیاربەدەستان و هاوبەشانی تاوانەكان, تەسلیم بە دادگای
تاوانی نێودەوڵەتی بكەن , ئامادەیی خۆتان بۆ هاوكاری دادگا دەرببڕن.
- ئەوانەی هەڵدین , شوێن پێیان هەڵبگرترێت, لە وڵاتی خۆیان سكاڵایان
لەسەر تۆمار بكرێت, هەر ئێستا چەندین تیمی دۆست خەریكی ئەوكارەن.
- بۆ هەر یەكێك لە دوو هەنگاوەی سەرەوە ئێمە ئامادەی هاوكارین.
تۆڕی هاوپەیمانی
رێكخراوە كوردستانییەكان لە پێناو دادگای تاوانی نێو دەوڵەتی - ٣٥٤
رێكخراو
k_cicc@yahoo.com
|
