|
٢١\٥\٢٠١١
با سکاڵایەک لەسەر
ئەم جینایەتکارانەش تۆمار بکەین!
عەلی زیرەک
بە پێی ئەو رەوتەی پێمانوایە لەم سەردەمەدا پێویستە بۆ ناساندن و
تەنانەت تۆمارکردنی سکاڵا لەسەر ئەوانەی لە کوردستاندا و بە شێوەیەکی
زۆر زاڵمانە خەریکی ئێعدام و ئەشکنجە کردنی ئازادیخوازانن، پێویست بوو
ئەم هەواڵە بڵاو ببێتەوە کە ناوی چوار قازیی خائینی ناوبردووە ، کە لە
کوردستاندا زۆر بە راشکاوی به بێ ترس خەریکی جینایەتن و زۆربەی ئەو
حوکمانەی بەسەر ئازادیخوازانی کورددا سەپاوە، لە لایەن ئەم چەند کەسەوە
بووە.
ئەم هەواڵەش لە چوارچێوەی رۆشنگەریکردنی زیاتر بۆ ناساندنی روخسارە
شاراوەکانی رژێم لە کوردستاندایە و درێژەدەری هەوالەکەی دوێنێی بەڕێز:
"هاوار بازیان" ە کە خۆفرۆشێکی خەڵکی پاوەی بە رای گشتی کوردستان
ناساندبوو.
ناوی چوار قازیی تاوانکاری هاوکاری رژێم لە کوردستاندا.
ناوەکانی چوار قازیی جینایەتکاری رژێم کە دەستیان لە ئەنجامدانی
تاوانەکان و سزادانی هاووڵاتییانی کوردی ئێمە لە رۆژهەڵاتدا بووە و لە
بەڕێوەبردنی حوکمی سێدارەی چالاکانی کورددا ئەوپەڕی هاوکاریی کۆماری
ئیسلامییان کردووە، ئەوڕۆ وەدیار کەوتن.
ناو و بەرپرسی بەڕێوەبەری - یاسایی ئەم قازییانە ئەمانەن:
- قازی گەروسی
بەڕێوەبەری گشتیی وەزارەتی داد لە پارێزگای کوردستان.
- قازی جەوهەری
دادستان دادگاه های عمومی و ئینقلاب
کوردستان.
داواکاری گشتی لە داداگاکانی گشتی و شۆڕشی پارێزگای کوردستان.
- قازی خەچەرلوو
قازی بەڕێوەبردنی تاوانەکان لە پارێزگای کوردستان.
- قازی رۆستەمی
قازی - لێکۆڵەری کۆماری ئیسلامی لە دادگاکانی شۆڕش و ئیدارەی گشتی
ئیتلاعاتی پارێزگای کوردستان.
____________________________
سەرچاوەی هەواڵ:
بێهزاد خۆشحاڵی facebook
|
