١\٥\٢٠١٢
''باخچەیێ
بوھوشتێ'' ژ بۆ خەلاتا جڤسیا مەدیا ئەورۆپا ھات ھلبژارتن.
فیلمێ
مانۆ خەلیلیێ ب ناڤێ ‘باخچەیێ بوھوشتێ بوو یەک ژ ٦ فیلمێن کو ژ ئالیێ
سازیا جڤسیا ئەورۆپا ڤە بۆ خەلاتێ جڤس مەداپرەسا ئەورۆی ھاتن ھلبژارتن.
رۆژا ٩ێ گولانێ ب بەشداریا گەلەک رۆژنامەڤان و سیاسەتمەدارێن ئەورۆپی
وێ دیار ببە کا ژ ڤان ٦ فیلمان کیژان ھێژایێ خەلاتێ وەرە دیتن.
مەراسما خەلاتێ کو وێ ھەروھا ب ئاوایەکە زندی د ھن کانالێن تڤیێن
ئالمانی دە وەرە نیشاندان، وێ رۆژا ٩ێ گولانێ ل بروکسەلێ،ل پایتەختا
بەلجیکایێ ل پارلەمەنا ئەورۆپایێ پێک وەرە. خەلات راستە راست ژالیێ
سەرۆکێ پارلەمەنێ مارتن سچولز ڤە تێ پێشکێشکرن.
دەرھێنەر مانۆ خەلیل کو ئەوێ ب خوە ژی وێ شەڤێ د مەراسمێ دە ئامادەبە،
دبێژە : ‘یا ھەری گرینگ ئەوە کو فیلم ژ ٦٣١ فیلم و پرۆگرام ژ ٢٥
وەلاتێن ئەورۆپی وەکە بەرەندام ھاتیە ھلبژارتن. ئەڤ ژی ھەما خەلاتا ھەر
مەزنە. لێ دیسا ژی ھێڤیدارم کو فیلما مە وەرە ھلبژارتن.
فیلما "باخچەیێ بوھوشتێ"، ل پایتەختا سوسسرە بەرنێ بەری دو سالان ھاتیە
کشاندن و ل سەر خەبات و ژیانا رۆژانەیا کێمەنەتەوێن ل ڤێ وەلاتی ھاتیە
چێکرن. ئەڤ فیلم د فەستیڤالا بەرلنالێیا ٢٠١١ دە ھاتبو نیشاندان و
ھەروھا ل پایتەختا سویسرە، بێرنێ ھێژایێ خەلاتا مەزنیا "پرلا" ھاتبوو
دیتن کو . ئەڤ خەلات د سینەمایێ دە خەلاتا ھەری مەزنیا سوسسرەیە.
رێسستنا جڤسیا مەدیایێ کو ب ھەڤکاریا ھن سازیێن مەدیا ئەورۆپی و
رێخستنێن ئەورۆپی کارێ خوە دمەشینە، ژ سالا ١٩٨٧ان ڤر ڤە، ھەرسال د
گەلەک بەشان دە ب ئارمانجا تەکۆشین ئال ھەمبەری نژادپەرەستیێ و
پێشخستنا ئەنتەگراسیۆنێ، خەلاتێ ددە بەرھەمێن سنەمایێ و بەرنامەیێن
تەلەڤزیۆنێ.
مەراسما خەلاتێ وێ ئێڤارا ٩. گولانێ سەات ١٩.٣٠اندە ل سەر تەلەڤزۆنەن
ئارد و ودر ب زندی ژ ئالیە سپیکەرا ئالمانا ناڤدار ساندرا ماسچبەرگەر
ڤە بێ پێشکێشکرن.
لینک:
http://www.civismedia.eu/index.php?id=2&L=1
|