په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

بازدانی ‌نه‌وشیروان مسته‌فا به‌سه‌ر میژوودا!


عامر سابیر  


نه‌وشیروان مسته‌فا، ("به‌نده‌"‌که‌ی جه‌لال تاڵه‌بانی) له‌25/11/2009 له‌سایتی سبه‌ی که‌سه‌ر به‌کۆمپانیاکه‌ی خۆیه‌تی، به‌شێک له‌یاده‌وه‌رییه‌کانی بڵاوکردۆته‌وه‌له‌ژێر تایتڵی (له‌نێوان مام جه‌لال و من دا، ئازاری 1999 شوباتی 2001). له‌وێدا به‌پێی‌ته‌سه‌لسولێکی‌زه‌مه‌نی‌ئاماژه‌بۆ ڕووداوه‌کان ده‌کات و به‌و شێوه‌یه‌ده‌یه‌وێت بۆ نیشاندانی‌به‌رائه‌تی‌خۆی‌مێژوو بنووسێته‌وه‌، به‌ڵام له‌نووسینه‌وه‌ی‌مێژووی‌ئه‌و ماوه‌یه‌دا که ‌قه‌ڵه‌می‌یاداشت نووسینه‌وه‌کانی‌نه‌وشیروانی‌گرتۆته‌وه‌، بازدانێکی‌ئاشکرا به‌سه‌ر ڕووداوێکی‌ئینکارنه‌کراو و له‌بیرنه‌چووه‌وه‌دا ده‌دات. ڕووداوێک که‌به‌ڵگه‌نامه‌کانی‌ماون و هه‌موو خه‌ڵکی‌کوردستانیش ده‌زانن که ‌ئه‌و ڕابه‌ر و بڕیار به‌ده‌ستی‌تاوانه‌کانی‌ئه‌م مێژووه ‌ په‌ڕاوه‌یه‌. به‌ڵام کام ڕووداوه‌له‌نێو یاداشته‌کانی‌نه‌وشیرواندا په‌ڕیوه‌؟


هه‌موو خه‌ڵکی‌کوردستان ئاگادارن که ‌به‌سیاسه‌تی (ی.ن.ک) و سه‌رۆکایه‌تی ڕاسته‌وخۆی نه‌وشیروان مسته‌فا له‌14/7/2000دا یه‌کێک له‌گه‌وره‌ترین تاوانه‌کانی‌مێژووی‌سه‌رکردایه‌تی‌کردنی‌ئه‌م حیزبه‌له‌شاری سلێمانی خوڵقا. تاوانێک که ‌پێنج ئینسانی کۆمۆنیست و شۆڕشگێڕ، پێنج ئه‌ندامی حیزبی کۆمۆنیستی کرێکاری به ‌ڕۆژی‌نیوه‌ڕۆ و به‌به‌رچاوی‌خه‌ڵکه‌وه‌گولله‌باران کران. ئه‌م تاوانه هێنده‌دڕندانه‌و نائینسانی بوو که ‌بووه‌مایه‌ی‌نه‌فره‌ت و بێزاری‌نه‌ک هه‌ر خه‌ڵکی‌ئازادیخوازی‌کوردستان و ده‌ربڕینی‌ناڕه‌زایه‌تی‌سه‌دان ڕۆشنبیر و که‌سایه‌تی‌، به‌ڵکو ته‌نانه‌ت له‌لایه‌ن به‌شێک له‌ئه‌ندامانی‌یه‌کێتیی‌و لایه‌نگرانی‌دوێنێ‌و ئه‌مڕۆی‌نه‌وشیروان مسته‌فاوه‌جێگای‌سه‌رزه‌نشت وبێزاری‌بوو.


له‌م ڕووداوه‌دا، هه‌موو که‌سێک ئه‌وه‌ده‌زانێت که‌ نه‌وشیروان کاربه‌ده‌ستی‌یه‌که‌می‌دوای‌تاڵه‌بانی‌بوو، به‌پێی‌ئه‌م پۆسته‌شی‌ئاگاداری‌هه‌موو بڕیار و نه‌خشه ‌و پلانێکی‌حیزبه‌که‌ی بووه‌،‌که‌چی‌له‌ولاشه‌وه‌به‌ئاشکرا خۆی‌له‌م مێژووه‌دزیوه‌ته‌وه‌و وه‌ک مێژوونووسێکی‌به‌رژه‌وه‌ندخواز و ترسنۆک ئاماده‌نییه‌به‌قه‌د سه‌ره‌قه‌ڵه‌مێکیش شوێنێکی‌له‌یاداشته‌کانیدا بۆ بکاته‌وه‌!! نه‌وشیروان به‌م کاره‌ی‌نه‌ک له‌گه‌ڵ خۆیدا ڕاستگۆ نییه‌به‌ڵکو به‌بازدانێک له‌‌مێژووی خۆیدا،‌گه‌ره‌کیه‌تی‌لایه‌نگرانی‌ئه‌مڕۆی‌بخاته‌نێو درۆیه‌کی‌مێژوویییه‌وه‌و له‌گێلییان بدات. به‌تایبه‌تیش له‌وشوێنانه‌دا که ‌پێویستییه‌تی‌به‌رگی‌به‌رائه‌ت به‌کرده‌وه‌ی‌تیرۆریستی‌خۆیدا بکات ناوی‌" کۆمۆنیستی‌کرێکاری‌" دێنێ‌که‌"چه‌ند مووچه‌ی‌مانگانه‌ی‌له ‌حکومه‌ته‌که‌ی‌کۆسره‌ت ڕه‌سول وه‌رگرتووه‌"!! که‌چی‌له‌وشوێنه‌دا که ‌ڕاستییه‌ مێژوویییه‌کان به‌دژی‌خۆیه‌تی‌و ده‌ستی‌تاوانکاری‌له‌ڕوو ئاشکرا ده‌کات، خۆی‌ده‌دزێته‌وه‌و باز به‌سه‌ر مێژوودا ده‌دات.


بێگومان مێژوونوسانێکی‌به‌رژه‌وه‌ندخوازی‌وه‌ک هاوشێوه‌ی‌نه‌وشیروان مسته‌فا زۆره‌که ‌بۆ پاساوی‌تاوان و ڕابردووی‌ڕه‌شیان ده‌ستیان بردووه‌بۆ ته‌زویر و دزی‌و هه‌ڵگێڕانه‌وه‌ی‌ڕاستی‌و بازدان به‌سه‌ر ڕووداوه‌کاندا، وه‌ک ئه‌وه‌ی‌که‌خۆیان خواستوویانه‌. به‌ڵام ئه‌وه‌ی‌که‌له ‌نموونه‌ی‌نووسینه‌وه‌ی‌یاداشته‌کانی‌نه‌وشیرواندا وه‌ک جیاوازییه‌ک ده‌بینرێ‌، ئه‌وه‌یه‌که‌مێژووی‌ڕووداوه‌کانی‌ئه‌و بابه‌ته‌ی‌که ‌ئه‌و ده‌ستی‌بۆبردووه‌هێشتا زه‌مه‌نێکی‌زۆری‌تێنه‌په‌ڕاندووه‌ و هاوکاتیش کاراکته‌ره‌کانی‌هێشتا ماون، یانی‌هێشتا تاڵه‌بانی‌و نه‌وشیروان وه‌ک سکرتیر و جێگر له‌ ژیاندان، که‌واته‌ئه‌وه‌ی پرسیاره‌لێره‌دا ئه‌وه‌یه‌که ‌ئایا نه‌وشیروان مسته‌فا وه‌ک دۆکمێنتاریستێک بۆ به‌رگریکردن له‌خۆی‌چ ڕاستیه‌ک له‌سه‌ر ئه‌م تاوانه‌ده‌درکێنێ‌و خۆی‌یان تاڵه‌بانی‌و سه‌رکردایه‌تی‌ئێستای‌یه‌کێتیی، کامیان‌به‌ تاوانکار ده‌زانێ‌؟ بۆ ئه‌مه‌ش به‌ڵگه‌ی‌چیه ‌و چ دۆکمێنتێک پێشکه‌ش به‌ ڕای گشتی‌خه‌ڵکی‌کوردستان ده‌کات؟


بازدان و خۆدزینه‌وه‌له‌ڕووداوه‌کانی‌مێژوو، به‌تایبه‌تی‌بۆ که‌سێکی‌وه‌ک نه‌وشیروان که‌خۆی‌له‌نووسینه‌وه‌ی‌(یاداشت) نووسی داوه‌، ده‌ردی‌چاره ‌ناکات، چونکه‌تا ئه‌وکاته‌ی‌په‌لاماردانی‌کۆمۆنیسته‌کان و کوشتن و سه‌رکوتکردنی‌ئازادیخوازان له‌لایه‌ن تاڵه‌بانی‌و نه‌وشیروان مسته‌فاوه‌وه‌ک تاوانێک له‌مێژووی‌یه‌کێتییدا جێگای‌گرتبێت و ئه‌م دوانه‌ش سه‌رکرده‌ی‌یه‌که‌م و دووه‌می‌بووبن، ئه‌وا یه‌خه‌یان ده‌گیرێ‌و به‌ره‌و ڕووی‌پرسیار ده‌بنه‌وه‌؟


ئێستا که ‌نه‌وشیروان به‌ پێچه‌وانه‌ی‌(تاڵه‌بانی) یه‌‌وه‌وه‌ک میژوونووسێک قسه‌ده‌کات، ده‌بێ‌به‌ ئێمه ‌و خه‌ڵکی‌کوردستان بڵێت که ‌ڕووداوی‌14/7/2000 چ جێگایه‌کی‌له‌ یاداشته‌کانی‌ئه‌ودا هه‌یه‌؟ ده‌بێ‌مه‌علومی بکات که‌ ئه‌و یان تاڵه‌بانی‌و سه‌رکردایه‌تی‌ئێستای‌یه‌کێتیی‌، کامیان له ‌بڕیاری‌ قه‌تلوعامی‌ کۆمۆنیسته‌کاندا تاوانبار و به‌ریئن؟

 


8/12/2009
asabir79@hotmail.com