|
٨\٧\٢٠١٦
بەھمەن قوبادی:
عەباس کیارۆستەمی روانینی جیھانی سەبارەت بە کوردەکان
گۆڕی.
مەنسوور جیهانی
 "بەھمەن
قوبادی" سەبارەت بە سینەماکاری ناوداریی ئێران و جیھان "عەباس
کیارۆستەمی" لە پەیامێکدا نووسیوییەتی: ئەو بە فیلمی "با ئێمە لەگەڵ
خۆی دەبات" روانینی ئێران و جیھانی سەبارەت بە کوردەکان گۆڕی.
سینەماکاری کورد "بەھمەن قوبادی" سەبارەت بە پێگە و رۆڵی سینەماکاری
ناودار و بەئەزموونی ئێران "عەباس کیارۆستەمی" براوەی خەڵاتی چڵەبەڕووی
زێڕینی فیستیڤاڵی نێونەتەوەیی فیلمی کان لە ساڵی ١٩٩٧ و کۆمەڵێک خەڵاتی
گرینگی جیھانی، پەیامێک ئاراستە دەکات.
دەقی ئەم پەیامە بەم شێوەیە نووسراوە:
ئەو مەرگە بەلەعنەت کراوە
نە تەنیا سینەمای ئێران، بەڵکوو سەرجەم ئێران و کۆمەڵگای جیھانی ئەمشەو
تازییەبار دەکات.
ھەموو ئەو شتەی کە سینەمای ئێران ھەیەتی، لە "عەباس کیارۆستەمی"
گەورەوە ھەیەتی.
لەسەر سینەمای ئێران کاریگەرییەکی یەگجار زۆری ھەبوو و ھەروەھا ئەم
کاریگەرییە، بۆ چەندین سەدە لەگەڵ سینەمای جیھان و بەتایبەت ئێران
دەمێنێتەوە. ئەو بە فیلمی "با ئێمە لەگەڵ خۆی دەبات" روانینی ئێران و
جیھانی سەبارەت بە کوردەکان گۆڕی.
وردبینانەترین فیلمێک کە سەبارەت بە کوردەکان بەرھەم ھاتووە.
رۆحی شاد و یادی بەرز و پیرۆز بێت.
______________________________
تێبینی:
ئەم وێنەیەی "عەباس کیارۆستەمی" بە کامێڕای "بەھمەن قوبادی" تۆمارکراوە.
ماڵپه‌ڕی مه‌نسوور جیهانی
|
