|
٢٦\٨\٢٠١٢
به‌لجیکا به
یاسایه‌کی تایبه‌ت قه‌ڵغانی پاراستنی ژنان دروستده‌کا.
 له
راگه‌یه‌نراوێکیدا کاربه‌ده‌ستانی باڵای به‌لجیکا یاسایه‌کی تایبه‌تیان
به ناوی (یاسای ته‌حه‌ڕوش) ده‌رکرد و له
ئێستا به دواوه به مه‌به‌ستى (تەحەڕوش)،
فیکه لێدان، ده‌ستهاویشتن و قسه فڕیدان له
به‌رامبه‌ر به ژنان له سه‌رتاسه‌ری به‌لجیکا
قه‌ده‌غه‌کرا و جگه له‌وه‌ی که وه‌کو
تاوان سه‌یرى ده‌کرێ سه‌رپێچیکارانیش سزاده‌درێن.
به هۆى زۆربوون و بڵاوبوونه‌وه‌ى
دیارده‌ى (ته‌حروش)
له به‌لجیکا په‌رله‌مان ناچار بوو که دانیشتنى تایبه‌ت له‌سه‌ر پرسه‌که
بکا و به یاسا ئه‌و دیارده‌یه قه‌ده‌غه
بکا و بڕیاریشدرا که له سه‌ره‌تای مانگى
ئه‌یلووله‌وه ئه‌و یاسایه‌ى که
(ته‌حروش) قه‌ده‌غه
ده‌کا ده‌که‌وێته وارى جیبه‌جێکردنه‌وه و
ئه‌وانه‌ى سه‌رپێچى ده‌که‌ن سزاى پاره‌یان بۆ ده‌بڕدرێتەوه.
خه‌ڵکى بروکسل له‌سه‌ر ئه‌و مه‌سه‌له‌یه له‌ناوخۆیاندا ناکۆکن و هه‌ندێکیان
یاساکه به پاراستنى ئارامیی کۆمه‌ڵایه‌تى
و به راست ده‌بینن و هه‌ندێکیشان ده‌ڵێن
کارى پێناکرێ.
مانگى ڕابردوو خوێندکارێکى به‌شی سینه‌ما له‌سه‌ر شه‌قام چه‌ندین حاڵه‌تى
(ته‌حروشى) زاره‌کیی
تۆمار کرد و تێزى خوێندنى له‌سه‌ر ئه‌و پرسه ئاماده کرد، دوای
بڵاوکردنه‌وه‌ی دۆکۆمێنتاره‌که‌ی که به‌هاوکاریی
کامێرا شاراوه‌که‌ى هه‌ندێ حاڵه‌تى تۆمارکراویشی له‌گه‌ڵدا بوو، له‌ناو
رای گشتییدا ده‌نگی دایه‌وه و بوو به
جێگای مشتومڕێکی زۆر.
نه‌ک ته‌نیا له به‌لجیکا به‌ڵکو له سه‌رتاسه‌رى ئه‌وروپا ئه‌و جۆره
مامه‌ڵانه له دژی ژنان،
رووى له زیادبوون کردووه و ئه‌مه‌ش
سیاسییه‌کانى خسته جووڵه بۆ گرتنه‌به‌رى
رێوشوێنى یاسایی.
بڕیاره له سه‌ره‌تای مانگی ئه‌یلووله‌وه
یاساکه به هاوکاریی
سه‌رجه‌م داموده‌زگا حکومییه‌کانی به‌لجیکا جێبه‌جێ بکرێ.
ANF NEWS AGENCY
|
