٧\٨\٢٠١١

بەڵێ بۆ کەمپینی (نا بۆ کڕینی شمەک و کاڵای ئێرانی).
- بانگەوازی سەنتەری رۆشنبیریی پردێ بۆ دانیشتوانی پردێ و دەوروبەری -

خەڵکی ستەمدیدەی پردێء گوندە ئاوارەکانی دەوروبەری..
رۆشنبیران.. دڵسۆزان.. خەمخۆرانی ئاییندەی گەلی کوردستان..

وەکو دەزانن ماوەیەکە رژێمی داگیرکەرء کۆنەپەرستی کۆماری ئیسلامیی ئێران دەستی داوەتەوە هێرش بۆ سەر باشووری کورستان و تۆپبارانکردنی گوندە ئاسوودەکان و نانەوەی ئاژاوە پەشێوی لە دەڤەرەکەداو وشککردنی ئاوی رووباری ئەڵوەن، بۆیە ئێمەش لە سەنتەری رۆشنبیریی پردێوە بانگەوازی سەرجەم دانیشتوانی شارۆچکەی پردێ و دەوروبەری دەکەین کە وەکو دژایەتیکردنێک بۆ ئەو هێرشە دوژمنکارانانەی ئێران، ئەگەر بۆ ماوەیەکیش بێت، خۆتان لە کڕینی شمەک و کاڵای ئێرانی بەدوور بگرن، بەمەش هەڵوێستێکی کوردانە لە مێژووی کەسێتی و نەتەوایەتیی خۆتاندا تۆمار دەکەن و دەنگێکی ناڕازیش دەبن بەرامبەر سیاسەتی دژە مرۆییانەی ئێران.

لە هەولێری پایتەختیش کۆمەڵێک لە رۆشنبیران و دڵسۆزانی گەکەمان، کەمپینێکیان بەناوی (نا بۆ کڕینی شمەک و کاڵای ئێرانی) راگەیاندووە، ئێمەش لێرەوە داواتان لێ دەکەین، ویژدانی مرۆڤدۆستانەو هەڵوێستی نەتەوەییانەی خۆتان بکەنە سەنگی مەحەک و لە بەرامبەر هەوڵە دوژمناکارییەکانی رژێمی ئێران بێنە دەنگ و ئێوەش وەکو خەڵکی شارو شارۆچکەکانی دیکە بە نەکڕینی کاڵاو شتومەکی ئێرانی هەڵوێستی مرۆییانەو کوردانەی خۆتان بنوێنن و ببنە خاوەنی ئەو هەڵوێستەو بۆ مێژوو خاڵێکی گەش بۆ خۆتان تۆمار بکەن.

نەفرەت لە داگیرکاریی.. نەفرەت لە تۆپباران و مرۆڤکوژیی..
سەربەخۆیی بۆ کوردستان و ئازادیی و نانیش بۆ مرۆڤەکان..

سەنتەری رۆشنبیریی پردێ
٥\٨\٢٠١١