|
٤\٦\٢٠٢٠
"بێ نیشتمان" سێیەمین فیلمی بڵندی سینەمایی
توورج ئەسڵانی لە دوایین قۆناغی تەکنیکی دایە.
مەنسوور جیھانی
 فیلمی
سینەمایی "بێ نیشتمان" لە دەرھێنانی "توورج ئەسڵانی" و بە ڕۆڵ بینینی
کۆمەڵێک لە ئەکتەرەکانی تورکیا، سووریا، عێراق و ھەرێمی کوردستان لە
دوایین قۆناغی تەکنیکی دایە.
فیلمی سینەمایی "بێ نیشتمان" لە بەرھەمھێنان و دەرھێنانی سینەماکاری
کورد "توورج ئەسڵانی" و بەرھەمی وڵاتی عێراق، دوای وێنەگرتن لە
شارەکانی سلێمانی و ھەڵەبجە لە ھەرێمی کوردستان، ئێستا لە دوایین
قۆناغی تەکنیکی دایە.
لە فیلمی سینەمایی "بێ نیشتمان" سێیەمین بەرھەمی بڵندی سینەمایی "توورج
ئەسڵانی"دا کۆمەڵێک لە ئەکتەرەکانی وڵاتانی تورکیا، سووریا، عێراق و
ھەرێمی کوردستان بە چوار زمانی کوردی، تورکی، عەڕەبی و فارسی تیایدا
ڕۆڵیان بینیوە.
"توورج ئەسڵانی" وەکوو بەڕێوەبەریی وێنەگرتن ساڵانێکە فیستیڤاڵە
جۆراوجۆرە نێودەوڵەتییەکاندا بەشدارییەکی سەرکەوتوانەی بووە و کۆمەڵێک
خەڵاتی گرینگی لەسەر ئاستی جیھان بەدەستھێناوە، "بێ نیشتمان" سێیەمین
بەرھەمی بڵندی سینەمایی ئەم دەرھێنەرە نوێخوازەی کورد دوای فیلمی
سینەمایی "بارھەڵگریی زێڕ" و فیلمی سینەمایی "جینگۆ" دێتە ئەژمار.
فیلمی سینەمایی "بارھەڵگریی زێڕ" لە یەکەمین بەشداریی نێودەوڵەتی خۆیدا
لە بەشی پێشبڕکێی سەرەکیی "ڕەوتە نوێیەکان" لە بیست و سێیەمین خولی
فیستیڤاڵی نێودەوڵەتی فیلمی "بووسان" لە شاری بووسان لە وڵاتی کۆریای
باشوور نمایشکرا و کاندیدی خەڵاتی باشترین فیلمی یەکەم و دووھەمی ئەم
ڕووداوە سینەماییە بوو و لە درێژەدا لە بەشی پێشبڕکێی "سینەمای جیھان"
لە حەوتەمین خولی فیستیڤاڵی نێودەوڵەتی فیلمی "دھۆک" لە ھەرێمی
کوردستان نمایشکرا و "توورەج ئەسڵانی" بۆ دەرھێنانی ئەم بەرھەمە
سینەماییە خەڵاتی "بەھرەمەندی نوێی" بەدەستھێنا و لە لایەن ئەندامانی
لێژنەی دادوەرانەوە، خەڵاتی "گەڵای مێو" و لەوحەی فەخری پێبەخشرا.
ئەم بەرھەمە سینەمایی لە درێژەی بەشدارییە جیھانییەکانی خۆیدا لە بەشی
پێشبڕکێی فیستیڤاڵی نێودەوڵەتی فیلمی "چاتراپاتی شیواجی" لە وڵاتی
ھیندستان چووە سەر پەردەی سینەماکان و خەڵاتی باشترین سیناریۆی ئەم
ڕووداوە سینەماییە بە "توورج ئەسڵانی" و "ھادی نادی" بەخشرا.
بەڕێوەبەرایەتیی
راگەیاندنی گشتیی فیلمی سینەمایی "بێ نیشتمان"
ماڵپه‌ڕی مه‌نسوور جیهانی
|
