١٠\٨\٢٠١٥

    بەر لەوەی!

دارا خونچە

بەر لەوەی گیان ببەخشم

            لە باخچەکەمیان دابڕیم!

لەو دەمەوە دەرفەت نادەن

         وە مۆڵەتیش سەردانی کەم؛

تا هیچ نەبی چەند چرکەیەک

دەست لەسەر سینگ

    دە بەرپێی گوڵەکان بنوشتێمەوە..

دەستەک وە قژی درەختەکان دابهینم..

چرتە و خرتەی

          گەشە و رسکانیان بژنەوم..

          وە نیگایەک

          جوانییەکانیان بلێسمەوە...

بەر لەوەی پەنجەکانم لە تیزاب بخەن

   بەر لەوەی پەنجەکانم هیشک بکەن

   دیوانەک شیعری تەڕ تەڕم

       لەسەر پەڕی گوڵەکان و

          لەسەر قەدی درەختەکان

                   تۆمار کردبوو...

تکایە

بەر لەوەی

لە نۆژەنڕا بژیێمەوە

  ... ..... .... ...... ..بخەن

    .... ...... ..... ... ..بخەن

      ..... ... ...... .... ..بخەن

        ...... ... .... ..... ..بخەن!!!!

سەرەتای ئابی ٢٠١٥ - لەندەن

ماڵپه‌ڕی دارا خونچە