په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٠\٣\٢٠١٩

بەرز و بەرێز بێ

یادی گیانبەختکردووانی گوردانی شوان و هەڵەبجە.

 


بە هۆی شەڕی کۆنەپەرستانەی نێوان دەوڵەتانی ناوچەکە و دەوڵەتانی زلهێزی جیهان خەڵکی کوردستان زۆرترین قوربانی داوە، لە شەڕی کۆنەپەرستانەی نێوان دەوڵەتی عێراق بە سەکردایەتی حیزبی بەعسی فاشی و دەوڵەتی ئێران بە سەرکردایەتی ئیسلامییە ئاخوند دژە ئازادی و دژ بە مافەکانی مرۆڤ و جوانییەکانی شارستانی مرۆڤایەتی. خەڵکی کوردستان لە رۆژهەڵات و باشووری کوردستان قوربانی زۆری داوە و لە ڕوویی گیانی و ماڵییەوە، دێهاتەکان و شارۆچکە و شارەکانی وێران کراوە و هێرشی سوپایی داگیرکەرانی کراوەتەسەری. بە بۆمب و فرۆکە و سارۆخ هێرش کراوەتە سەر کوردستان کۆمەڵکوژیی و ئەنفال و ئاوارەیی رووبەڕووی خەڵکی کوردستان بۆتەوە. لە بەشەکانی تری کوردستانیش خەڵکی کوردستان بە هۆی هەبوونی سیستەمێکی چەوسێنەری وەکو بەعسی فاشی سووریا و ئیسلامییە فاشییەکانی تورکیا لە دەسەڵات خەڵکی کوردستان رووبەڕووی کۆمەڵکوژیی و داگیرکاریی بۆتەوە. یادی سەرجەم قوربانییەکان بەرز و بەڕێز بێ. بەرز و بەڕێز بێ یادی گیانبەختکردوانی کارەساتی کیمیایی نۆدشە کە ڕۆژێک دوای کیمیابارانی شاری هەڵەبجە کە لە ١٦-٣-١٩٨٨ واتە لە ١٧-٣-١٩٨٨ و ڕژێمی دڕندەی بەعسی عێراق شاری نۆدشەی هەورامانی لە ڕۆژهەلاتی کوردستان بۆردومان کرد بە چەکی کیمیایی جۆری خەردەل، لە پاش هەفتەیەک و لە ٢٤-٣-١٩٨٨ بۆ جاری دووەم و لە ٢-٤-١٩٨٨ بۆ جاری سێهەم ئەم شارە خۆشەویستەی بۆردومان کردوە، لە ئەنجامدا (١٠٤) کەسی مەدەنی لە منداڵ ژن و پیر و پەککەوتە بوونە قوربانی و شەهید بوون، چەندین پێشمەرگەی تێکۆشەریش بوونە قوربانی، پتر لە (٧٠٠) کەس بریندار بوون، تا ئێستاش بریندارانی ئەم تاوانە بە هۆی کاریگەریی برینەکانیانەوە ناوەناوە و ساڵانە گیان دەسپێرن..

 

 

ئێمە وەکو شوورای هاوپشتیی خەڵکی کوردستان وێڕای مەحکومکردنی ئەو جەنایەتانەی شاری هەڵەبجە و گوردانی شوان و شاری سەردەشت و کارەساتەکانی ئەنفالەکان و کۆمەڵکوژییەکانی ناوچەکانی تری بەشەکانی کوردستان خۆمان بە هاوژانی خەڵکی قارەمان و شۆڕشگێڕی سەرجەم ئەو شار و ناوچانە دەزانین بە تایبەت بنەماڵە قوربانی و شەهیدەکانیان ئەزانین و هیوای چاکبوونەوەی بریندارانیان ئەخوازین بە هیواین هەرگیزاو هەرگیز ئەو جۆرە کارەساتانە لە داهاتووی خەڵکی کوردستان و مرۆڤایەتیدا روونەداتەوە. ئێمە وەکو شووڕای هاوپشتیی خەڵکی کوردستان بە پێویستی دەزانین و داواکارین تێکۆشانێکی هاوبەش و یەکگرتووانە بەگەڕبخرێ لە سەرجەم وڵاتانی یەکێتیی ئەوروپا و دەوڵەتە پێشکەوتووەکاندا بۆ ئەوەی هەرچی زووترە لە دادگایەکی عادیلانەدا بە ئاشکرا تاوانباران و هاوکارەکانیان دادگایی بکرێن و سزابدرێن بە پێی ئاستی تاوانەکانیان. هەرگیز ناکرێ خەڵکی کوردستان چاوپۆشیی لەو جۆرە تاوانانە بکا. داواکارین لە سەرجەم تێکۆشەرانی ئازادیخواز و مرۆڤدۆست دۆسیەی ئەو تاوانانە بە هەماهەنگی و تێکۆشانێکی یەکگرتووانە کاری لەسەر بکرێ، ناکرێ لە یادکردنەوەکاندا تەنها وێنەی کۆمەڵکوژیی و ڤیدۆیەکان بڵاوبکەینەوە و ماتەمینی نیشان بدەین بەڵکو لەگەڵ هەموو ئەمانەدا پێویستە تێکۆشانی یەکگرتووانەی ئازادیخوازان گەشەی پێبدرێ بۆ دادگاییکردنی سەرجەم تاوانباران و هاوکارانی ئەنجامدەرانی هەموو کومەڵکوژییەکان کە بەرامبەر خەڵکی کوردستان ئەنجام دراوە..
 


شوورای هاوپشتیی خەڵکی کوردستان
١٧\٣\٢٠١٩ - ٢٥ی رەشەمە ٢٧١٨

shwrayhawpshtixelkykurdistan@gmail.com

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک