|
٣٠\٨\٢٠١١
بەشداریی
گردبوونەوەکەى ٣\٩\٢٠١١
بۆ سەربەخۆیی کوردستان
ئەرکیکی نیشتمانی و نەتەوەییە.
کامیل ژیر
چەند دەیەیەکە ژمارەیەک لە پارتییە سیاسیە کورییه‌کانى هەموو پارچەکانی
کوردستان ، بەمەبەست یا بەبی مەبەست ، لەخۆیانەوە یا بەپیلانی نەیارانی
کورد،دەسبەرداری خەبات بۆسەربەخۆیی کوردستانبوون و خۆیان گرێداوە بە
بەرژەوەندییەکان و چارەنووسی نەتەوەو دەولەتە داگیرکەرەکانی
کوردستانەوەو چەندین هەلی سەر بەخۆیی کوردستانیان لەدەستداوە.
جارجاریکیش کە شەرمنانەو بەزارەکی ئاماژەیەک بۆ مافی چارەى خۆنووسین
ئەکەن، وەک دەستیان بۆ دەمی مارێک بردبیت ، خێرا کشاونەتە دواوەو
بەکردەوە چوونەتەوە خزمەتی یەکپارچەیی ئەو دەولەتانە و دەستیانکردوە بە
بروبیانووهینانەوەى گوایە ئەوە حیکمەتەو واقیعبینانەیەو...هتد
ئەورەفتارانەشیان ، لەئاستی ناوخۆییدا بوونەتە هۆی گەوجاندن و ترساندن
و بیباوەریی خەلکیی بەسەربەخۆ یی و خۆبە کەمزانین و هەست
بەناتەواویکردن و ملدانیان بۆ پاشکۆیەتی و بگرە بۆ خۆفرۆشتن بەو
داگیرکەرانە !! لەئاستى دەرەکی و نیودەولەتیشدا ئەو چەمکە هەلەیەیان
بەخشیوە کە کورد خۆی سەربەخۆیی ناویت !!
ئیستا،دوای نەمانی متمانە بەو پارتیانە ، جەماوەریکی زۆری کورد لە
رۆشنبیران و گەنجانی کورد، لە چەندین گرووپ و کۆمەلەو ریکخراوو
کەمپینداو بەتاکەکەسیش ،بەرەو سەربەخۆیی کوردستان هەنگاوئەنین و گومانى
خەونی شاعیران ئەرەویننەوەو ئەوەى ئەو پارتیانە نایکەن ، ئەمان شانی
ئەدەنەبەرو هەر لایەنەو بەشیوازی خۆی گوزارە لەو ئامانجە ئەکات کە
نموونەیەکیان ئەو گردبوونەوەیەی رۆژی 3/9/2011 یە.
بۆیە بەشداربوون لەو گردبوونەوەیە ،لەکات و شوینە دیار یکراوەکانى ناو
کوردستان و دەرەوەى کوردستان ، ئەرکیکی نەتەوەیی و نیشتمانیەو ئیستاش
هەلیکى نوێ لەبارە بۆ ئەو ئامانجە.
ماڵپه‌ڕی کامیل ژیر
|
