١٠\١٢\٢٠١٠

به‌شداریی خۆپییشاندانی

خوێندن به‌ زمانی کوردی و

بنه‌ماڵه‌ی بێسه‌روشوێنکراوان له‌ هه‌ولێر.

له‌ به‌رواری 8-12-2010 کاتژمێر 10ی سه‌رله‌به‌یانی له‌ به‌رده‌م کۆنسوڵگه‌ری تورکیا له‌ شاری هه‌ولێر خۆپیشاندانێکی هێمنانه‌ ئه‌نجامدرا ، تیایدا یاداشتنامه‌یه‌ک و 550 پێنووسی سپی نێردرا بۆ باڵوێزخانه‌ی تورکیا،بۆ ئه‌وه‌ی په‌یامی ئاشتی خوازانه‌ی خۆپیشانده‌ران و داخوازی خوێندن به‌ زمانی کوردییان پێ بگات ، له‌ خۆپیشاندانه‌که‌ جگه‌ له‌ رۆژنامه‌نووسانی که‌رکووک ، حیزبی شیوعی کوردستان و بزووتنه‌وه‌ی گۆڕان و حیزبی زه‌حمه‌تکێشانی کوردستان و چاودێری کوردۆساید به‌شدار بوون ، خۆپیشاندانه‌که‌ مامۆستا سه‌لام عه‌بدوڵا ئیبراهیم دامه‌زرێنه‌ر و به‌ڕێوه‌به‌ری که‌مپین و شێخ سدیق به‌ڕێوه‌به‌ری که‌مپین له‌ شاری که‌رکووک به‌ڕێوه‌ بردرا.

چاودێری کوردۆساایدیش له‌ سه‌ره‌تا وه‌ ئه‌ندامی که‌میپنه‌که‌یه‌ و پشتیوانی له‌م مافه‌ سه‌ره‌تایی و داخوازه‌ ره‌وایه‌ ده‌کات.

- رۆژی 9-12-2010 له‌ به‌رده‌م بااره‌گای نه‌ته‌وه‌ یه‌کگرتووه‌کان له‌ شاری هه‌ولێر که‌سوکاری بێسه‌رو شوێنکراوان له‌ کوردستان خۆپیشاندانَکیان ڕێک خست بۆ دیاریکردنی چاره‌نووسی که‌سوکاریان ، نوێنه‌رانی پارتی چاره‌سه‌ری دیموکراتی کوردستان و چاودێری کوردۆساید به‌شداری خۆپیشاندانه‌که‌یان کرد و پشتیوانیان له‌ داخوازی بنه‌ماڵه‌ی بێسه‌روشوێنکراوان ده‌ربڕی.

ئه‌وه‌ی شایانی باسه‌ چاودیری کوردۆساید یه‌که‌م ڕێکخراوی کوردییه‌ چالاکی بۆ دیاریکردنی چاره‌نووسی بێسه‌روشوێنکراوان له‌ ناو خۆو ده‌ره‌وه‌ ئه‌نجامداوه‌ و به‌رده‌وام ئه‌م که‌یسه‌ ئیدامه‌ داوه‌ .
 

چاودێری کوردۆساید - چاک
www.kurdocide.com
kurdocide@hotmail.com