په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

سازدانی چه‌ند سمینارێك له‌ شاری (به‌رگێن)ی وڵاتی نه‌رویژ

بۆ نووسه‌ر و چیرۆكنووسی ناودار(شێرزاد حه‌سه‌ن)و چه‌ند نووسه‌رێكیتری نه‌روێژی.

 

زانا گه‌لاڵی

 

ڕێكخراوی دیموكراتی و سه‌ربه‌خۆیی  ژنانی كورد له‌ نه‌روێژ به‌ هاوكاری  به‌ڕێوبه‌رایه‌تی ئاوێته‌بوونی كۆمه‌ڵایه‌تی و كۆمه‌ڵگه‌ی فره‌چه‌شنی IMDI هه‌ڵده‌ستێك به‌ سازدانی چه‌ند سمینارێك له‌ شاری به‌رگێن  ی وڵاتی نه‌رویژ بۆ نوسه‌رو چیرۆكنوسی ناودار ( شێرزاد حه‌سه‌ن ) و چه‌ند نوسه‌رذێكی تری نه‌روێژی بۆ ئه‌ممه‌به‌سته‌  شیلان شۆڕش  به‌رپرسی ڕێكخراوی ژنانی دیموكراتی كوردله‌ لێدوانه‌كی تایبه‌ت به‌ كوردستانی نوێ-دا وتی :

 

 ڕێكخراوه‌كه‌مان هه‌ڵسا به‌ بانگهێسكردنی كه‌سایه‌تی نێوداری ئه‌ده‌ب و زانستی كورد كاك " شێرزاد حه‌سه‌ن " له‌ كوردستانه‌وه‌ بۆ وڵاتی نه‌روێژ به‌ مه‌به‌ستی سازدانی چه‌ند سمینارێك بۆ به‌ڕێزی ، وتیشی  ناوبراو وێڕای ئه‌وه‌ی زانای بواری ئه‌ده‌بیاته‌  خاوه‌نی گه‌لێك نوسراوه‌  له‌ بواری فێكردن ،  بارهێنان ،  كێشه‌ی ژنان ، گیروگرفتی منداڵان و لاوانیش  ڕۆڵی گرینگی بووه‌ ، هه‌روه‌ها  له‌ بایه‌خدان به‌ كێشه‌ی ژینگه‌ ، ڕامیاری ئایین و  به‌ گشتی دۆخی  پڕ له‌ مشت و مڕ و كێشه‌ سیاسیه‌كان ، هه‌و‌ڵی زۆری داوه‌ ،   خاوه‌نی ٧ كتێبی ڕۆمان و  ٤ كتێبی داستان و ٢٥ كتێبی له‌ زمانی ئینگلیسی  وه‌رگێردراوه‌ته‌ سه‌رزمانی كوردی .

 

سه‌باره‌ت به‌و كه‌سایه‌تیه‌ نوسه‌رانه‌ی تریش زانیاری زیاتری داو وتی  خاتوو " گینا بارشتاد وه‌ ئاسترید  هێلێنه‌ ئوڵسێن"  به‌شدار ده‌بن كه‌ خاتوو گینا خوێندكاری ڕۆژنامه‌وانییه‌ وه‌ ئێستا خه‌ریكی زمانی فه‌ره‌نسییه‌ له‌ زانكۆی به‌رگێن  گینا چالاكوانی بواری ژنانه‌ ، بۆ نموونه‌ له‌ دوو خولدا ئه‌ندامی لێژنه‌ی به‌ڕیوه‌به‌ری " ژنانی فیمینست " بووه‌ سه‌باره‌ت به‌ كێشه‌ سیاسییه‌كان له‌ نێو كۆمه‌ڵگه‌یه‌كی فره‌چه‌شنی كتێبی لێدوانی له‌ژێر نێوی " فیمینست و دژ به‌ره‌گه‌زپه‌رس " ی نووسیوه‌ .

 

سه‌باره‌ت به‌ ئاسترید هێلێنه‌ئوڵسێن وتی ئاسترید مامۆستای فێرگه‌ی ناوه‌ندییه‌ پێشوتر بۆ ماوه‌ی ١٢ ساڵ له‌ به‌شه‌ خۆراوخۆره‌كان ، وه‌ك كرێكاری ساكار ، به‌تایبه‌ت له‌به‌شه‌ پیشه‌ییه‌كان كاریكردووه‌ .

 

له‌ كۆتاییدا شیلان شۆڕش وتی : ئێمه‌له‌ساڵی ٢٠٠٨ ، پڕۆژه‌ی به‌ڕێوه‌بردنی ١٠ سمینارمان به‌ده‌سته‌وه‌یه‌ كه‌ ئه‌مانه‌ به‌شێكن له‌ " پلانی به‌كرده‌وه‌ دژ به‌ زه‌واجی زۆره‌ملی " ، سه‌ر به‌ وه‌زاره‌تی ئاوێته‌بوونی كۆمه‌ڵایه‌تی و كۆمه‌ڵگه‌ی فره‌چه‌شنی IMDI. مه‌به‌ست له‌م سمینارهگه‌له‌ به‌ربه‌ره‌كانی له‌گه‌ڵ كرده‌وه‌و هه‌ڵوكه‌وتی بنده‌ستانه‌یه‌ له‌ شوێنی ژیانمان و به‌ پێچه‌وانه‌ش به‌هێزكردنی ده‌رفه‌تی لاوان بۆ هه‌ڵبژاردنی سه‌ربه‌خۆ له‌ژیان . ئێمه‌ هه‌روه‌ها خوازیاری بردنه‌ سه‌ری زانیاره‌كانمان سه‌باره‌ت به‌ ژنان ، مافی مرۆڤ و مافی منداڵان ده‌بین .

 

شایه‌نی باسه‌ ڕێكخراوی دیموكراتی و سه‌ربه‌خۆیی ژنانی كورد له‌ شاری به‌رگێن دامه‌زراوه‌ یه‌كی له‌ ئامانجه‌كانیان  هه‌وڵدانه‌ بۆ پێكهێنانی چالاكی  به‌مه‌به‌ستی ڕێكخستنی ژنانی كورد.

 

كاته‌كانی سمینار :

 

سمناری ١

 كات : شه‌ممه‌  ١ی نوامبر ، كاتژمێر ١٥:٠٠

 شوێن:  Gimle ,2 etg  ( kong oscar gate 18) 

شێرزاد حه‌سه‌ن : شه‌ڕه‌ف و ئابروو له‌نێو عه‌شیره‌ت و ڕێكخراوه‌كاندا

گینا بارشتاد : كولتووریی فره‌چه‌شنی و كه‌سایه‌تیی

 

سمیناری ٢

یه‌كشه‌ممه‌ ٢ی نوامبر كاتژمێر ١٤:٠٠

شوێن:  Blks , 2.etg ( kong Oscars gate 15 )

شێرزاد حه‌سه‌ن : یه‌كسانیی له‌ بارهێنان به‌ربه‌ره‌كانی له‌ هه‌مبه‌ر هه‌ڵواردنی ڕه‌گه‌زی نێرو مێ

ئاسترید ئوڵسێن : گرینگی سه‌ربه‌خۆیی ئابووری و ، ئیش و كار بۆژنانی كۆچه‌ر و په‌نابه‌ر

 

سمیناری ٣

٨ی نوامبر كاتژمێر ١٥:٠٠

شوێنvitalitetssenter wolfs gt 12:

شێرزاد حه‌سه‌ن : پیاو سالاری له‌نێو خێزانی كورد

ڕه‌ووف سابیر : خه‌ته‌نه‌كردن

 

سمینار ٤

٩ی نوامبر ، كاتژمێر ١٥:٠٠

شوێنvitalitetssenter wolfs gt 12:

شێرزاد حه‌سه‌ن : ئه‌و ئووستووره‌ی ماڵ به‌جێگه‌ی سروشتی ژنان ده‌ناسێت

بێریت ووندێر لیپه‌ : زمان و لێكۆڵینه‌وه‌یی گشتی ڕه‌گه‌زی نێرومێ ، له‌ش-له‌شه‌ڕو ئاشتی

 

 

----------------------------------------------------------------------------------------------------------------

 

 

 

پارتی سه‌ربه‌ستیی کوردستان

له‌ سمینارێکی وه‌زیری ده‌ره‌وه‌ی نۆرویژ به‌ڕێز یوناس گاهر ستۆێڕه‌ به‌شداریکرد.

 

 

له‌ ئۆسڵۆی پایته‌ختی نۆرویژ سیمینارێک بۆ وه‌زیری ده‌ره‌وه‌ی نۆرویژ به‌ڕێز یوناس گاهر ستۆێڕه‌،له‌ لایه‌ن شاخه‌ی نۆرویژی  ڕێکخراوی جیهانی دژی چه‌کی مه‌ترسیدار به‌ڕێوه‌ جوو، پارتی سه‌ربه‌ستیی کوردستانیش به‌ بانگهێشتنی ‌ڕه‌سمی له‌و سیمیناره‌دا به‌شداربوو.

 

ڕۆژی هه‌ینی رێکه‌وتی 3ی گڵاڕێزانی 2708 ی کوردی، 24.10.2008 ی زاینی کاتژمێر 6 پاشنیوه‌ڕۆ له‌ هۆلی ئه‌نیسیتۆتی خه‌ڵاتی ئاشتی وڵاتی نۆرویژ له‌ ئۆسڵۆی پایته‌خت، سیمینارێک بۆ یوناس گاهر ستۆێڕه‌ وه‌زیری ده‌ره‌وه‌ی نۆریژ له‌ لایه‌ن شاخه‌ی نۆرویژی ڕێکخراوی دژه‌ چه‌کی ئه‌تۆمی، له‌ ژێر ناوی نا بۆ چه‌کی ئه‌تۆمی به‌ ڕێوه‌ چوو،

 

له‌و سیمیناره‌دا  8 ئه‌ندام په‌رله‌مانی نۆرویژی و په‌رپرسی ده‌یان ڕێکخراوی مرۆڤی و ده‌یان باڵۆێزی وڵاتانی جیهان له‌ نۆرویژ به‌شداریان هه‌بوو، پارتی سه‌ربه‌ستیی کوردستانیش به‌ شێوه‌ی فه‌رمی له‌ لایه‌ن شاخه‌ی نۆرویژی ڕێکخراوی ناوبراو بۆ ئه‌و سیمیناره‌ بانگهێشتن کرابوو،  که‌ شاندێکی پارتی سه‌ربه‌ستیی کوردستان به‌ سه‌رپه‌ره‌ستی به‌ڕێز کاک عارف باوه‌جانی سکرتیری گشتیی به‌شداربوون.

 

سه‌ره‌تای سیمیاره‌که‌ ته‌رخان کرابوو بۆ قسه‌کانی به‌ڕێز  یوناس گاهر ستۆێڕه‌ که ماوه‌ی 45 خوله‌ک درێژه‌ی هه‌بوو، ناوبراو له‌ ناو ئاخنی قسه‌کانیدا باسی له‌سه‌ر ئه‌و وڵاتانه‌ کرد که‌ له‌ جیهاندا به‌ چه‌کی ئه‌تۆمه‌وه‌ سه‌رقاڵن، ئاماژه‌ی به‌وه‌ کرد که‌ هیندێک وڵات چه‌کی ئه‌تۆمیان هه‌یه‌ به‌ڵام گۆێ ڕایه‌ڵی‌ یاساکانی نێۆنه‌ته‌وه‌یین و به‌ مه‌به‌ستیی خراب که‌ڵکی لێوه‌رناگرن، به‌ڵام چه‌ند وڵاتێک هه‌ن که‌ نیازی خرابیان هه‌یه‌ وه‌ک نموونه‌ باسی ئێرانی کرد.

 

پاشان باقی کاته‌کان دابه‌شکرابوو به‌ سه‌ر ئه‌و لایه‌نانه‌ی که‌ ده‌یانه‌ویست له‌و سیمیناره‌دا به‌شداریان هه‌بێت، پارتی سه‌ربه‌ستیی کوردستانیش 10 خوله‌ک کاتی پێدرا، به‌ڕێز کاک عارف باوه‌جانی له‌و 10 خوله‌که‌دا سه‌ره‌تا پارتی سه‌ربه‌ستیی کوردستانی، وه‌ک پارتێکی سیاسی و دیپلومات و بێ چه‌ک وهێزی نیزامی به‌ به‌شدارانی سیمیناره‌که‌ ناساند، که‌ نزیکه‌ی 280 که‌سایه‌تی نۆرویژی و جیهانی له‌ گشت بوارێکدا به‌شدارییان هه‌بوو، پاشان به‌ریزیان باسی 3 خاڵی گرنگیان کرد.

 

 

1. ناوبراو  باسی ئه‌وه‌ی کرد، که‌ کاتێک باس له‌ زیانه‌کانی چه‌کی مه‌ترسیدار ده‌کرێت له‌ مێژوودا، له‌ پاش ناکازاکی و هێرۆشێما دووه‌مین شاری جیهان که‌ زیانی گه‌وره‌ی به‌رکه‌وتووه‌، و به‌ هیرۆشیمیای دووه‌میش ناسراوه‌، ئه‌ویش شاری هه‌ڵه‌بجه‌ی کوردستانه‌، که‌ زیاد له‌ 5000 هه‌زار هاوڵاتی من که‌ پێک هاتبوون له‌ منداڵ و گه‌وره‌ ساڵ و که‌سانی بێتاوان گیانیان له‌ ده‌ست داوه‌،  زۆر به‌داخه‌وه‌ نه‌ له‌ ئاخاوتنی به‌ڕێز وه‌زیری ده‌وه‌ره‌و نه‌ له‌ نامیله‌که‌کانی ئه‌م ڕێکخراوه‌ش باسی لێوه‌ نه‌کراوه‌، ته‌نیا له‌ هیندێک شۆێندا باسی ئه‌وه‌ کراوه‌ که‌ سه‌دام شیمییای له‌ هاوڵاتییانی خۆیداوه‌، ئیتر ئاماژه‌ به‌وه‌ نه‌کراوه‌ کام شار و کام نه‌ته‌وه‌یه‌، ئه‌وه‌ی سه‌دام شیمیایی به‌سه‌ردا باراندوه‌ هاوڵاتی و هاونه‌ته‌وه‌یی سه‌دام نه‌بوون، به‌شکو نه‌ته‌وه‌ییه‌کی دیکه‌ی ئاشتی خواز بوون به‌ ناوی نه‌ته‌وه‌ی کورد.

 

2. خاڵی دووه‌م له‌ سه‌ر ناتۆ: کاک عارف باسی له‌سه‌ر ئه‌وه‌ کرد، که‌ هیندێک وڵاتی ئه‌ندامی ناتۆ هه‌ن، له‌ ئه‌ندامه‌تی خۆیان له‌و ڕێکخراوه‌ گه‌وره‌یه‌ که‌ڵکی خرابی لێوه‌رده‌گرن و به‌ پێشاندانی بوونیان له‌ ناتۆ هه‌ڕه‌شه‌ ده‌که‌ن سه‌ر نه‌ته‌وه‌ و دراوسێکانیان، نموونه‌ی زیندووش وڵاتی تورکیایه‌ که‌ به‌ ئه‌ندام بوونی و نازکردنی به‌هێزی ناتۆ ڕۆژانه‌ له‌ کورده‌کانی ئه‌و ده‌ڤه‌ره‌ ده‌کوژێت، و یاهێرش ده‌کات بۆ سه‌ر کورده‌کانی باشوری کوردستان یا به‌ واتایه‌کی دیکه‌ بڵێین کوردستانی بنده‌ستی ئێراق.

 

3. کاتێک باس له‌و وڵاتانه‌ ده‌کرێت که‌ چه‌کی مه‌ترسی داریان هه‌یه‌، با به‌ شێنه‌یی باسی ئێران بکرێت که‌ به‌ ئاشکرا باس له‌وه‌ ده‌کات ئه‌و چه‌که‌ی بۆ چییه‌ وبه‌ چی مه‌به‌ستێک به‌ کاری دێنێت، ئێران به‌ ئاشکرا چه‌ندین جار هه‌ڕه‌شه‌ی کردوه‌ که‌ به‌ بوونی ئه‌و چه‌کانه‌ ده‌توانێ ئیسرائیل بومباران بکات وله‌به‌ینی بدات، هه‌روه‌ها ئه‌حمه‌دی نژاد ڕایگه‌یاندووه‌ که‌ ئێران ده‌بێت نه‌خشه‌ی وڵاتێکی وه‌ک ئیسرائیل که‌ ئه‌ندامی ناتۆیه‌ له‌ جیهاندا بسڕێته‌وه‌،  بوونی چه‌کی مه‌ترسیدار له‌ لایه‌ن وڵاتێکی وه‌ک ئێرانه‌وه‌ مه‌ترسیی بۆ سه‌ر ئاشتی وئازادی ناوچه‌که‌و وڵاتانی دراوسێش، من پێم وایه‌ له‌و بواره‌وه‌ پێویسته‌ نۆرویژیش وه‌ک زۆربه‌ی وڵاتان هه‌ڵوسیتی ئاشکرای له‌ مه‌ڕ ئێران هه‌بێت.

 

شایانی باسه‌ که‌ قسه‌کانی کاک عارف له‌ لایه‌ن به‌شدار بووانه‌وه‌ زۆر بایه‌خی پێدرا پچر پچر به‌ نیشانه‌ی پشتیوانی له‌ قسه‌کانی به‌ چه‌پڵه‌ڕیزان پێشوازیان ده‌کرد. هاوکات که‌ زۆربه‌ی کاناڵ و ڕاگه‌یاندنه‌کانی نۆرویژی له‌و شۆێنه‌دا ئاماده‌ بوون سه‌رجه‌م ووته‌کانی به‌ریز کاک عارف یان تۆمار ده‌کرد.

 

له‌ کاتی پشووی سیمینار‌ وه‌زیری ده‌ره‌وه‌ی نۆرویژ ده‌سخۆشانه‌ی له‌ کاک عارف کردو له‌ نزیکه‌وه‌ چه‌ند خوله‌کێک پێکه‌وه‌ دووان، کاک عارف له‌و هه‌له‌ که‌ڵکی وه‌رگرت وباسی مه‌سه‌له‌ی بوونی نزیک به‌ 13 ملۆین کورد نه‌هامه‌تییه‌کانی له‌ ئێراندا کرد.

 

له‌ کاتی ماڵئاویی به‌شدارانی کۆنفرانس چه‌ندین که‌س له‌ نزیکه‌وه‌ خۆیان وه‌ک به‌رپرسی ڕێکخراو باڵۆیزی وڵاتان به‌ شاندی پارتی سه‌ربه‌ستیی کوردستان ناساند، و کارتی پێناسه‌یان له‌گه‌ڵ یه‌ک گۆڕییه‌وه‌ وداوای دیدرارو پیوه‌ندیان له‌گه‌ڵ یه‌ک ده‌کرد،  هه‌روه‌ها شاخه‌ی نۆرویژی ڕێکخراوی (نا بۆ چه‌کی ئه‌تۆمی جیهانی) کاتێکی دیاری کراوی بۆ پارتی سه‌ربه‌ستیی کوردستان دیاریکرد، که‌ ڕه‌سمه‌ن سه‌ردانی نووسینگه‌که‌یان بکه‌ن واته‌ له‌ حه‌وتووی داهاتوودا بۆ ئه‌وه‌ی زیاتر له‌ هیدنێک بابه‌تدا پێکه‌وه‌ بدۆێن.

 

پاش 2 کاتژمیر ونیو کۆنفرانس به‌ سه‌رکه‌وتووی کۆتایی به‌ کاره‌کانی هێنا،

 

ناوه‌ندی هه‌واڵی پارتی سه‌ربه‌ستیی کوردستان.

3ی گڵاڕێزانی 2708 ی کوردی، 24.10.2008 ی زاینی

www.psk2006.org

 

 

----------------------------------------------------------------------------------------------------------------

 

 

کۆنگره‌ 

بۆ سه‌رجه‌م کارمه‌ندانی ته‌ندروستی کورد له‌ ئه‌وروپا.

 

له‌ ژێر دروشمی بوژاندنه‌وه‌و گۆڕین و داهێنان

ده‌سته‌ی دامه‌زرێنه‌ری سه‌ندیکای کارمه‌ندانی ته‌ندروستی بڕیاری دا که‌ له‌ ڕۆژی شه‌مه‌  کاتژمێر 12.30 ده‌قیقه‌ ڕێکه‌وتی 15/11/2008 له‌ وڵاتی سوید له‌ ستۆکهۆڵم کۆنگره‌ی یه‌که‌می خۆی ببه‌ستێ.

 

بۆ زیاتر پێشخستن و سه‌رکه‌وتن و گۆڕین و داهێنان له‌ بواری ته‌ندروستی داوا له‌ سه‌رجه‌م کارمه‌ندانی ته‌ندروستی ده‌که‌ین به‌ پێشنیاره‌کانیان و به‌ بیری نوێ که‌ له‌ خزمه‌ت کۆمه‌ڵانی خه‌ڵکی کوردستان له‌ ناوه‌و وه‌ جالیه‌ی کورد له‌ ئه‌وروپا به‌شداری بکه‌ن، وه‌ داوا له‌ هه‌موو ئه‌ندامانمان ده‌که‌ین له‌ به‌ریتانیا، سویسرا، نه‌رویج، فینلاند، ئه‌ڵمانیا، هۆڵندا نوێنه‌ری خۆیان بنێرن و په‌یوه‌ندیمان پێوه‌ بکه‌ن بۆ ڕۆژی کۆنگره‌ بۆ ئه‌وه‌ی ئاسانکاری ڕێگایان بۆ بکه‌ین بۆ زیاتر زانیاری په‌یوه‌ندی به‌م به‌ڕێزانه‌ بکه‌ن.

 

1-     نیاز محه‌مه‌د جوجه‌                  0707365885

2-      ساڵه‌ح قه‌یتوولی                   0739692966

3-     سارا( سه‌رگووڵ  عه‌زیزی)           0735703929

4-     عه‌بدوڵا ‌ تۆفیق                     0762320400 

5-     عه‌بدوڵا که‌ریم                      0769695908

 

ناونیشانی شوێنی کۆنگره‌:                                                 

 Swed, Stockholm

  ABF lokalen

 T. Hallonberg Centrum

  Vning 3

نهۆمی سێهه‌م

 

 

----------------------------------------------------------------------------------------------------------------

 

 

 

خۆپێشاندانێك دژی‌ بانگهێشتی موحه‌ممه‌د خاته‌می بۆ وڵاتی ئۆتریش.

 

 

رۆژی شه‌ممه‌  رێکه‌وتی 25/10/2008 له‌ شاری وییه‌نی پێته‌ختی‌ وڵاتی ئۆتریش ، پارتی ئازادیی کوردستان، حیزبی دیموکڕاتی کوردستانی ئێران و كۆمه‌ڵه‌ی ژنانی كورد له‌ وییه‌ن و ئه‌منێستی ئیترناشناڵ به‌ هاوکاری رێکخراوی Stop het" Bomb" رێپێوانێکیان به‌ مه‌به‌ستی ناره‌زایه‌تی ده‌ڕبرین له‌ بانگهێشتی ‌ محه‌مه‌د خاته‌می سه‌رۆک کۆماری پیشووی ئێران بۆ ئه‌و وڵاته‌ به‌ڕێوه‌ برد.

 

  محه‌مه‌د خاته‌می به‌ مه‌به‌ستی بو كۆنفرانسێك به‌ ناو دیالۆگ له‌ نێوان ولاته‌ ئایینییه‌کان و ئوروپا له‌ ژێر ناوی "دیالۆگ له‌ نێوان ئایینه‌کاندا" گه‌یشتبووه‌ ئه‌و وڵاته‌ و له‌ لایان "هانس فیشه‌ر" سه‌رۆکی وڵاتی ئۆتریش پێشوازی لێکرا.

 

  خۆپیشانده‌ران له‌ کاتی هاتنه‌ده‌رێی خاته‌می و شاندی یاوه‌ری له‌و شوێنه‌ی کۆنفرانسێکیان به‌و مه‌به‌سته‌ لێ بڕێووه‌ بردبوو،درایه‌ به‌ر هێلکه‌. هه‌ر بۆیه‌ له‌ لایان پۆلیسه‌وه‌ به‌ خێرایی له‌و شوێنه‌ دوور خرایه‌وه‌

 

ساڵی 1988 د.عه‌بدوره‌حمان قاسملوو سه‌رکرده‌ی کورد و سکرتێری گشتی حیزبی دێموکراتی کوردستانی ئێران له‌و شاره‌ی ئێستا پێشوازیی له‌ خاته‌می لێ ده‌کرێ له‌ لایان تاقمێک له تێرۆریسته‌کانی کۆماری ئیسلامیه‌وه‌ تێرۆر کرا. ده‌وڵه‌تی ئوتریش هه‌تا ئێستاش قه‌ت هه‌نگاوێکی بۆ به‌دواداچوونی ئه‌و تاوانه‌ هه‌ڵنه‌گرته‌وه‌.

پارتی ئازادیی کوردستان

کۆمیته‌ی رێکخستنی ئۆتریش

4/ خه‌زه‌ڵوه‌ر / 2708

26 ئۆکتۆبری 2008

Kurdistan Freedom Party

Austria Committee

Pak.austria@yahoo.de
TEL FAX:004319745746
mobail:0043676879610125
www.pazadik.org
www.pak-eu.com
www.pak-de.org
www.pak-austria.blogfa.com

 

 

----------------------------------------------------------------------------------------------------------------

 

 

زنجیرەیەک چالاکی فیدراسیۆن و هەواڵی پەنابەری.

 
کۆڵن برۆک .:................................................
دوو پەنابەر دوایی دیپۆرتکردنەوەیان لە هەولێر وەریان ناگرنەوە.


سەرحەد فایق لەگرتووخانەی دەستبەسەری کۆڵن برۆکەوە بە سکرتێری فیدراسیۆنی ڕاگەیاند"ڕۆژی 23 مانگ لە گرتوخانەی ئۆکنتن لەکامبریج کاتژمێر 10 بەیانی بەزۆر و بەکەلەپچەکراوی بەرو فرۆکەخانەی هیسرۆ لە لەندەن بەرێانخستم تا دیپۆرتی کوردستانم بکەنەوە بە فرۆکەیەکی ئەهلی بەرو ئەردەن کاتژمێر 5 ئێوارە بردمیانە عەمان لەوێشەوە دوای یەک کاژمێر سواری فرۆکەی ئەهلی بووین بەرو هەولێر.. "
هەروەها سەرحەد ووتی"دوای ئەوەی گەیشتینە هەولێر بەرپرسی فرۆکەخانەی هەولێر بە بەریتانێکانی ووت ناوی ئەم کەسە لەکۆمپیوتەردا نیە وەری ناگرینەوە، پاشان ئەو چوار کۆماندۆیەی لەگەڵمان بوون ناچار بوون تیکتم بۆ بکڕن بمهێننەوە ئەردەن لەوێشەوە کاتژمێر 12 بەکاتی عەمان گەراینەوە لەندەن و ئێستا بێ لێپرسینەوە منیان هێناوەتەوە گرتووخانەی کۆڵن برۆک"
ئەوەشی ووت "پەنابەرێکی دیکەی کورد لەگەڵم دا بوو بەڵام لەبەر ئەوەی کەسوکاری لە فرۆکەخانەی نیو دەوڵەتی هەولێر چاوەروانیان دەکرد ئەویان وەرگرتەوە "
سکرتارێتی فیدراسیۆن ووتی"هەمان ڕۆژ پەیوەندیمان بە پارێزەری پەنابەر سەرحەد ەوە کردوە بەمەبەستی یارمەتی دانی"
سەبارەت بەوەرنەگرتنەوەی ئەم پەنابەرە سکرتێری فیدراسیۆن ووتی"وەرنەگرتنەوەی ئەم پەنابەرە نیشانەی ئەوەیە ئەگەر حکومەتی هەرێمی کوردستان بیانەوێت دەتوانن پەنابەری بەزۆر نێراوە وەرنەگرنەوە، نەهاتنی ناوی سەرحەد لەکۆمپیوتەری فرۆکەخانەی هەولێریش جارێکی تر ئەو ڕاستیە دەخاتە بەردەم رای گشتی کە حکومەتی هەرێمی کوردستان پێش وەخت ئیتیفاقیان هەیە لەگەڵ حکومەتی بەریتانیادا"
 


تنزلی هاوس .....................:.:..................................
35 پەنابەری کورد ئامادە دەکرێن بەمەبەستی دیپۆرتکردنەوە بۆ کوردستان.


دڵشاد پەنابەری کورد لە گرتووخانەی تنزلی هاوس لە فرۆکەخانەی گات وویک بە سکرتارێتی فیدراسیۆنی ڕاگەیاند"ئێمە کۆمەڵێک پەنابەرین پێشتر لەگرتووخانەی ئوکنتن و دۆڤەر و لیڤەر پول بووین ،ئێستا ئێمەیان هێناوەتە نزیکی فرۆکەخانەی گات وویک وا بریارە 29-10 وەیان 4-11 بەزۆر بمان نیرنەوە بۆ کوردستان"
دڵشاد زانیاری لەسەر پەنابەرێکی دیکە ووت"ئامانج دۆینێ کات ژمێر 5 ئێوارە لە رێگای عەمانەوە رەوانەی هەولێر کراوەتەوە لەوێش وەرنەگیراوەتەوە و ئێستاش لە ئەردەنە چارەنووسی نادیارە نەیانگێراوەتەوە بۆ لەندەن"
 


هاسلەر ........................................................
ژمارەیەک پەنابەری دیکە کاتیان بۆ دیاری دەکرێت بۆ دیپۆرتکردنەوە.


پەنابەر دکتۆر(ه) لەگرتووخانەی هاسلەر لەشاری پۆرتسمۆس بە سکرتاریتی فیدراسیۆنی ووت" ساڵی 2000 هاتوومەتە بەریتانیا ودوای ئەوەی وەڵامم وەرگرتووە وکارم کردوە بە رەسمی و خیزانەکەشم هێناوەتە بەریتانیا ومنداڵیشمان بووە ،ئێستا دوای 8 ساڵ بەمن دەڵێن ئەم وەڵامە هی تۆ نیە بە هەڵە داومانە پێت ودەتنێرینەوە بۆ کوردستان "
ئەوەشی ووت "ژمارەیەک لە پەنابەران لەم گرتووخانەیەوە تیکتیان پێدراوە کە بیان نێرنەوە کوردستان"
فیدراسیۆن ووتی" لەسەر ئەم کەیسە هەولێکی جدیمان داوە بۆ ئازاد کردنی ئەم پەنابەرە"

 


ئۆکنتن: ........ ...........................
15 پەنابەر لە گرتووخانەی ئۆکنتن ڕاگیراون.


رابەر کاروان ئەندامی فیدراسیۆن لە گرتووخانەی ئۆکنتنەوە بە فیدراسیۆنی ڕاگەیاند"ژمارەیەکی زۆر لە پەنابەری کورد لەم گرتوخانەیە بوون پاشان بەریان کردون بۆ تنزلی هاوس تا بیان نێرنەوە و 9 پەنابەری دیکەی کوردیان هێناوەتە ئێرە ژمارەیەکیان تازەگیراون وەیان پەنجەمۆری وڵاتانی تریان هەیە و ئێستا ژمارەمان 15 پەنابەر دەبین لەم گرتووخانەیە ڕاگیراوین"
 


کەنەدا .....................................
کۆمەڵێک دیدار و چالاکی فیدراسیۆن لە کەنەدا.


- له‌ رۆژی 16-7-2008 فدراسیۆن له‌گه‌ل رێکخراوی دیفاع له‌ حه‌قی ژنانی عێراقی و کۆمه‌له‌ی عێراقی له‌ که‌نه‌دا سه‌ردانی نوێنه‌ری په‌رله‌مانی که‌نه‌دی( جیم کارجیانیس) له‌ شاری تۆرنتۆکرد ،که‌ مه‌به‌ست له‌م سه‌ردانه‌ به‌دوا چوون بوو سه‌باره‌ت به‌وراپۆرته‌ی که‌ له‌مانگی چواری ئه‌م سال که‌ په‌رله‌مانی که‌نه‌دی کۆمیته‌یه‌کی له‌ 13 ئه‌‌ندام په‌رله‌مان پێک هێنابوو به‌ سه‌رۆکایه‌تی (جیم کاریجیانیس) بۆ لێکۆلینه‌وه‌ له‌سه‌ر وه‌زعی په‌نابه‌ری عێراقی و چۆن که‌نه‌دا بتوانێت زیاتر ده‌رگا ئاوه‌لا بکاته‌وه‌ بۆ په‌نابه‌ری عێراقی سه‌ردانی زۆربه‌ی رێکخراوه‌ عێراقیه‌کانیان کرد له‌سه‌رتاسه‌ری که‌نه‌دا وه‌ فدراسیۆن یه‌کێک بوو له‌م رێکخراوانه‌
له‌ درێژه‌ی دانیشتنه‌که‌مان(جیم کاریجیانیس) باسی له‌ ته‌واو بوونی راپۆرته‌که‌ کرد به‌لام ووتی جارێ بلاومان نه‌کردۆته‌وه‌ به‌لام نه‌تیجه‌ی زۆر باشی ده‌بێت وه‌ دواتر یه‌نار محه‌مه‌د نوێنه‌ری کۆمیته‌ی دیفاع له‌ ژنانی عێراق له‌ که‌نه‌دا له‌سه‌ر وه‌زعی ژنانی عێراقی باسێکی کرد که‌ جێگه‌ی سه‌رجی هه‌موو لایه‌ک بوو
له‌ کۆتیدا به‌رێزیان زیاتر جه‌ختی له‌سه‌ر لێک نزیک بوونه‌وه‌ی کۆمه‌له‌ عێراقیه‌کان کرد بۆ به‌ده‌ست هێنانی داخوازیه‌کان.وه‌ جێی باسه‌ خه‌نده‌ زاهیر وه‌ک نوێنه‌ری گه‌نجانی په‌ناهنده‌له‌ ناو فدراسیۆن ئاماده‌ی کۆبوونه‌وه‌که‌ بوو.
2- فدراسیۆن له‌ رۆژی15-8-2008 سه‌ردانی کۆمه‌له‌ی یه‌کیه‌تی عه‌ره‌بی که‌نه‌دی کرد بۆ مه‌به‌ستی داواکردنی شوێنێک بۆ ئۆفیسی فدراسیۆن له‌م سه‌ردانه‌دا که‌ د.خالید سه‌رۆکی رێکخراه‌وه‌که‌و سارا ئامۆش سه‌رۆکی به‌شی ئیداری رێکخراوه‌که‌ ئاماده‌ بوون خۆش حالی خۆیان ده‌ربری به‌م سه‌ردانه‌و ئاماده‌ی هه‌موو کارێکیان بۆ فدراسیۆن ده‌ربری هه‌ر له‌م رۆژه‌وه‌ ئۆفیسی فدراسیۆن گواستراییه‌وه‌ بۆ لای ئه‌مان وه‌ به‌رنامه‌مان دانا له‌داهتوو کار بۆ په‌ناهنده‌ی عێراقی بکه‌ین.
3- فدراسیۆن له‌ درێژه‌ی کاره‌ خزمه‌ت گوزاریه‌کانی بۆ‌ په‌نابه‌ران که‌مپینێکی مالی بۆ په‌نابه‌ر(به‌همه‌ن علی) که‌ له‌ وولاتی یۆنان له‌گه‌ل خێزان و منداله‌که‌ی ده‌ژین تووشی نه‌خۆشیه‌کی ترسناک هاتووه بۆیه‌ ئه‌گه‌رتاکوو مانگی 11ی ئه‌م سال نه‌شته‌ر گه‌ری بۆ نه‌که‌ن ئه‌م په‌نابه‌ره‌ بۆ هه‌تا هه‌تایه تووشی حاله‌تی له‌ هۆش خۆ چوون ده‌به‌ت بۆیه‌ فدراسیۆن له‌م که‌مپینه‌ مالیه‌دا نزیکه‌ی 1500 دۆلاری بۆ کۆ کردۆته‌وه‌ که‌هه‌ر لێره‌وه‌ فدراسیۆن ده‌ست خۆشی له‌ هه‌موو که‌س و لایه‌ک ده‌کات که‌ یارمه‌تی ئه‌م په‌ناهنده‌یه‌یان داوه‌ .وه‌ بۆ ئه‌و مه‌به‌سته‌ فدراسیۆن وه‌ک وه‌فدێک که‌ پێک هاتبوو له‌ سکرتێری فدراسیۆن (جه‌لال سه‌عید) وه‌ هیوا جه‌میل نوێنه‌ری فدراسیۆن له‌ شاری تۆرۆنتۆ سه‌ردانی که‌س و کاری (به‌همه‌ن عه‌لی) کرد که‌ بووه‌ هۆی زۆر خۆش حالی ئه‌و بنه‌ماله‌یه‌ وه‌ سوپاسی گه‌رمی کاره‌کانی فدراسیۆنیان کرد هه‌ر له‌ وێدا ئاماده‌یی خۆیان بۆ هه‌ر کارێکی فدراسیۆن ده‌ربری که‌ به‌وانی بسپێرن.‌‌
4- فدراسیۆن به‌شداری کۆبوونه‌وه کانی رێکخراوه‌کانی وولایه‌تی ئۆنتاریۆله‌ که‌نه‌دای کرد که‌ بۆ مه‌به‌ستی هه‌لبژاردنه‌کانی ئه‌م دواییه‌ی که‌نه‌دا گرێدرا بوو که‌ به‌ تێکرای ده‌نگ له‌سه‌ر پرۆژه‌یه‌ک هاو را بووین که‌ کام پارته‌ زۆرتر به‌ ته‌نگ داخوازیه‌کانی په‌نابه‌رانه‌وه‌ یه‌ وه‌ هه‌لوێستی پارته‌کان چیه‌ به‌رامبه‌ر پرۆژه‌که‌ی ئێمه‌ که‌ ته‌نها (پارتی تازه‌ دیمۆکراته‌کان ) له‌گه‌ل ئێمه‌ بوون که‌ ئه‌وانیش ته‌نها 37 کورسیان هێنا.
5- به‌مه‌به‌ستی به‌ دوادا چوون بۆ ئه‌و هه‌موو ره‌فزه‌ی که‌ په‌نابه‌ری کوردو و عێراقی له‌ سه‌فاره‌ته‌کانی که‌نه‌دا له‌ وولاتانی دنیا وه‌ری ده‌گرێت فدراسیۆن پرۆژه‌یه‌کی پێشکه‌ش به‌ حکومه‌تی که‌نه‌دا کرد که‌ له‌لایه‌ن دوو کارمه‌نده‌وه‌ به‌رێوه‌ چوو بۆ ماوه‌ی شه‌ش هه‌فته‌ که‌ حکوومه‌تی که‌نه‌دی حه‌قی ئه‌و کارمه‌ندانه‌ی فدراسیۆنی ده‌دا که‌ له‌ماوه‌ی کار کردنه‌کانیان کۆمه‌لێک زانیاری باشمان ده‌ست که‌وت که‌ به‌هیوان له‌ داهاتوو له‌گه ل‌ حکوومه‌تی که‌نه‌دا قسه‌و باسی له‌سه‌ر بکه‌ین وه‌ ببێته‌ که‌م کردنه‌وه‌ی ئه‌م شێوه‌ ره‌فز کردنه‌.
6- هه‌ر له‌درێژه‌ی کاره‌کانی فدراسیۆن بۆ کارو باری په‌ناهنده‌ له‌ ناو که‌نه‌داو ده‌ره‌وه‌ فدراسیۆن وه‌ک ممبه‌رێکی ناسراو و باوه‌ر پێکراو له‌م ماوه‌یه‌دا چاندین فاکس و ته‌له‌فۆن په‌یوه‌ندی راسته‌و خۆی کردووه‌ له‌گه‌ل لایه‌نه‌ په‌یوه‌ندی داره‌کان به‌ په‌ناهنده‌ وه‌ک( یۆین و سه‌فاره‌ته‌کانی که‌نه‌دا و دائره‌ی سه‌فه‌ر کردن) وه‌ جوابی پۆزه‌تیفی وه‌رگرتۆته‌وه‌ بۆ په‌ناهنده‌
7- وه‌ فدراسیۆن له‌ رێگه‌ی ئه‌و راگه‌یاندنانه‌وه‌یه‌وه‌ که‌ له‌ زوربه‌ی جه‌ریده‌و سایته‌کانه‌وه‌ بلاو کرابوه‌وه‌ بۆ کارو باری خزمه‌ت گوزاری به‌تایبه‌ت کاری سپانسۆری له‌ وولاتانی ده‌ور و پشتی عێراق رۆژانه‌ چه‌ندین نامه‌ و ته‌له‌فۆن ده‌کرێت وه‌ ئێمه‌ش وه‌ک فدراسیۆن ده‌ست به‌کاره‌کانیان ده‌که‌ین وه‌ تاکوو ئێستا چاندین که‌یس له‌ پرۆسه‌ دان بۆ سپانسۆر کردن.


جه‌لال سه‌عید
سکرتێری فدراسیۆن له‌ که‌نه‌دا


لەندەن ........................................
گەشتێک بە یەخت لەکەنارەکانی ناو شاری لەندەن.


فیدراسیۆن ژمارەیەک چالاکی بۆ ماوەی چەند هەفتەیەک بە یەخت لەکەنارەکانی شاری لەندەن بۆ پەنابەران و خیزان ومنداڵەکانیان بە رێدەخات بەمەبەستی سەرگەرمی و تێکەلاوبوون .
ئەو پەنابەرانەی دەیانەوێت لەم گەشتەدا بەشدار بن بە بنکەی (فیدراسیۆنی پەنابەرانی عیراقی )لە لەندەن پەیوەندی بگرن.

 


دۆڤەر .........................................................................
پەنابەرێکی کورد ماوەی دوو رۆژە مانی گرتووە دژ بە ناردنەوەی بەزۆری بۆ کوردستان.


کاوە حەدۆ پەنابەری کوردی عێراقی لەگرتووخانەی دۆڤەرەوە بەسکرتارێتی فیدراسیۆنی ڕاگەیاند"ماوەی 2 رۆژە لەخواردن مانم گرتوە دژ بە برَیاری بەزۆر ناردنەوەم بۆ کوردستان ،سەرەرای ئەوەی کە رۆژی چوارشەمە محکەمەم هەیە کەچی تیکتیان پێداوم سێ شەمە بەزۆر ڕەوانەی کوردستانم بکەنەوە"
 

 

بەریتانیا: ...........................................................................................
گۆڤاری (THE BIG ISSUE) لە دوو ژمارەی تایبەتدا سەبارە بەکێشەی پەنابەرانی عێراقی دەنووسێ.


گۆڤاری (THE BIG ISSUE) کە گۆڤارێکی هەفتانەی بێ خانەو لانەکانە لەچەند وڵاتی ئەوروپا بڵاودەکرێتەوە و رۆژانە لە شەقام وئیستگای قیتارو شۆێنە گشتیەکان دەفرۆشرێت لە دوو ژمارەی (816،817) دوو بابەتی لە ژێر ناونیشانی (چۆن جەنگی دژە تیرۆر فشاری خۆی لەسەر شەقامی لەندەن دائەنێت ....کە لەم دوو ژمارەیەدا باسی لە بارودۆخی نائەمنی عیراق وکوردستان و رەوشی پەنابەران لە بەریتانیاو چاوپێکەوتن لەگەڵ برای حسین عەلی ئەو پەنابەرەی دوای دوو رۆژ دیپۆرتکردنەوەی بۆ کوردستان خۆی کوشت و خۆپیشاندانی فیدراسیۆن لەبەردەم هۆم ئۆفیس و چالاکیەکانی فیدراسیۆن و قسەی سکرتیری فیدراسیۆن بڵاو دەکاتەوە....
 


ئاسۆ تی ڤی ............................
دەنگى ئێوەیە.. هاوکارى و پشتیوانی بکەن.
ئاسۆ تى ڤى دەنگی نارەزایەتی پەنابەران وبزوتنەوەکەیانە.


ئاسۆ تى ڤى مینبەری داکۆکییە لەماف و داخوازیەکانى پەنابەران. ئاسۆ تى ڤى دەنگى ئینسانى وپێشکەوتنخوازىیە و لەپێناو کەم کردنەوە وکۆتایى پێهێنان بە دەردو میحەنەتەکانى ژیانى ئاوارەیى و پەنابەریتى تیدەکۆشێت و باشکردنی ژیانی ئینسانى پەنابەر و بەهرمەندبوونیان لەژیانێکی شایستە بەئامانجى خۆى دەزانى.
ئاسۆ تى ڤى هەوڵ دەدات لە رێگای بڵاوکردنەوەی بەرنامەکانی یەوە پشتیوانی و هاوکاری بۆ کێشەکانی پەنابەران وخواستەکانیان راکێشێت. لەم کەناڵەوە چالاکی رۆشنبیری، فەرهەنگی و هونەرى بڵاودەبیتەوە وداستانەکانی ئاوارەیی بەدنیا دەناسێنێت.
ئاسۆ تى ڤى مینبەری بەرگرییە لەمافەکانی ژنان و منالانى پەنابەر و تیدەکۆشیت بۆ تیکەڵاوبوون و ئاوێتە بوونیان بەدەستکەوتەکانى کۆمەڵگاى مۆدیرن وهاوچەرخ تەلەفیزیوونی ئاسۆ ،ئاسۆی پەنابەران وبزووتنەوەى پەنابەرییە.


ئاسۆ تی ڤى دەنگى ئێوەیە.. هاوکارى و پشتیوانی بکەن.
بەرنامەکانی ئاسۆ تى ڤى هەفتەی دوو بار رۆژانی سێ شەمە بەرنامەکانی بڵاو دەبێتەوە .


دەتوانن بەرنامەکانی لەسەر ئەم ئەدرەسە تەماشا بکەن:
Satellite Hotbird 8
Orbital Position: 13 degrees East
Tramnsponder: 14
Downlink Frequency: 11 470
Downlink Polarity: Vertical
FEC: 5/6
Symbol Rate: 27،500

__________________________________________________________________________
IFIR:PO.BOX1575، ILFORD، IG1 3BZ، LONDON UK:CONTACT Dashty Jamal، d.jamal@ntlworld.com، Mobile:00447856032991 ،Aso Goran: asobalabarz116@hotmail.com، Samer Ahmad tel:07828424164
Jasm_rg@yahoo.co.uk Burhan Fatah : burhanfatah@aol.com Mobile: Jasim Gafur:
07877489626 or 07929010257 Aram Hama 07729182083

www.csdiraq.co www.federationifir.com
 

 

 

 

 

----------------------------------------------------------------------------------------------------------------

 

 

 

حکومه‌تی سویسرا خه‌ریکه‌ له‌ ڕێگه‌ی فشارهێنانه‌وه‌، په‌نابه‌رانی کوردی عێراق ناچار به‌ گه‌رانه‌وه‌ ده‌کا.

 

 

 په‌نابه‌ر (شه‌ماڵ ئه‌حمه‌د) له‌ زیندانی (گرۆسهۆف) له‌ کانتۆنی لوزێرنه‌وه‌ له‌ په‌یوه‌ندیه‌کی ته‌له‌فۆنیدا به‌ فیدراسیۆنی ڕاگه‌یاند دوای زیاتر له‌ 7 ساڵ له‌ مانه‌وه‌ی له‌ سویسرا له‌ 14/10/2008 وه‌ له‌ لایه‌ن پۆلیسی شاری لوزێرنه‌وه‌ گیراوه‌و زیندانیکراوه‌، (شه‌ماڵ ئه‌حمه‌د )خه‌ڵکی شاری سلێمانیه‌ و  له‌ 03/03/2001 وه‌ هاتۆته‌ سویسرا و داوای مافی په‌نابه‌ری کردوه‌ .شه‌ماڵ  دوای ئه‌وه‌ی هه‌موو مافێکی لێسه‌ندراوه‌ته‌وه‌، داوایان لێکردوه‌ سویسرا به‌جێبێڵێ، شه‌ماڵ ئه‌حمه‌د ئه‌وه‌ی به‌ فیدراسیۆن ڕاگه‌یاند که‌ پارێزه‌ره‌که‌ی ئاگاداری کردۆته‌وه‌ له‌وه‌ی حکومه‌تی سویسرا به‌ نیازه‌ ناچاری بکه‌ن به‌ دانی واژۆی گه‌ڕانه‌وه‌و له‌م ڕۆژانه‌دا ڕه‌وانه‌ی کوردستانی بکه‌نه‌وه‌. ئه‌وه‌ی لێره‌دا مایه‌ی لێوردبونه‌وه‌یه‌ ئه‌م که‌سه‌ خێزانه‌که‌ی ،دایک و خوشک و براکانی له‌ هه‌مان شارن و ده‌وڵه‌تی سویسرا ده‌یه‌وێ شه‌ماڵ له‌ خێزانه‌که‌ی دابڕێ و  به‌ زۆر بنێرنه‌وه‌ کوردستان‌ . گرتن و زیندانی کردنی شه‌ماڵ ئه‌حمه‌د په‌یوه‌ندی به‌ سیاسه‌تی تازه‌ی په‌نابه‌ری ده‌وڵه‌تی سویسرا و سه‌ردانی وه‌فده‌کانی ده‌وڵه‌تی سویسرا بۆ کوردستانی عێراق و هه‌ڵکردنی گڵۆپی سه‌وز له‌ لایه‌ن حکومه‌تی هه‌رێمه‌وه‌ بۆ ڕازیبون له‌ سه‌ر وه‌رگرتنه‌وه‌ی په‌نابه‌رانی کوردی عێراقه‌وه‌ هه‌یه‌.   ئێمه‌ بۆ ئازاد کردنی ئه‌م په‌نابه‌ره‌وکۆتایی هێنان به‌م هه‌لومه‌رجه‌ سه‌خته‌ی  په‌نابه‌رانی کوردستانی عێراق، هه‌موو توانامان ده‌خه‌ینه‌ گه‌ڕو  داوا  له‌ ته‌واوی په‌نابه‌رانی کوردی عێراق ده‌که‌ین یه‌کده‌ست و ڕێکخراو له‌ به‌ دژی ئه‌م سیاسه‌ته‌  نائینسانیه‌ی حکومه‌تی سویسرا ده‌نگ هه‌ڵبڕن وبێنه‌مه‌یدان.

 

27-10-2008

 

 جه‌مال کۆشش 0787557786          ئه‌حمه‌د عه‌لی 0788532004

 

www.federationifir.com

www.csdiraq.com

IFIR, Postfach 7643, 3001 Bern

ahmadali525@hotmail.com