په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

کۆڕێک بۆ شێرزاد حه‌سه‌ن؛

،توندوتیژی کۆمەڵایەتی لەناو کۆمەڵگادا

بەتایبەتی توندوتیژی دژی ژنان

 

هەر کۆمەڵگایەک کۆمەڵێک فەلسەفە و خەسڵەتی خۆی هەیە بۆ دابەش کردنی ژنان و پیاوان بەسەر دونیای جیاوازدا و کاریگەری تەواویش لەسەر یەکە بە یەکی ئەو خەڵکانە بەجێدەهێڵێت ، لەسەر کۆی پەیوەندی و ڕایەڵی ڕۆحی و مۆڕاڵی هەر هەموو کۆمەڵگا ، هەر ئەوەشە مەبەستی ئێمە کە بزانین ئێمە هەڵگری چ بیرۆبۆچونێکین لەمەڕ ژنان، هەروەها جیاکاری توخمگەرایی لەناو خودی خێزاندا هۆیەکانی، کاتێک دەمانگەڕێنێتەوە بۆ شکاندنی کەسایەتی ڕۆحی ئەو کوڕە یان کچە، ئەو جیاکارییە لە چییەوە سەرچاوەی گرتووە، ئەمەش وایکردووە بۆشاییەک بکەوێتە کۆڵەکەی بونیاتنان و پاساوهێنانەوە بە بیانوی جۆراوجۆر.


مەڵبەندی کلتووری کورد لەشاری دەنهاخ لە درێژەی کۆنفرانسەکانی سەبارەت بە توندوتیژی کۆمەڵایەتی و بەردەوامی لەمەڕ دوو کۆنفرانسەکەی پێشوو، کۆڕێک کە دوو بابەتی جیاواز لەخۆ دەگرێت بۆ ڕێزدار شێرزاد حەسەن بەهاوکاری کۆمەڵەی کورد لە شاری دێڵفت سازدەکات، لەژێر ناونیشانی:

*جیاکاری توخمگەرایی، جوگرافیای ترس.
* خێزان، زیندانی خۆشەویستی.

ڕۆژی شەممە، ڕێکەوتی 22-11- 2008، سەعات 13.00 ی نیوەڕۆ
ناونیشان:
Buurthuis De Vleugel
Aart van leeuwlaan 4
2624 LD Delft


بۆ زانیاری زیاتر: 0643251665 یان 0652351910


بەئامادەبونتان خۆشحاڵ دەبین


مەڵبەندی کلتووری کورد لە شاری دەنهاخ
لاهای،10-11-2008

 

 

----------------------------------------------------------------------------------------------------------------

 

 

 

 

ناوه‌ندی داهێنانی فیلمی کوردی؛

فستیڤاڵی فیلمی کوردی گه‌ڕۆك له‌ باکوری خۆرئاوای به‌ریتانیا.

 

 

له‌ پێناو به‌ره‌وپێش بردنی پیشه‌سازی فیلمی کوردی و لێک نزیککردنه‌وه‌ی تواناکان، ناوه‌ندی داهێنانی فیلمی، بۆ ئاشناکردنی شارستانی‌یه‌تی کوردی به‌ شارستانی‌یه‌تی نه‌ته‌وه‌کانی تر و دروستکردنی پلاتفۆڕمێک بۆ فیلم سازانی کورد که‌ نمایشی کاره‌کانیانی تیا بکه‌ن.


بینه‌رانی خۆشه‌ویستی فیلمی کوردی ئاگادار ده‌ینه‌وه‌ که‌ ئه‌مه‌ دووا فرسه‌ته‌ تا بتوانن له‌ سه‌ر شاشه‌ی گه‌وره‌ فیلمی کوردی ببینن، ئه‌م هه‌له‌ له‌ ده‌ست مه‌ده‌ن.


ناوه‌ندی داهێنانی فیلمی کوردی دوای به‌ ئه‌نجام گه‌یاندنی سێیه‌م فستیڤاڵی فیلمی کوردی له‌ شاری مانچسته‌ر به‌ سه‌رکه‌وتوویی هه‌روه‌ک له‌ پڕۆگرامی ناوه‌ندا بوو که‌ فیلمه‌ سه‌رکه‌وتووه‌کان به‌ کۆمه‌ڵێ شاری به‌ریتانیا بگه‌ڕێنێ نمایشیان بکات، بۆ زیاتر ئاشناکردنی بینه‌ر به‌ فیلمی کوردی و ئاشناکردنی شارستانیه‌تی کورد به‌ بینه‌رانی ده‌ره‌وه‌ی کوردستان، له‌م چوارچێوه‌یه‌دا سه‌ره‌تا له‌م شارانه‌ نماشی فیلمه‌کان ده‌ستپێده‌کات، که‌ پێکهاتون له‌م فیلمانه‌:


په‌ڕینه‌وه‌ له‌ غوبار/ ده‌رهێنه‌ر شه‌وکه‌ت ئه‌مین
باوکه‌/ ده‌رهێنه‌ر هیشام زه‌مان
په‌نجه‌ره‌/ ده‌رهێنه‌ر خالد حه‌مه‌لاو
باران/ ده‌رهێنه‌ر ‌هاوڕێ به‌هجه‌ت
ژان/ ده‌رهێنه‌ر هانا نامداری
کچی دووکانه‌که‌/ ده‌رهێنه‌ر ئالان ئه‌مین
شوێنێکی تاریک/ ده‌رهێنه‌ر ئالان ئه‌مین

له‌م شارانه‌ نمایش ده‌کرێن:

* بۆڵتن: 16/11/2008 ڕۆژی یه‌ک شه‌ممه‌ کاتژمێر 6 تا 9 ی ئێواره‌ له‌م ناونیشانه‌:

کانی

                                         148Darby Street ،Bolton، BL3 6JR
بۆ زانیاری زیاتر په‌یوه‌ندی بکه‌ن به‌ ئالان ئه‌مین ژماره‌ 07916288095

                                    یان خالد ژماره 07926257979    
* ساڵفۆرت: له‌ چوارچێوه‌ی پێنجه‌مین فستیڤاڵی فیلمی ساڵفۆرد 19/11/2008 ڕۆژی چوار شه‌ممه‌  کاتژمێر 6 تا 8 ی ئێواره‌ له‌م ناونیشانه‌:      

Salford arts THEATRE, Kemsing Walk ، Off Liverpool St، Salford، M5 4BS

 

* بێری: 23/11/2008 ڕۆژی یه‌ك شه‌ممه‌ کاتژمێر 6 تا 10 شه‌و له‌م ناونیشانه‌:

The Met، Market Street، Bury، BL9 0BW

01617612216

بۆ زانیاری زیاتر په‌یوه‌ندی بکه‌ن به‌ ئالان ئه‌مین ژماره‌ 07916288095

* ئۆڵد ترافۆرد: 28/11/2008 ڕۆژی هه‌ینی کاتژمێر 6 تا 9 ی ئێواره‌ له‌م ناونیشانه‌:

WFA، 9 Lucy Street، Old Trafford، M15 4 BX

 

بۆ زانیاری زیاتر په‌یوه‌ندی بکه‌ن به‌ ئالان ئه‌مین ژماره‌ 07916288095‌

* ویگن: 30/11/2008 ڕۆژی یه‌ك شه‌ممه‌ کاتژمێر 6 تا 9 ی ئێواره‌ له‌م ناونیشانه‌:

Hall Gate House، Frank Street، Wigan، WN1 1HP

 

بۆ زانیاری زیاتر په‌یوه‌ندی بکه‌ن به‌ ئالان ئه‌مین ژماره‌ 07916288095 یان زانا کوردستانی ژماره‌ 07955674802

 

----------------------------------------------------------------------------------------------------------------

 

 

 

له‌ هه‌شتایه‌مین ساڵڕۆژی جاڕدانی مافی مرۆڤ دا

ڕێکخراوی Amnesty (لێخۆشبوونی گشتی نێوده‌وله‌تی)،

به‌شی خۆر هه‌ڵاتی ناوه‌ڕاستی ئه‌مه‌ریکا، کۆنفرانسی ساڵانه‌ی خۆیان ساز کرد.

 


له‌م کۆنفرانسه‌ 3 ڕۆژه‌یه‌دا بابه‌تی زۆر جیاواز تاوتوێ کرا وه‌ک بابه‌تی سیاسی ، ئابووری ،ڕێزگرتنی شارستانی و که‌لتور ،هه‌روه‌ها داتابه‌یسی هه‌مه‌جۆر و وه‌رشه‌ و بابه‌تی جیاواز تایبه‌ت به‌ مافی مرۆڤی گرته‌خۆ . لێخۆشبوونی نێوده‌وله‌تی گشتی( Amnesty International ) یه‌کێکه‌ له‌و ڕێکخراوانه‌ی که‌ خۆی کاره‌کانی خۆی به‌ جێ ئه‌هێنێ ، له‌ ساڵی 1961 دامه‌زراوه‌ و زیاتر له‌ 150 وڵات کاریان ئه‌نجام داوه‌ ، به‌ پێی ئاماری ئه‌م ڕێکخراوه‌ زیاتر له‌ 2.2 ملیۆن که‌س پشتگیری لێ ده‌کات له‌ سه‌رانسه‌ری جیهان دا .

ئه‌م ڕێکخراوه‌ کار ده‌کات بۆ پارێز گاری کردنی دادپه‌روه‌ری و ئازادی مافی تاکه‌ که‌س بێ جیاوازی کردن له‌سه‌ر بنه‌مای ڕه‌گه‌زو ڕه‌چه‌ڵه‌ک و دین و نه‌ته‌وه‌ .هه‌موو ساڵێک ئه‌م ڕێکخراوه‌ ڕاپۆرتی ساڵانه‌ی خۆی ده‌رئه‌کات و باسی هه‌موو کاره‌کانی خۆی ئه‌کات که‌ له‌و ساڵه‌دا به‌ ئه‌نجامی گه‌یاندووه‌ له‌ سه‌رانسه‌ری جیهان دا .کۆنفرانسی ناوچه‌ی ئه‌مساڵ چه‌ند میوانێکی جیاوازی بانگهێشت کردبووکه‌ باس و لیێکۆلینه‌وه‌یان پێشکه‌ش کرد له‌ سه‌رانسه‌ری جیهان دا وه‌ک فه‌رمانی له‌ سێداره‌دان ،گه‌رده‌لوولی کاترینا ، کێشه‌ی دارفور ، ئافره‌ت له‌ زیمبابوێ ، مه‌سه‌له‌ی ئه‌نفال دژی نه‌ته‌وه‌ی کورد .
به‌ ئاماده‌ بوونی زیاتر له‌ 200 که‌س له‌ نوێنه‌را ن و ئه‌ندامه‌ چالاکه‌کانی لێخۆشبوونی گشتی نێوده‌وله‌تی ،سه‌باره‌ت به‌ مه‌سه‌له‌ی ئه‌نفال هه‌ریه‌ک له‌ ئارا ئالان و یونس حاجی ئاماژه‌یان دا به‌و کاره‌ جینۆسایده‌ که‌ له‌ ساڵه‌کانی 1980ده‌ستی پێ کرد له‌ کوردستانی باشور .

پاشان ئارا ئالان به‌ چڕی ئاماژه‌ی کرد ئه‌نفال چی بوو؟ و چۆن پلانی بۆ داڕێژرا ؟ به‌شدار بووانی ئه‌نفال کێ بوون ؟شاڵاوه‌که‌ بۆچی کرا؟ دژی کێ کرا ؟ کاریگه‌ریه‌کانی بۆ سه‌ر کوردستان چی بوون؟ هه‌روه‌ها کاریگه‌ریه‌کانی له‌ سه‌ر ئه‌مڕۆی کوردستان چین.وه‌ک شایه‌ت حاڵێک له‌سه‌ر ئه‌نفال یونس حاجی که‌ یه‌کێکه‌ له‌و که‌ سانه‌ی له‌ شاڵاوی ئه‌نفال ڕزگاری بووه‌ و ئێستا له‌ ویلایه‌ته‌ یه‌کگرتوه‌کانی ئه‌مه‌ریکا ژیان ئه‌باته‌ سه‌ر ، به‌ دورو درێژی باسی له‌و به‌سه‌ر هاته‌ جینۆسایده‌ی ئه‌نفالی کرد وله‌گه‌ڵ هه‌موو ئه‌و نه‌هامه‌تیانه‌ی که‌به‌سه‌ری هاتووه‌ که‌ له‌کاتی ئه‌نفال دا به‌ چاوی خۆی بینیوێتی .به‌ هۆی گرنگی بابه‌ته‌که‌ و ئه‌و ڕاستیانه‌ی که‌ یونس حاجی باسی کرد کاریگه‌ریه‌کی زۆری لای ئاماده‌بووان دروست کرد و تا ئه‌و ڕاده‌یه‌ی فرمێسک به‌ چاویانا بێته‌ خواره‌وه‌ .له‌ کۆتای کۆبوونه‌وه‌که‌دا خاتو له‌ورا مۆیا جێگری به‌ڕیوبه‌ری لێخۆشبوونی نێوده‌وله‌تی گشتی وته‌ی کۆتای کۆنفرانسه‌که‌ ی پێشکه‌ش کرد و زۆر سوپاسی میوانه‌کانی کرد بۆ پێشکه‌ش کردن و ناساندنی ئه‌نفال به‌ کۆمه‌ڵگه‌که‌یان و سوپاسێکی تایبه‌تی یونس حاجی کرد که‌ تیشکی خسته‌ سه‌ر ئه‌نفال له‌ ڕوی به‌سه‌رهاته‌ مرۆیه‌کانه‌وه‌ .هه‌روه‌ها له‌ورا مۆیا هانی هه‌موو به‌شه‌کانی Amnesty دا که‌ سوود له‌ ئاماده‌یی ئارا ئالان و یونس حاجی بکه‌ن بۆ به‌ستنی سمیناری زیاتر له‌ به‌شه‌ جیا جیاکانی ئه‌مه‌ریکا دا تا بتوانن زیاتر و قولتر مه‌سه‌له‌ی ئه‌نفال باس بکه‌ن چاوه‌روان ده‌کرێت له‌ ساڵی داهاتوودا به‌ شێوه‌یه‌کی قوڵتر کۆڕو سمینار له‌سه‌ر ئه‌نفال ساز بکرَت له‌ سه‌رانسه‌ری ویلایه‌ته‌ یه‌کگرتوه‌کانی ئه‌مه‌ریکا دا.

 

 

ناوه‌ندی چاک

14/11/2008

chak_org@yahoo.com

www.chaknews.com
 

 

 

----------------------------------------------------------------------------------------------------------------

 

 

 

 

بانگه‌وازیَك له‌ فیدراسیۆنه‌وه‌

بۆ ئه‌و په‌نابه‌رانه‌ی له‌رِیَگای (IOM) وه‌  گه‌رِاونه‌ته‌وه‌ بۆ كوردستان

برِی 3000 پاوه‌ندیان وه‌رنه‌گرتوه.‌

ئازیزان!

 

له‌ماوه‌ی چه‌ند ساڵی رابردوودا ژماره‌یه‌ك په‌نابه‌ر دوای ئه‌وه‌ی وه‌لاَمی ره‌فزیان وه‌رگرتووه‌  له‌لایه‌ن وه‌زاره‌تی ناوخۆی به‌ریتانیا داوایان لیَكراوه‌ كه‌ ئاره‌زوومه‌ندانه‌ بگه‌ریَنه‌وه‌ بۆ ولاَتی خۆیان،  ئه‌وانیش  له‌ریَگای ریَكخراوی (IOM) وه‌  له‌ژیَر ناوی" پرۆژه‌ی گه‌رانه‌وه‌ی ئاره‌زوومه‌ندانه‌دا" گه‌راونه‌ته‌وه‌ بۆ كوردستان،  به‌ پیَ بریاریَكی تایبه‌تی وه‌زاره‌تی ناوخۆ ئه‌و په‌نابه‌رانه‌ی به‌و ریَگایه‌ گه‌راونه‌ته‌وه‌ بۆ كوردستان برِی نزیك به‌ (3000) هه‌زار پاوه‌ندیان بۆ دیاری كراوه‌ پیان بدریَت  وه‌ك كۆمه‌ك به‌پیَ چه‌ند مه‌رجیَكی دیاری كراو  به‌ناوی"بنیادنانه‌وه‌ ودروستكردنه‌وه‌" ئه‌و برِه‌ پاره‌یه‌ سه‌رجه‌م ئه‌و په‌نابه‌رانه‌ ده‌گریَته‌وه‌ كه‌ له‌ ریَگا ریَكخراوی ناوبراوه‌وه‌ به‌خواستی خۆیان گه‌راونه‌ته‌وه‌.

 

هه‌روه‌ك ئاگادار كراوینه‌ته‌وه‌   ژماره‌یه‌كی زۆر له‌ و په‌نابه‌رانه‌   په‌یوه‌ندیان به‌  سكرتاریَتی فیدراسیۆنه‌وه‌ كردوه‌  زۆربه‌ی ئه‌و په‌نابه‌رانه‌ له‌كوردستان ئه‌و پاره‌یه‌یان وه‌رنه‌گرتوه‌ له‌ویَش  ئۆفیسه‌كانی (IOM ) له‌ سلیمانی و هه‌ولیَر وه‌لاَمیان ناداته‌وه‌.

 

دوای ئه‌وه‌ی فیدراسیۆن له‌ كۆنفرانسی ریَكخراوی ناوبراودا رِۆژی 20-10 له‌ له‌نده‌ن شكایه‌تیَكی خسته‌ به‌رده‌م  ریَكخراوی ناوبراوه‌ له‌سه‌ر ئیدعاكانیان ،  ئه‌وانیش داوایان له‌ فیدراسیۆن كرد لیستی ته‌واوی ئه‌و په‌نابه‌رانه‌ی ئه‌و بره‌ پاره‌یه‌یان وه‌رنه‌گرتووه‌ بخاته‌ به‌رده‌میان.

 

هه‌ربۆیه‌ ئیَمه‌ له‌ فیدراسیۆنی سه‌راسه‌ری په‌نابه‌رانی عیَراقی وه‌  داوا له‌ ته‌واوی ئه‌و په‌نابه‌رانه‌ ده‌كه‌یان  كه‌ له‌ریَگای ریَكخراوی (IOM) گه‌راونه‌ته‌وه‌ كوردستان وه‌ ئه‌و پاره‌یه‌یان وه‌رنه‌گرتوه‌ وه‌یان كیشه‌یه‌كیان هه‌یه‌ له‌زووترین كاتدا په‌یوه‌ندی بكه‌ن به‌ نۆینه‌رانی فیدراسیۆن له‌ سلیمانی و هه‌ولیَر به‌و ژماره‌ ته‌له‌فوونانه‌ی  كه‌ له‌خواره‌وه‌ هاتووه‌  ، تا بتوانین په‌یگری وه‌رگرتنی ئه‌و پاره‌یه‌ بكه‌ین .

 

تكایه‌ ئه‌و زانیاریانه‌مان به‌ده‌ست بگه‌یه‌نن كه‌ پیَویستن تا فیدراسیۆن به‌دواچوون بكات له‌سه‌ری له‌پیَناو وه‌رگرتنه‌وه‌ی ئه‌و مافانه‌ بۆ په‌نابه‌ران :

 

1.         ناوی سیانی ئه‌و په‌نابه‌ر كه‌ له‌به‌ریتانیاوه‌ گه‌راوته‌وه‌ بۆ كوردستان به‌ ریَگای (IOM)

2.         موالید.

3.         به‌رواری گه‌ِرانه‌وه‌ بۆ كوردستان .

4.         دانیشتووی چ شاریَك وه‌یان شاروچكه‌یه‌كن له‌ كوردستان.

 

ئه‌م زانیاریانه‌ بگه‌یه‌نه‌ به‌نۆینه‌ری فیدراسیۆنی سه‌راسه‌ری په‌نابه‌رانی عیَراقی له‌ هه‌ولیَر (به‌شدار عه‌لی) به‌ژماره‌ی(07504486474) ، له‌ سلیمانی په‌یوه‌ندی بكه‌ به‌ (شوكاك عبدول ستار) به‌ ژماره‌ی (07707679334)

 

داواكارین له‌ ته‌واوی ده‌زگاكانی رِاگه‌یاندن و میدیاكان  له‌گه‌ڵ ئه‌و په‌ریَ رِیزو پیَزانیندا ئه‌م بانگه‌واز بلاَو بكه‌نه‌وه‌.

 

له‌گه‌ڵ  ریَزماندا

 

ده‌شتی جه‌مال

سكرتیَری فیدراسیۆنی سه‌راسه‌ری په‌نابه‌رانی عیَراقی

12-11-2008

 

______________________________________________________________

IFIR:PO.BOX1575,ILFORD, IG1 3BZ, LONDON UK   Tel:0044 7856032991

00447895636633,0041787557786,004799387599,003584404464905

d.jamal@ntlworld.com 

  www.csdiraq.com      www.federationifir.com

 

 

----------------------------------------------------------------------------------------------------------------

 

 

 

.کۆڕێک بۆ حسه‌ین یه‌زادنپه‌نا له‌ پاڵتاک

 

   به‌ ئاگاداری هه‌مووان ده‌گه‌یه‌نین سه‌عات 9 شه‌وی هه‌ینی 14/11/2008  به‌کاتی ناوه‌ندی ئوروپا و کاتژمێر 8 به‌ کاتی له‌نده‌ن و 11 به‌کاتی کوردستان به‌رێز کاك حسه‌ین یه‌زدانپه‌نا جێگری سه‌رۆکی پارتی ئازادیی کوردستان له‌ ژوری کۆنگره‌ی نه‌ته‌وه‌کانی ئێرانی فیدراڵ له‌ پالتاك، بابه‌تێك له‌ ژێر سه‌ردێڕی " فیدرالیزم له‌ ئێران له‌ روانگه‌ی پارتی ئازادیی کوردستانه‌وه‌" پێشکه‌ش ده‌کا.

 

کۆمیته‌ی راگه‌یاندنی پارتی ئازادیی کوردستان

/22 خه‌زه‌ڵوه‌ری /2708 -  /12نۆامبر/2008 

 

 

----------------------------------------------------------------------------------------------------------------

 

 

 

دیپۆرتی دووباره‌ی  "سه‌رحه‌د فایق "

رێکه‌وتنی نیوان حكومه‌تی به‌ریتانیاو حكومه‌تی هه‌ریمی كوردستان ئاشكرا ده‌كات.

 

 

هه‌روه‌ك له‌ راگه‌یاندنی پیشوتردا ئاگادارمان كردنه‌وه‌ په‌نابه‌ر"سه‌رحه‌د فایق"دوای ئه‌وه‌ی به‌كه‌له‌پچه‌کراوی و به‌ئیهانه‌ و سوكایه‌تی له‌گرتووخانه‌ی (كۆڵن برۆك) له‌ له‌نده‌نه‌وه‌ به‌ریگای ئه‌رده‌ن دیپۆرتی فرۆخانه‌ی نیو ده‌وڵه‌تی هه‌ولیر ده‌كریته‌وه‌، له‌وی وه‌ر‌ناگیرته‌وه‌ به‌ ده‌لیلی ئه‌وه‌ی ناوی له‌نیو كۆمپیوته‌ردا نیه و ره‌وانه‌ی به‌ریتانیا ده‌کرێته‌وه‌.  ئێستا بۆ جاری دووه‌م حکومه‌تی به‌ریتانیا "سه‌رحه‌د"ی ئاگادارکردۆته‌وه که‌ به‌‌ پیچه‌وانه‌ی ‌خواستی خۆی دیپۆرتی كوردستان ده‌كریته‌وه‌.

 

شایانی ئاماژه‌پێکردنه‌ له‌ماوه‌ی رابردوودا بێجگه‌ له‌ سه‌رحه‌د چه‌ند په‌نابه‌ری دیکه‌ که‌ ناویان له‌ کۆمپیوته‌ری فڕۆکه‌خانه‌ی هه‌ولێردا نه‌بوه‌  له‌وانه‌‌(دڵشاد ،ئامانج ،عوسمان..) به‌هه‌مان شیوه‌ له‌لایه‌ن حكومه‌تی هه‌ریمی كوردستانه‌وه‌ وه‌رنه‌گیراونه‌ته‌وه.

 

ئه‌گه‌رچی چه‌ندین جار‌ حكومه‌تی هه‌ریمی كوردستان ئه‌وه‌ی راگه‌یاندوه که‌ ئه‌وان هیچ رێکه‌وتنێکیان نیه له‌گه‌ڵ حکومه‌تی به‌ریتانیا بۆ دیپۆرتی په‌نابه‌ران، به‌ڵام ئه‌م نمونه‌یه‌ی سه‌رحه‌د و ئه‌و په‌نابه‌رانه‌ی دیکه‌ که‌ له‌ فڕۆکه‌خانه‌ی هه‌ولێر وه‌رنه‌گیراون ئاماژه‌یه‌کی رۆشنه‌ بۆ ناراست بوونی ئه‌و ئیدیعایانه‌ی حکومه‌تی هه‌رێم. ئه‌مه‌ نیشانی ده‌دات که‌ حکومه‌تی هه‌رێم ده‌توانێ ئه‌و په‌نابه‌رانه‌ وه‌رنه‌گرێته‌وه‌. ئه‌وه‌ ده‌سه‌لمێنێ که‌ ئه‌و ئیدیعایه‌ی حکومه‌تی هه‌رێم که‌"‌ بریاری ناردنه‌وه‌ی په‌نابه‌ران بریاری حكومه‌تی به‌ریتانیایه‌ ئیمه‌ ناچارین وه‌ریانبگرینه‌وه‌" ئیدیعایه‌کی چه‌واشه‌کارانه‌یه‌.

 

ئێستا که‌ حکومه‌تی به‌ریتانیا ده‌یه‌وێ سه‌رحه‌د دیپۆرت بکاته‌وه‌ مانای ئه‌وه‌یه‌ که‌ ئه‌مجاره‌یان له‌گه‌ڵ حکومه‌تی کوردستان رێك که‌وتوون بۆ نارنه‌وه‌ی. مانای وایه‌ که‌ حكومه‌تی هه‌ریمی كوردستان پیشوه‌خت ئیتیفاق له‌گه‌ڵ ده‌وڵه‌تانی ئه‌وروپا ده‌کات بۆ دیپۆرتکردنه‌وه‌ی په‌نابه‌ران. به‌مجۆره‌ شه‌ریکه‌ تاوانی ئه‌و ده‌وڵه‌تانه‌یه‌ له‌ ناردنه‌وه‌ی به‌زۆری په‌نابه‌رانی کورد که‌ به‌هه‌زار ده‌ریسه‌ری و به‌نرخی موجازه‌فه‌کردن به‌ژیانیان گه‌یشونه‌وته‌ ئه‌ورپا.

 

حكومه‌تی هه‌ریمی كوردستان وه‌كوچۆن جاری یه‌که‌م "سه‌رحه‌د فایه‌ق" و ئه‌و په‌نابه‌رانه‌ی دیکه‌ی وه‌رنه‌گرته‌وه که‌ ناویان له‌ کۆمیوته‌ردا نه‌بوو، واته ره‌زامه‌ندی حکومه‌تی هه‌رێم وه‌رنه‌گیرابوو له‌سه‌ر دیپۆرتکردنه‌وه‌یان وحكومه‌تی به‌ریتانیا ناچار بوو بیانگێڕێته‌وه‌ بۆ‌ به‌ریتانیا، به‌وجۆره‌ ده‌توانن هیچ په‌نابه‌رێکی کورد كه‌ به‌زۆر دیپۆرتی كوردستان ده‌كریته‌وه‌، وه‌رنه‌گرێته‌وه‌‌.

 

داوا ده‌كه‌ین حكومه‌تی هه‌ریمی كوردستان ده‌ست له‌م سیاسه‌ته‌ دووفاقیه‌ هه‌ڵگریت. په‌نابه‌ران  و خه‌ڵكی كوردستان به‌مه چه‌واشه‌ ناكرین. ته‌نها بۆ ساتیك دور له‌ قازانجپه‌رستی و به‌رژه‌وه‌ندخوازی خۆتان بیر له‌به‌رژه‌وه‌ندی هه‌زاران په‌نابه‌ر و که‌سوکاریان بکه‌نه‌وه‌. ئێوه‌ ده‌توانن ده‌رگای ناردنه‌وه‌ی به‌زۆری په‌نابه‌ران دابخه‌ن ته‌نها به‌وه‌ی که‌ وه‌ریان مه‌گرنه‌وه‌. 

 

سكرتاریه‌تی فیدراسیۆنی سه‌راسه‌ری په‌نابه‌رانی عیَراقی

12-11-2008

 

______________________________________________________________

IFIR:PO.BOX1575,ILFORD, IG1 3BZ, LONDON UK   Tel:0044 7856032991

00447895636633,0041787557786,004799387599,003584404464905

d.jamal@ntlworld.com 

  www.csdiraq.com      www.federationifir.com