|
|
|
بانگه‌واز : سه‌باره‌ت به پرسی کۆمه‌لیک پێشمه‌رگه‌ی گوردانی شوان که به‌دیلی گوله‌باران کران.
ناوه‌ندی چاک
www.chak.be
----------------------------------------------------------------------------------------------------------------------------------------
کەمپینی پشتگیرى: ئازادکردنى دکتۆر عادل حوسێن ڕادەگەیەنێت.
----------------------------------------------------------------------------------------------------------------------------------------
به‌ره‌و کۆنفرانسی ناوه‌ندی چاك 2009
ڕاگه‌یاندنی ناوه‌ندی چاك سه‌باره‌ت به‌کۆنفرانسی ناوه‌ندی چاک ـ ی ئه‌وروپا!
بۆ ئاگاداری هه‌موو ئه‌ندامان و دۆستانی ناوه‌ندی هه‌ڵه‌بجه دژبه‌ئه‌نفالكردن‌و جینۆسایدی گه‌لی كورد- چاک، له‌ڕۆژانی ( 3 ،4)ی مانگی (1) یه‌کی 2009دا ناوه‌ندی چاک ـ له ئه‌وروپا له وڵاتی ئه‌ڵمانیا کۆنفرانسێک سازده‌کات. کۆمیته‌کانی ( کوردستان، ئه‌مرکیا، که‌ندا، ئوسترالیا) به‌شداری راسته‌وخۆو ناراسته‌وخۆ ده‌كه‌ن و بۆ سه‌رخستنی كۆنفرانس ڕاپۆرتی تایبه‌تی خۆیان ئاراسته ده‌كه‌ن.
ڕۆژه‌ڤێی کۆنفرانس:
1/ خوێندنه‌وه‌ی ڕاپۆرتی کۆمیته‌کان. 2 / خوێندنه‌وه و هه‌ڵسه‌نگاندی پرۆژه‌ی ئاماده‌کراوی کۆمیته‌ی نه‌رویجی ناوه‌ندی چاک، له‌سه‌ر سیاسه‌تی گشتی و نۆژه‌نکردنه‌وه‌ی کاری ڕێکخراوه‌یی ناوه‌ندی چاک. 3/ باسێک ده‌رباره‌ی چۆنیه‌تی خۆئاماده‌کردن بۆ سازدانی کۆنگره‌یه‌کی گشتی و به‌رفراوانی دوو‌هه‌می ناوه‌ندی چاک. 4/ پیاچونه‌وه‌یه‌کی گشتی به په‌یڕه‌و و پرۆگرامی ناوه‌ندی چاکدا. 5/ هه‌وڵی جدی بۆ چاره‌سه‌ری ئه‌و کێشانه‌‌ی که هه‌رله دوای کۆنگره‌ی یه‌که‌مه‌وه به‌رۆكی ناوه‌ندی چاکی گرتووه‌و به‌هۆیه‌وه ده‌رگیری بوو.
په‌یا‌مێکی کورت- :
هه‌موو ئه‌و به‌ڕێزانه‌ی که ڕۆژێک له‌ناوه‌ندی چاكدا ئه‌ندام بوون، یان دۆستی ناوه‌ند بوون و ئێستا دوورکه‌وتونه‌ته‌وه‌‌و كارناكه‌ن، یان له (چاکبێ) دا كار ده‌كه‌ن، به‌ڕێز و خۆشه‌ویستیه‌وه بانگهێشتی کۆنفرانسیان ده‌که‌ین. چونكه کۆنفرانسی هه‌موو ئه‌ندامانی ناوه‌ندی چاک ـ ه به بێجیاوازی بیرو ڕاو هه‌موو ئه‌و جیاوازیانه‌ی که دروستبوون به هۆی کێشه‌کانه‌وه.
ئێمه به‌ئه‌ركی خۆمانی ده‌زانین، به‌رێزه‌وه بانگهێشتیی هه‌موو ئه‌ندامان بكه‌ین، تا چیتر قولبوونه‌وه‌ی كێشه‌كان نه‌بنه مایه‌ی كوشتنی زمانی دیالۆگ و بنه‌ما دیموكراسیه‌كان، ده‌بێت پێوانه‌و نه‌فه‌سی دیموكراسیه‌تمان زیاتر بكه‌ین، بۆیه به هه‌موو برواو توانای دیموكراسیه‌تمانه‌وه پێشوازی ده‌که‌ین له هه‌موو ئه‌ندامان، هیوادارین دوور له دوودڵی و خۆسه‌پاندنی هیچ که‌س و ده‌سته‌گه‌ریه‌که‌وه چاره‌سه‌ر بۆ کێشه‌کان بدۆزینه‌وه‌و هه‌موو ورده‌کاریه‌کانیشی رابگه‌یه‌نین.
ئه‌گه‌رچی ئه‌م کۆنفرانسه بۆیه‌كگرتنه‌وه و پێكهاتنه‌وه نیه! له‌گه‌ڵ ئه‌و به‌رێزانه‌ی له‌ناوه‌ندی چاك رۆیشتوون، به‌ڵام ده‌شێت یه‌کگرتنه‌وه‌شی تێدا له دایك ببێ، به زه‌مینه خۆشکردن بۆ کۆنفرانسێکی به‌رفراون بۆ سه‌رجه‌م کۆمیته‌و ئه‌ندامانی ناوه‌ندی چاک که بتوانرێت کات و شوێنی بۆ دیاری بکرێت و دوابڕیاری له‌باره‌وه بدرێت. ئه‌مش هه‌ستكردنمانه به به‌رپرسیارێتی كاری رێكخراوه‌ییمان، هه‌ستكردنمانه به به‌رپرسیارێتی هه‌لومه‌رجی كوردستان، بێئه‌وه‌ی گوێ به‌و نه‌زعه ناته‌ندروسته بده‌ین كه ئه‌م ده‌ستپێشخه‌ریانه به لاوازی‌‌و ده‌سته‌پاچه‌یی لێك ده‌داته‌وه!. له کاتی به ده‌نگه‌وه‌هاتنی وئامده بوونی چاکبێ دا بۆ ئه‌م په‌یامه! له ئێستاو هه‌رچ کاتێکی تردا، ڕایده‌گه‌یه‌نین که چاره‌سه‌ری ئه‌م ئاسته‌نگانه‌ی خواره‌وه ده‌بنه بنچینه‌ی چاره‌سه‌ری کێشه‌کان و یه‌کگرتنه‌وه: ـ
1/ دانانی میتۆدێکی مه‌ده‌نیانه‌و دیموکراتیانه‌ی توندو تۆڵ بۆ کاری ڕێکخراوه‌یی ئه‌م ناوه‌نده‌ی كه چه‌ندین چالاكی گرنگی ئه‌نجامداوه‌و چه‌ندینی تریشی له‌هه‌گبه‌دایه‌و ئه‌مه‌ش ته‌نها به ته‌بایی‌‌و لێك تێگه‌یشتن‌و دیالۆگی مه‌ده‌نیانه به هه‌موو جیاوازیه‌كانه‌وه ئه‌نجام ده‌درێن. به بروای ئێمه باشترین رێگه چاره بۆ ته‌ندروست بوونی ناوه‌نده‌كه‌و كارابوونی ئه‌وه‌یه به‌هه‌موو لایه‌ك رێگه نه‌ده‌ین که‌س ناوو ناوبانگی ناوه‌ندی چاك بۆ مه‌رامی تایبه‌تی خۆی به‌كار بهێنێ، واته کارکردن له‌سه‌ر بنچینه‌ی ڕێکخراوێکی پرۆفیشناڵ .
2/ لێپرسینه‌وه له‌و که‌سانه‌ی که به‌شی زۆریان به‌رده‌که‌وێت له قولكردنه‌وه‌ی كێشه‌كان‌و پێیان داده‌گرت له‌سه‌ر جیابوونه‌وه و داوای دوو ڕێکخراو‌یان ده‌کرد بۆ ناوه‌ندی چاک.
3/ لێپرسینه‌وه له هه‌موو سه‌رپێچی‌‌و گه‌نده‌ڵیی دارای و ئیداری‌و شیواندنی شیرازه‌ی كاری رێكخراوه‌یی که کاتی خۆی به‌رپابووبوو له ناوه‌ندی چاک دا.
4/ دوور خستنه‌وه‌ی ناوه‌ند له ئه‌دای سیاسی‌و سیاسه‌تی میکاڤیللیانه و به پاشكۆ كردنی حزب‌و به كارهێنانی ناوه‌نده‌كه که له‌ژێر په‌رده‌ی دۆستایه‌تیه‌وه ئه‌نجامده‌دران. ڕه‌تکرنده‌وه‌ی هه‌وڵی هه‌ر حیزبێک که بیه‌وێت که‌ڵک له‌م ناوه‌نده وه‌ربگرێت بۆ مه‌رام و خزمه‌تی ئه‌جندای خۆی.
بۆ راگرتنی كه‌شی دیموكراسی‌‌و سه‌ركه‌وتنی ئه‌م كۆنفرانسه ڕایده‌گه‌یه‌نین و په‌یمان ده‌ده‌ین، هه‌موو پیوانه‌یه‌كی رێكخراوه‌یی پیاده‌ده‌كه‌ین، سه‌ركه‌وتنی كۆنفرانسه‌كه‌شمان سه‌ركه‌وتنی ناوه‌نده‌كه‌یه، كه ده‌توانێ رێزی راسته‌قینه‌ی رۆحی شه‌هیدان وقوربانیانی جینۆسایدی گه‌لی کورد فه‌راهه‌م بكات، ئێمه که ئه‌م کۆنفرانسه ڕاده‌گه‌یه‌نین و ئه‌م خاڵانه‌ی سه‌ره‌وه‌مان خستۆ‌ته ده‌ستوری كارمانه‌وه ، ده‌مانه‌وێ هه‌ستی لوتبه‌رزی‌‌و غروری نارێكخراوه‌یی له‌ریشه هه‌لكێشین‌و ئه‌و ئاسته‌نگانه‌ش بشكێنین كه‌له‌به‌رده‌م پێكهاتنه‌وه‌و ئاشتیدایه، یان به‌لای كه‌مه‌وه لێك جودابوونه‌وه‌یه‌كی مه‌ده‌نیانه‌و نۆرماڵ " . به‌و په‌ری جورئه‌ت‌و هه‌ستكردن به لێپرسراوێتیه‌وه، ئاماده‌یی خۆمان ده‌رده‌برین بۆ هه‌موو لێپرسینه‌وه‌یه‌ک له‌لایه‌ن لیژنه‌یه‌كی بێلایه‌ن له رێكخراوه‌كان‌و كه‌سانی پسپۆر‌وتایبتمه‌ند له‌كاری رێكخراوه‌یی‌‌و كه‌سایه‌تی یاساییه‌وه‌‌و ئاماده‌ی هه‌ر ئه‌نجام‌و سزایه‌كیشین که بكه‌وێته ئه‌ستۆی ئه‌ندامانی ناوه‌ندی چاك.
0049 5141482133 0049 5451937385 ناوه‌ندی هه‌ڵه‌بجه دژبه ئه‌نفالکردن و جینۆسایدی گه‌لی کورد ـ چاک
----------------------------------------------------------------------------------------------------------------------------------------
به تووندی ئیدانه‌ی سه‌پاندنی حوکمی زیندانی نادادپه‌روه‌را‌نه‌ی له‌یلا زانا ده‌که‌ین.
chak.org@gmail.com
|
ڕژێمی
تورکیا ، بانگهێشتی ده‌وڵه‌تانی ئه‌وروپا ده‌کات بۆ ئه‌وه‌ی زیاتر فشار
بخه‌ن سه‌ر په‌که‌که به سزادانی وه‌ک حیزبێکی تیرۆریست!، له کاتێکدا
که په‌که‌که له ژێر فشاری ده‌وڵه‌ت و حکومه‌تی تورکیادا که هاوڵاتی
کورد ئه‌وپه‌ڕی بێمافی ده‌چێژێت و نه‌ک هه‌ر به پله دوو ته‌ماشا
ده‌کات، به‌ڵکو به تورکی شاخیشیان ناوده‌بات، ده‌ستی داوه‌ته خه‌باتی
چه‌کداری. ئه‌م حکومه‌ته نادادپه‌روه‌ره‌ی خۆی به دیموکرات ده‌زانێت
و بانگهێشتی دیموکراتیه‌ت ده‌کات، ڕۆژ به رۆژ ملهوڕانه‌تر له شه‌رێکی
نابه‌رابه‌ردا به‌رامبه‌ر به گه‌لی کورد له تورکیادا زوڵمو زۆر
ده‌کات. کار گه‌یشتۆته ئه‌وه‌ی که دژایه‌تی هه‌موو ئه‌و حیزب و
لایه‌ن و که‌سایه‌تیانه‌ش ده‌کات، که سڤیلن و خه‌باتی سیاسی ده‌که‌ن،
له داخستنی ده‌نگی ڕۆژنامه‌کان وکپکردنی ده‌نگی رۆژنامه نوسانی کورد
وه‌ک رۆژنامه‌ی (ئازادیا وڵات) و زیندانیکردنی کورده سیاسیه‌کان
له‌سه‌ر قسه‌کردن و لێدوانی سیاسی. ئه‌وه بۆ دووهه‌م جاره که
که‌سایه‌تی سیاسی و په‌رله‌مانتاری کورد له‌یلا زانا له‌سه‌ر لێدوان و
قسه‌کردن وسوێند خواردن له په‌رله‌ماندا به کوردی، سزایه‌کی
نادادپه‌روه‌رانه ده‌سه‌پێنرێت به سه‌ریدا بۆ ماوه‌ی 10 ده‌ساڵ.