|
|
|
ئێوه‌ش پشتیوانی له هه‌ڵمه‌تی واژۆکردنی په‌یماننامه‌ی ڕۆما بکه‌ن.
وینه یه ک بۆ :
-----------------------------------------------------------------------------------------------------------------
پارته سیاسیه‌کانی سویسرا له به‌رامبه‌ر یه‌کدا ڕاوه‌ستاونه‌وه.
داگیرکردن و مانگرتن هه‌روا دریژه‌ی هه‌یه له رۆژی 19.12 ه‌وه نزیکه‌ی 150 که‌س که‌نیسه‌ی پریدیگه‌ریان له شاری زوریخ داگیرکرد.ئه‌مڕۆ جارێ تر سه‌رۆکی که‌نیسه‌ی پریدگه‌ر وسه‌رۆکی که‌نیسه‌کانی زوریخ بۆ ماوه‌ی 3کاتژمێر دوور له چاوی میدیاکان له‌گه‌ل په‌نابه‌ران کۆبوونه‌وه. سه‌رۆکی که‌نیسه‌کان به‌ڵینی دابوو که رۆژی 5.1.2009 خۆی و په‌نابه‌ران و لایه‌نگرانیان له‌گه‌ل سه‌رۆکی به‌ڕیوه‌به‌رایه‌تی کۆچی کانتۆنی زوریخ هانس هۆل شتاین دابنیشن و گفتوگۆ بکه‌ن. پاش جه‌ندین هه‌وڵ ئه‌م پێشنیاره ره‌د کرایه‌وه و کۆبوونه‌وه‌که به‌ئه‌نجامیک نه‌گه‌یشت، به‌لام که‌نیسه پشتیوانی له مانگرتوان دووپاتکرده‌وه، له‌کاتی ته‌واو بوونی کۆبونه‌وه‌که ئه‌حمه‌د عه‌لی، سکرتیری فیدراسیۆنی په‌نابه‌رانی عیراقی له‌سویسرا که ئه‌و ده‌م فورسه‌تی میدیاکان هاتبوو به سه‌رۆکی که‌نیسه‌کانی زوریخی ووت: ساڵی پار به‌ریزتان و من و میخی شتاینگه‌ر له‌گه‌ل یان دانیشتنمان نه‌کردو به‌ڵێنی نه‌دا که هه‌لومه‌رجه‌که چاره‌سه‌ر بکات، به‌لام چی ڕوویدا؟ خراپتر بوو نه‌ک باشتر.
له‌لایه‌کی دییه‌وه کێشمه‌كێش گواسترایه‌وه نیو پارته سیاسیه‌کانی سویسرا، پارتی سۆسیال دیموکرات پێی وایه ده‌بیت ئه‌و هه‌لومه‌رجه بگۆڕیت و کۆتایی به‌و رێگرییانه بیت که داواکارانی مافی په‌نابه‌ری به‌رته‌سکده‌که‌نه‌وه، پارتی کاری سویسری و چه‌پ و سه‌وزه په‌رله‌مانتاره‌کان پشتیوانی ته‌واوی خۆیان بۆ ئه‌م چالاکیه ده‌ربری.
حزبی گه‌لی سویسرا داوای کرد که با ده‌وله‌ت یاساکانی جێبه‌جێ بکات((ئه‌و که‌سانه‌ی داوای مافی په‌نابه‌رییان ره‌دکراوه‌ته‌وه ده‌بیت سویسرا جیبهلن...... نه‌ک پشتوانی له‌و که‌سانه بکریت که که‌نیسه ره‌هن بکه‌ن )) وه پارتیکی راسیستی به‌ناوی پارتی سویسرای دیموکرات داوای کرد ((پێویسته یه‌کسه‌ره که‌نیسه به‌زۆری پۆلیس پاکبکریته‌وه وئه‌و په‌نابه‌رانه‌ی نایاساین دیپۆرتبکرینه‌وه)).
ئه‌مڕۆش گروپ گروپ خه‌لک ولایه‌نه‌کان پشتیوانیان به‌سه‌ردانی بۆ لای په‌نابه‌ران دووپاتده‌کرده‌وه. بریاریشه له‌چه‌ند رۆژی داهاتوودا ئه‌مه به‌رده‌وام بیت، تا سه‌رۆکی به‌ریوه‌به‌رایه‌تی کۆچی شاری زوریخ هانس هۆل شتاین له‌گه‌لیان دانیشتن ده‌کات.
بۆ ده‌ستکه‌وتنی زانیاری زیاتر وبه دواداچوون ته‌ماشایه‌کی ئه‌م لینکانه بکه‌ن:
http://www.tagesanzeiger.ch/zuerich/stamd/predigierkirdhe-bleibt-besetzt/story/26278980 http://www.20min.ch/news/zuerich/story/16906387 http://www.bleiberecht.ch/?p=310 http://pukmedia.com/kurdishh/hwal/23-12-2008/news15html
جه‌مال کۆشش 0787557786 ئه‌حمه‌د عه‌لی 0788532004 www.csdiraq.com , www.federationifir.com IFIR, Postfach 7643, 3001 Bern ahmadali525@hotmail.com
-------------------------------------------------------------------------------------------------------------------
له‌ناوه‌ندی چاكه‌وه بۆ دادگای باڵای تاونه‌كانی عێراق.
به‌رێزان : سه‌رۆكی دادگا به‌رێزان : ده‌سته‌ی دادوه‌ری‌‌و كارگێری دۆسێی تاوانی كیمیابارانكردنی هه‌ڵه‌بجه.
خۆتان ئاگادارن گه‌لی كورد ئازار و مه‌ینه‌تی‌‌و چه‌وسانه‌وه‌ی زۆری چه‌شت به‌ده‌ست رژێمی روخاوی به‌عسه‌وه، بێگومان له‌وه‌ش ئاگادارن كه به‌عس ته‌نها به‌وه‌نده‌وه نه‌وه‌ستا كه كورد له‌مافه سه‌ره‌تاییه‌كانی بێبه‌ش بكات، به‌ڵكو تاوانه‌كانی له‌دژی كورد سنوری تاوانه یاساییه‌كانی به‌زاندو به‌ملهوری خۆی بێگویدانه هیچ پره‌نسیپێكی ناوخۆیی‌‌و نێوده‌وله‌تی، تاونه‌كانی له‌دژی گه‌لی كوردستان ترازانده ناو تاونی جینۆسایده‌وه. هه‌لبه‌ت به‌رێزتان شاره‌زان كه تاوانی جینۆسایدیش مه‌ترسی له‌سه‌ر هه‌موو مرۆڤایه‌تی دروست ده‌كات. له‌به‌رئه‌وه‌ی ئامانج له‌و تاوانه فه‌وتاندن‌و پاكتاوی ره‌گه‌زه‌یه.
ئێمه وه‌كو ناوه‌ندی هه‌له‌بجه دژبه‌ئه‌نفالكردن‌و جینۆسایدكردنی گه‌لی كورد- چاك وێرای ئه‌وه‌ی هه‌وڵ‌و كاری دادوه‌ری به‌رێزتان‌و دادگاكه‌تان به‌رز ده‌نرخێنین، له دۆسێكانی تاوانی ( دوجه‌یل، ئه‌نفال، راپه‌رینی شه‌عبانیه)دا، به‌ڵام نایشارینه‌وه،كه وه‌كو پێویست به‌ئه‌ركی خۆتان هه‌ڵنه‌ستان له‌یه‌كه‌مین دانیشتنی دۆسێی تاوانی هه‌ڵه‌بجه‌دا، به‌لای كه‌مه‌وه دابین نه‌كردنی وه‌رگێرێكی شایسته له زمانی كوردیه‌وه بۆ سه‌رزمانی عه‌ره‌بی و به‌پێچه‌وانه‌شه‌وه، پێشیلكردنی ساده‌ترین مافی شایه‌تحاڵه‌كانی و سه‌ره‌تاییترین ئه‌ركی دادگا به‌رێزه‌كه‌تان بوو، بۆیه ئێمه وه‌كو ناوه‌ندی چاك به‌ئه‌ركی رێكخراوه‌یی خۆمانی ده‌زانین بۆ به‌ره‌و پێشبردنی ره‌وتی دادگاكه‌‌و پركردنه‌وه‌ی ئه‌و بۆشاییه، بگرینه ئه‌ستۆ به‌دابینكردنی وه‌رگێری شایسته‌و شاره‌زای یاسایی، به‌مه‌رجێك سه‌لامه‌تی و باری ئه‌منیان بگرنه ئه‌ستۆ. له‌گه‌ڵ ڕێزدا. www.chak.info ناوه‌ندی هه‌له‌بجه دژبه‌ئه‌نفالكردن‌و جینۆسایدكردنی گه‌لی كورد- چاك 22/12/2008
-----------------------------------------------------------------------------------------------------------------
په‌نابه‌ران ده‌ڵێن به‌ڵینمان زۆر بیستووه و کرده‌وه که‌م.. که‌نیسه جێناهیلین تا ده‌وله‌ت خۆی نه‌یه‌ت بۆ لامان و مافی مانه‌وه‌مان پێنه‌دات.
بۆ چواره‌مین ڕۆژ په‌نابه‌ران ده‌ستیان به‌سه‌ر که‌نیسه‌که‌دا گرتووه، له میدیاکانه‌وه به به‌رده‌وامی هه‌واله‌که بلاوده‌که‌نه‌وه، رادیۆکان راسته‌وخۆ ، ته‌له‌فزیۆنه‌کان راپۆرت ئاماده ده‌که‌ن، رۆژنامه سه‌راسه‌رییه سه‌د هه‌زار نوسخه‌ییه‌کان له چه‌شنی 20 منویته و پونکت سێ، ها، نویس، هه‌واڵ وچاوپیکه‌وتن یان سازداوه. سه‌رۆکی که‌نیسه‌که وسه‌رۆکی که‌نیسه‌ی گرۆس مونسته‌ر ئه‌مرۆ داوایان له مانگرتوان کرد که کۆتایی به مانگرتنه‌که‌یان بهینن ، به‌مه‌رجیک که ئه‌وان له‌گه‌ل نوینه‌رانی په‌نابه‌ران له‌سه‌ره‌تای ساڵی تازه‌دا له‌گه‌ل ده‌وڵه‌ت له‌سه‌ر داواکارییه‌کانیان کۆده‌بنه‌وه وئه‌نجامه‌کانی له‌کۆبوونه‌وه‌یه‌کی گشتیدا به‌هه‌موان ڕابگه‌یه‌نرێت و ئه‌گه‌ر به‌دلی ئه‌وان نه‌بوو ئه‌وا دریژه به‌مانگرتنه‌که‌یان بده‌ن یان هه‌ر شێوازیکی تر که پییان گونجاو بۆ سه‌رکه‌وتنیان.
به‌ڵام سکرتیری فیدراسیۆنی په‌نابه‌رانی عیراقی له سویسرا، ئه‌حمه‌د عه‌لی به‌وانی ڕاگه‌یاندووه، ئیمه ئه‌و پێشنیاره ره‌د ده‌که‌ینه‌وه، خه‌لک له زیندانه‌کان چاوه‌نواری ئیمه‌ن، خؤشاراوه‌کان ده‌یانه‌وێت ده‌رکه‌ونه‌وه، ئیمه داوا له ده‌وڵه‌ت ده‌که‌ین که له‌گه‌ڵمان دابنیشێت و به‌ڵین بدات که دیپۆرت راده‌گریت، زیندانی نامینیت، مافی مانه‌وه‌مان بۆ دابین ده‌کرێت، وه له‌لایه‌ن ئاماده‌بوانه‌وه به‌تیکرای ده‌نگ ئه‌م ووتانه په‌سه‌ند کراوه‌ته‌وه...بڕیاره بۆ به‌یانی جارێ تر سه‌عات 13 بۆ چاره‌سه‌رێک لائه‌نه‌کان کۆببنه‌وه.
سکرتاریه‌تی سویسرای فیدراسۆنی سه‌راسه‌ری په‌نابه‌رانی عیراقی 22.12.2008
بۆ زانیاری زیاتر ده‌توانن ته‌ماشای ئه‌م لینکانه بکه‌ن: http://www.radionawxo.org/kurdi/2008-10-23-20-14-48/2008-10-25-22-46-18/14410-2008-12-22-20-36-15 http://www.20min.ch/news/zuerich/story/16906387 http://www.radionawa.com/UserFiles/Nawa%20-1099%20-%20%20Ahmad%20Ali.mp3 http://www.news.ch/Kirchenpflege+will+Papierlose+nicht+laenger+im+Gotteshaus/328780/detail.htm
-------------------------------------------------------------------------------------------------------------------
راگه‌یاندنی ناوه‌ندی چاك سه‌باره‌ت به ره‌وشی خراپی دادگای هه‌ڵه‌بجه.
كۆمه‌لانی خه‌ڵكی كوردستان، كه‌سوكاری قوربانیانی كیمیابارانی هه‌ڵه‌بجه. رێكخراوه مه‌دنیه‌كان‌و رێكخراوه‌كانی مافی مرۆڤی جیهان‌و كوردستان. مافپه‌روه‌ران، رۆشنبیران.
وه‌ك بینیتان یه‌كه‌مین دانیشتنی دادگایی كردنی تۆمه‌تبارانی دۆسێی كیمیابارانی هه‌ڵه‌بجه، چه‌نده به‌خه‌مساردی‌‌و لاموبالاتی به‌رێوه‌چو، بێگومان ئه‌مه‌ش جگه‌له‌وه‌ی به‌هه‌ند نه‌گرتنی ئاینده‌ی سیاسی كوردستان‌و عێراقه، رێزنه‌گرتنێكی ئاشكرای به‌های یاسا‌و دادوه‌ری‌‌و قوربانیانی چه‌كی كیمیاییشه. بۆیه ئێستا به‌چاوی گومانه‌وه له‌ره‌وتی به‌ره‌وپێش چوونی دادگاكه ده‌ڕوانین، هه‌ر ده‌ستێوه‌ردانێكی سیاسی له دۆسێكه‌دا مه‌حكوم ده‌كه‌ین، به‌تایبه‌تی ئه‌گه‌ر یه‌كێك له‌هه‌ستیارترین تۆمه‌تباره‌كان به‌ناوی (تارق ره‌مه‌زان بكر عه‌زاوی) ئه‌و فرۆكه‌وانه‌ی ، له‌كیمیابارانكردنی شاری هه‌ڵه‌بجه‌دا به‌شداری كردووه، له‌ده‌ست ئاسایش هه‌ڵدێت.
بینیمان له‌یه‌كه‌مین دانیشتنی دادگادا هێشتا وه‌رگێرێكی زمانی كوردی‌‌وعه‌ره‌بی له‌نێوان شایه‌تحاڵه‌كان‌و دادگادا دانه‌نرابوو..به‌پێی ئه‌وزانیاریانه‌ی ده‌ست ناوه‌ندی چاك كه‌وتون‌و رۆڵمان له‌هاوكاری كردنی دادگاكه‌دا هه‌بوه، لێكۆلینه‌وه‌ی تۆمه‌تباران‌و سكاڵاكاران‌و شایه‌تحاڵه‌كان له دۆسێی كیمیابارانی هه‌ڵه‌بجه‌دا له‌مانگی ته‌موزی ساڵی 2007 وه، ته‌واو بوه‌و هه‌واڵه‌ی دادگا كراوه.. كه‌چی دوای تێپه‌رینی ئه‌و ماوه زۆره هێشتا دادگا نه‌یتوانیوه وه‌رگێرێك بۆ ئه‌و دۆسێیه دابین بكات..!؟ ئه‌م هه‌ڵوێسته‌ی دادگا‌و ده‌سته‌ی دادوه‌ری، خه‌مساردی یان فشاری ده‌ستێوه‌ردانی سیاسی بێت..مه‌حكومی ده‌كه‌ین به‌هیواین كێشه‌كه سیاسی نه‌بێ و كه‌مته‌رخه‌می بێت. هه‌تا هیوای ئه‌وه‌مان له‌لا په‌یدا بێته‌وه كه چیتر ناهه‌قی ده‌رهه‌ق به‌دۆسێکه نه‌كرێت، دادگا كاری ئاسایی خۆی به‌رێوه‌به‌رێ .. بێگومان ئه‌گه‌ر دادگای باڵای تاوانه‌كان به‌ئه‌ركی یاسایی‌‌و ئه‌خلاقی خۆی هه‌ڵنه‌ستێ و به‌سه‌ربه‌خۆیی كاری خۆی نه‌كات، ئه‌وا به‌رپرسیار ده‌بێت، ئه‌و تاوانه نێوده‌وڵه‌تیانه‌ی له‌دوای دۆسێی هه‌ڵه‌بجه‌وه روبه‌روی خه‌ڵكی عێراق‌و كوردستان ده‌بنه‌وه. له‌به‌رئه‌وه‌ی ده‌سه‌ڵاتدارانی عێراق ئیدی رێگرییه‌كی یاسایی له‌به‌رده‌م كرداره تاوانكاریه‌كانیان نابینن‌و به‌كه‌ماڵی ئیسراحه‌ت تاوان ئه‌نجام ده‌ده‌ن.
دادگایی كردنی تۆمه‌تبار‌و گومانلێكراوانی جینۆساید، جیاوازن له‌و تاوانه ئاساییانه‌ی رۆژانه له‌ناوخۆی وڵاتدا روبه‌رووی یاسا ده‌كرێنه‌وه، گازبارانی شارێك هه‌ر سوكایه‌تی نه‌بو به‌خه‌ڵكی كوردستان‌و هه‌ڵه‌بجه، به‌ڵكو سوكایه‌تی بو به‌ده‌وڵه‌تی عێراق و كۆمه‌ڵگه‌ی نێوده‌وڵه‌تی، له‌پێشه‌وه رێكخراوی نه‌ته‌وه یه‌كگرتوه‌كان، بۆیه تاوانبارانی جینۆساید به‌پێی یاسا هیچ حه‌صانه‌یه‌كی ناوخۆیی‌‌و نێوده‌وڵه‌تی نیه، هه‌روه‌ها هیچ پله‌وپایه‌یه‌كی كۆمه‌ڵایه‌تی‌‌و ئاینی‌‌و سیاسی نایانگرێته‌وه‌و نابێت له یاسا‌و سزای تاوانه‌كانیان ببه‌خشرێن. ئه‌وه‌ی ئه‌مرۆ له‌عێراق روده‌دا پێچه‌وانه‌ی بنه‌ماكانی مافی مرۆڤ‌و یاسای نێوده‌وڵه‌تیه‌كانه، بێبه‌هاكردنی یاسایه‌و به‌م ره‌فتارانه‌ش ده‌سه‌ڵاتدارانی عێراق بێ ده‌ربه‌ستی خۆیان له‌باره‌ی مافی مرۆڤ پیشانده‌دنه‌وه‌و جارێكی تر وه‌ێنه‌یه‌كی تاریكی ئاینده‌ی عێرقمان پیشان ده‌ده‌نه‌وه.
به‌پێچه‌وانه‌وه ئه‌ركی ده‌وڵه‌تی عێراقه سه‌ربه‌خۆیی ته‌واو بۆ دادگای باڵای تاوانه‌كان فه‌راهه‌م بكات، بۆئه‌وه‌ی دادوه‌رو كه‌سایه‌تی یاسایی‌‌و رێكخراوه‌كانی مافی مرۆڤ هاوكاری دادگا بكه‌ن‌و به‌شێوه‌یه‌كی عادلانه تۆمه‌تباران دادگایی بكرێن‌و هیوای ژیانێكی نوێ بۆ كۆمه‌ڵانی خه‌ڵك بێته‌وه مه‌یدان‌و هیچ كه‌سو ده‌سه‌ڵاتێك له ئاینده‌ی عێراقدا بیرله‌وه نه‌كاته‌وه ده‌ست بۆتاوانی كۆمه‌ڵكوژی به‌رێت.
ناوه‌ندی هه‌له‌بجه دژبــــه‌ئه‌نفــــــالكردن‌و جینۆسایــدی گه‌لـــــــی كورد ـ چاک 23/12/2008
-----------------------------------------------------------------------------------------------------------------
ئه‌مڕۆ 22-12 مانگرتنی په‌نابه‌ران له ئۆسلۆ به‌رده‌وام بوو ، سبه‌ینێش درێژه‌ی ده‌بێت.
-----------------------------------------------------------------------------------------------------------------
په‌یامی هاوپشتیی و هاوخه‌باتیی.
به‌ناوی ئاسۆ تیڤیه‌وه‌هاوپشتی و هاوخه‌باتی خۆمان ئاڕاسته‌ی سه‌رجه‌م په‌نابه‌رانی مانگرتوو ده‌که‌ین له‌ووڵاتی نه‌رویج و سویسرا به‌تایبه‌تیش په‌نابه‌رانی شاری زویرخ له‌سویسرا که‌ئه‌مڕۆ پێنجه‌مین ڕۆژی مانگرتنیانه.
وه‌دڵنیاتان ده‌که‌ینه‌وه‌که‌ئاسۆ تیڤی هه‌میشه‌ده‌نگ و ڕه‌نگی ئێوه‌یه‌هه‌میشه‌خواست و داواکاریه‌کانی ئێوه‌ده‌گه‌یه‌نێت به‌ده‌سه‌ڵات. دڵنیابن هه‌میشه‌میمبه‌رێکی ئازادین. ئێوه ده‌توانن بیروڕای خۆتان له‌م میمبه‌ره‌و ئازادانه‌ده‌ربڕن.
ئه‌و کاره‌ی ئێوه‌ده‌ستان پێکردوه‌سه‌رتای جۆرێکی تره‌له‌خه‌بات و تێکۆشانی په‌نابه‌ران بۆ گه‌یشتن به‌مافه‌کانیان.
دڵنیاتان ده‌که‌ینه‌وه که‌ئێوه‌ته‌نهانین چ ئێمه‌وه‌ک ئاسۆ تیڤی چ به‌ره‌یه‌کی ئازادیخوازو ئینساندۆست له‌پشتانه‌وه‌ین. به‌رده‌وام بێت خه‌باتی یه‌کگرتوی په‌نابه‌ران . هه‌ربژین و سه‌رکه‌وتووبن.
ده‌توانن له‌گه‌ڵ ئاسۆ تی ڤی به‌م ژماره‌ته‌له‌فۆن و ئیمه‌یلهوه‌‌په‌یوه‌ندی بکه‌ن Tel:0044895636633 Email: Aso_tv@yahoo.com ئاسۆ گۆران لێپرسراوی ئاسۆ تیڤیی.Satellite 23/12/2008
-----------------------------------------------------------------------------------------------------------------
كۆبونه‌وه‌ی گشتی ناوه‌ندی چاك
سه‌باره‌ت به به‌ردانی فرِۆكه‌وانی
تاوانباری هه‌ڵه‌بجه رِۆژی چوارشه‌ممه
24-12-2008
-------------------------------------------------------------------------------------------------------------------
کورته‌یه‌ک له‌سه‌ر
به‌ره‌ی ئازادیبه‌خشی کوردستان
|
دوو
ڕۆژه مانگرتنی په‌نابه‌رانی کورد له شاری ئۆسلۆ که به موف ناسراون
ده‌ستی پێکردووه له به‌رده‌م پارله‌مانی نه‌رویجی ، نزیک 70 په‌نابه‌ر
له ڕۆژی یه‌کشه‌ممه‌وه 21-12-2008 ه‌وه ده‌ستیان داوه‌ته
مانگرتنێکی 3 ڕۆژه ، له پێناو به‌ده‌ست هێنانی مافی په‌نابه‌ری و هه‌ڵوه‌شاندنه‌وه‌ی
بڕیاری به زۆر ناردنه‌وه‌یان ، کۆمیته‌ی نه‌رویجی ناوه‌ندی چاک و
ژماره‌یه‌ک له دڵسۆزانی کوردی نه‌رویج پشتیوانی له مانگرتنه‌که‌یان
کرد .