١٥\١\٢٠١٩

    بمخوێنەوە.

شۆڕش محەمەد عەلی

تۆ وەک جاران نامخوێنیەوە
لە چاوتانا
کتێبێکم بێ ناوەرۆک
بێ شیعر و داستان و چیڕۆک
بێ خاڵ٫ بێ پیت ٫ بێ وشە

تۆ وەک جاران نامنووسیەوە
لە ناختانا
پەڕاوێکم ۰۰ سپی سپی خاڵی خاڵی
وەک گوێزێکی کاڵ پووچەڵە
وەک مێشکێکی بەتاڵ بوودەڵە
بێ هەست و نەست و ئەندێشە

تۆ هەمیشە لە رۆحمدای
بۆ من رەنگ و دەنگ و سەدای
دەتخوێنمەوە۰۰ دەتخوێنمەوە
بە ونبوون و جیابوونەوەت
بێزار نابم لە خوێندنەوەت

تۆ هەمو سات لە ناخمدای
شازادەی و پەرستگای
کرنوش دەبەم بۆ چاوانت
لە دڵمەوە دەتنووسمەوە
دوای تاوتوێ و نووسینەوەت
بە دەنگێکی بەرز بەرز
دەتخوێنمەوە
وەڕز نابم لە خوێندنەوە و نووسینەوەت۰۰۰۰.

٣١\١٢\٢٠١٨
ماڵپەڕی شۆڕش محەمەد عەلی