|
بیۆگرافیاى (سۆران
ساڵح).
یادى سێ ساڵەى خۆپیشاندانەکەى گەنجانى دەربەندیخان.
7/8/2009
پێشڕەو حەمید
لەساڵ یادى خۆپیشاندانەکەى گەنجانى دەربەندیخاندا کە لەڕۆژى ( 7/8/2006
) لەسەردەستى کۆمەڵێک گەنجى هەڵسوڕاوى ئەو شارە و بەبەشدارى کردنى
نزیکەى پێنج هەزار کەس بەرپاکرا لەئاکامى نەبونى ئاوى پاکى خواردنەوە
نەبونى کارەابو دژ بە بەرپرسە گەندەلچکارەکانى ئەو شارە و تەواى
کوردستان لەهەم لایەکەوە دەنگى نارشەزایەتى بەرزبویەوە ، گەنجانى
دەربەندیخان چونەسەرشەقامەکان و بە دروشمى ( نەوەیەک بەڕێوەدژى گەندەڵى
شەڕەدەکات ) ترسیان خستەى دڵى بەرپرسانى ئیدارى حیزبى و حکومى ئەو
شارەو لەبەرامبەردا پۆلیسو ئاسایش و پیاوانى حکومەت و حیزبى دەسەڵاتدار
دور لەهەمو بەهایەکى ئینسانى و بەدەر لە بناماکانى دیموکراسیەت ،
بەربونەگیانى خۆپیشاندەرەکان و چەند گەنجێکیان بە گوللە بریندار کردو
چەندین گەنجى تریشان زیندانى کرد .
لەدواى سێ ساڵ لەخۆپیشاندانى گەنجانى شارى دەربەندیخان ، هێشتا خەڵکى
ئەو شارە ، ئاوى ژەهراوى دەریاچەى دەربەندیخان دەخۆنەوە و تائێستاش
ژیانى نزیکەى یەک ملێون کەس لەمەترسیدایە هەر لەشارى دەربەندیخان و
چواردەورییەوە تاناوچەکانى گەرمیان و پارێزگاى دیالە .
لەدواى سێ ساڵ لە خۆپیشاندان دژ بەگەندەڵى کاربەدەستانى حکومى و حیزبى
ئەو شارە ، هێشتا کاربەدەستەکان لەشوێنى خۆیانن و هیچ گۆڕانکاریەک
نەکراوە و گەنجانى توڕەى شارى دەربەندیخان بۆ بەئەنجام گەیاندى
داخوازیەکانى سێ ساڵ لەمەو بەریان ، لەڕێگەى سندوقى دەنگ دانەوە تۆڵەى
خۆیان کردەوەو حکومەت و حیزبیان فێرکرد کەچى دى یارى بەچارەنوسى
خەڵکەوە نەکەن و کاتێک گەنجێک دەیەوێت قسەبکات ، بەڕێزەوە گوێ بۆ
قسەکانى بگیردرێت .
هاوڕێیانى سۆران بۆبەرزڕاگرتنى یادى سێ ساڵەى خۆپیشاندانەکەو
یادکردنەوەى یەکێک لە پێشەنگى گەنجە خۆپیشاندەرەکانى شارى دەربەندیخان
سۆران ساڵح ) لە ڕۆژى ( 7/8/2009 ) لەشارى دەربەندیخان بەئامادەبونى
ژمارەیەک لەگەنجانى شارەکەو هاوڕێیان و کەس و کارى ( سۆران ساڵح )
مەراسیمێکى شایەستان بۆئە ڕۆژەو سازکردو گەشتێکیان بە بیۆگۆافیاى
سۆراندا کرد ، کەتێدا چەندین وتار خوێنرانەوە و گیرانەوەى یادگاریەکان
باسکران و لەڕێگەى ( داتا شۆ ) وە ئەلبومى یادگاریەکانى سۆران و
هاوِێیانى و ساتى خۆپشاندانەکەى گەنجان و ساتەکانى زیندانى گەنجانى
شارى دەربەندیخان لەلایەن دەسەڵاتنى کوردیەوە خرانەڕو .
بیۆگرافیاى سۆران
ساڵح حسێن.
1979 - 2009
سۆران لە ( 2/8/1979 ) لەشارى دەربەندیخان لەدایک بوە ، خوێندنى
سەرەتاى و ناوەندى و ئامادەیى هەرلەم شارەدا تەواوکردوە ، لەساڵى 1999
لە کۆلێژى سامانى تەندروستى ئاژەڵ لەزانکۆى سلێمانى وەردەگیرێت و
سەرکەوتوانەلەساڵى ( 2003 ) بەپلەى زۆرباش بڕوانامەى بەکالۆرێس
وەردەگرێت ، لەساڵى 2004 وەک ئەندازیارى کشتوکاڵى لە فەرمانگەى
کشتوکاڵى دەربەندیخان دادەمەزرێت .
سۆران ، جگەلەوەى وەک گەنجێکى خوێن گەرم و نیشتمان پەروەر لەناو تەواوى
هاوڕیـَـکانیدا دەناسرێت ، بەهەمان شێوەش گەنجێکى بەئاگا و ڕۆشنبیرێکى
واقیع بین بوە.
سۆران بۆسەرخستنى پڕۆژەکانى گەنجان و بەئاگاهێنانەوەى گەنجان بەتایبەتى
قوتابیانى زانکۆى سلێمانى لەگەڵ چەند هاوڕێیەکى تریدا لەشارى سلێمانى
ڕۆژنامەیەک بەناوى ( خوێندنى لبیڕاڵ ) دەردەکەن ، کە ئەو ڕۆژنامەیە
دەبێتە سەکۆیەک بۆئەو گەنج و خوێنداکارانەى کە هیچ سەکۆیەکیان نییە تا
دەنگى تێدە هەڵببڕن و تەعبیر لە بیرو بۆچونەکانیان بکەن ، سۆران لەم
هەوڵەیاندا سەرکەوتوانە بەردەوام دەبێت ، تائەو کاتەى دواى پرس و
ڕاوێژکردن بەهاوڕیکانى و زیاتر فراوانکردنى مەوداکانى ئازادى بیروڕاى
جیاواز بیرلە دەرکردنى ڕۆژنامەیکى تر دەکاتەوە و دواى چەندین کێشەو
دروستبونى لەمپەر لەبەردەم ئاواتەکانیدا ، دواجاربڕیارى دەرکردنى
ڕۆژنامەیک ئەدات بەناوى ( شوناس ) کە خۆى دەبێتە خاوەنى ئیمتیازى
ڕۆژنامەکە ، بەڵام بەداخەوە لەدواى دەرچونى ( 2 ) ژمارە لە ڕۆژنامەى (
شوناس ) لەبەر نەبونى تواناى ماددى و هاوکارى نەکردنى لەلایەن وەزارەتى
ڕۆشنبیرییەوە ، ڕۆژنامەکە ڕادەگرێت ، بەڵام خۆى وەک گەنجێک و وەک
خوێنەرێکى جدیى بەردەوام دەبێت لە هۆشیارکرۆدنەوەى کۆمەڵگاو گەنجان و
قوتابانى هاوڕێى .
سۆران ئەو کاتەى لەزانکۆى سلێمانى دەبێت بەشدارى چەندین چالاکى کردوە
لەوانە : کاتێک وەزارەتى خویندى باڵا بڕیارى برینى دەرماڵەى خۆێندکاران
ئەدات سەرپەرشتى خۆپیشاندانەکانى زانکۆى سلێمانى دەکات و بەهۆى
بەردەوام بونیان وەزارەتى خوێندنى باڵا و حکومەت ناچار دەبەن کە
دەرماڵەى قوتابیان سەرف بکەنەوە ، لەساڵى ( 2002 ) ئەو کاتەى کە ڕژێمى
تورکیا بۆردومانى ناوچەکانى هەرێمى کوردستان دەکات و هێرش دەکاتەسەر
ناوچە سنوریەکان ، سۆران وەک گەنجێکى هەڵسوڕاو بەشدارى لە خۆپیشاندانى
قوتابیانى زانکۆى سلێمانى دەکات و بەبەرچاوى میدیاکانى ناوخۆ و
جیهانەوە ئاڵاى تورکە کان دەسوتێنێت و پاشان دەسەڵاتى کوردى بۆ ئەوەى
هەمیشە نۆکەرى خۆیان بۆ تورکەکان بسەلمێنن لەڕاگەیاندنە ڕو
زەردەکانیاندا ، هێرش دەکەنەسەر خۆپیشاندەرەکان و لە تورکە فاشیستەکان
دەپاڕێنەوە بۆئەوەى جارێکى تر وەک نۆکەر قبوڵیان بکەنەوە .
سۆران لەسەرتاى دامەزراندى ( گروپى ئازاد ) وەک ئەندامێکى چالاک لە گەڵ
هاوڕێکانیدا لەشارى دەربەندیخان بەردەوام دبێـت لە خزمەتکردنى
داخوازیەکانى خەڵکى شارى دەربەندیخان ، لە کاتى خۆپیشاندانەکەى ڕۆژى (
15/7/2003 ) دا لەدواى ئەوەى داواکاریەکانى خەڵکى دەگەیەنن بە کار
بەدەستانى شارەکە ، لەلایەن بەرپرسە ئیداریەکانى ئەو کاتەى پارێزگاى
کەرکوک و ئاسایشى دەربەندیخان ، ئەو خۆپیشاندا بە مەترسیەک بۆ
لەدەستدانى کورسیەکانیان دەزانن و لەدواى تەواو بونى ڕێپێوانەکەى ڕۆژى
( 15/7/2003 ) دەکەونە بەر هێرشى ئاسایشى دەربەندیخان و دور لەهەمو
بەهایەکى مرۆیانە و دڵ ڕەقانە پەلامارى چەند گەنجێک ئەدەن و چەندین
گەنجى تریش زیندانى دەکەن کە سۆران یەکێک بو لەو گەنجانە .
بۆئاشکرا کردنى سەرمایەى وەزیرەکانى حکومەتى هەرێم و ئەندام
پەرلەمانەکانى ( 9 ) کەس لەگەنجانى دەربەندیخان بەرلە هەر کەسێکى سیاسى
و رۆِشنبیرى لەکوردوستاندا یەکەمین کەسانێک بون کە ئەو داواکاریانەیان
لەڕیگەى ئەندام پەرلەمان ( محمدى حاجى محمودى گولە خانە ) وە گەیاندە
پەرلەمانى کوردستان ، کەسۆران یەکێک بو لەو گەنجانە .
( سۆران ) وەک گەنجێ چالاک و ڕۆشنبیر هەمیشە لەپێشەوەى گەیاندنى
داواکارییەکانى خەڵک بوە بە دەسەڵات ، لەخۆپیشاندانەکەى ڕۆژى (
7/8/2006 ) یەکێک بو لە گەنجە پێشەنگەکانى ئەو خۆپیشاندانە و لەکاتى
پەلاماردانى گەنجەکاندا لەلایەن هێزەکانى ناوخۆ و پیاوانى دەسەڵادارەوە
ورەى گەنجانى بەرزکردو وەتەوە تا بۆئەوەى بەشێوەیکى شارسانیانە
لەبەرامبەریان بوە ستتنەوە ، بەڵام دڵ ڕەقى و بێبابکى هێزەکانى ناوخۆى
حکومەت لەم شارەدا گەیشتە ڕادەیەک کە بەشێوازێکى نا ئینسانیانە هەرچى
دەهاتە بەردەستیان وەردیان دەکرد و گوللە بەجێماکانى بەعسیەکانیان دەنا
بەجەستەى گەنجانەوە و چەندین گەنج دەستگیرکرا کە یەکێک لەو گەنجانە (
سۆران ) بو ، دواى مانەوەى سۆران وهاڕیکانى لە زیندانى کانى گۆمەوە و
زیندانى سەرشەقام لەشارى سلێمانى بۆماوەى پانزە ڕۆژ و دواى
ئازادکردنیان ، لەلایەن گەنجان و خەڵکى شارى دەربندیخانەوە وەک پاڵەوان
پێشوازیان لێکرا ، بەڵام هەزارە داخ و ئەفسوس بۆ سۆرانى هاوڕى و خۆشەو
یستمان ، سۆرانى هەمیشە لەیادمان ، سۆرانى دەم بەخەندەو قسە خۆشمان
لەڕۆژى ( 31 7/2009 ) دواى ململانیەکى توند لەگەڵ نەخۆشیدا بۆدواجار
بەجێى هێشتین و تەنا یادگارى و ئەزمونەکانى بەجێهێشت .
مەراسیمى بیۆگرافیاى سۆران ساڵح حسێن
یادى سێ ساڵەى خۆپیشاندانى گەنجانى دەربەندیخان
7/8/2009
بەخێرهتن
داگیرساندنى سێ مۆم بۆ یادى سێ ساڵەى خۆپیشاندانەکەى گەنجانى
دەربەندیخان لەلایەن ( م. هیوا موسا ، زەردەشت عوسمان ، فریاد
حەمەڕەشید )
داگیرسانى مۆمى نەمرى هەمیشە نەکوژاوە بۆسۆرانى هاوڕێمان لەلایەن (
ساڵح حسێن کریم ) باوکى ( سۆران )
ژیان نامەى ( سۆران ) لەلایەن ( پێشڕەو حەمید )
چەند ساتێک بێدەنگى
وتارى هاوڕێانى سۆران لەلایەن ( م .زانا محمد )
وتەیەک لەلایەن هاوڕێ ( زمناکۆکەریم ) هەڵسوڕاوى خۆپیشاندانەکانى شارى
سلێمانى
وتارى ( فەرمانگەى کشتوکاڵى دەربەندیخان ) لەلاین ( ئەمجەد ئەسعەد )
وتارى هاوڕێیانى سۆران لەشارى چەمچەماڵ لەلایەن ( لەتیف فاتیح فەرەج )
وتارى ( د . حەکیم )
ئەلبومى یادەوەریەکانى سۆران و ساتەکانى زیندانى هاوڕێیانى سۆران بە
داتا شۆ
وتارى ( تایەر حاجى حەسەن )
وتارى ( پێشڕەو حەمید )
وتەیکى ( گۆرانى مامە عەلە ڕەش )
وتەى ( بنەماڵەى سۆران ) لەلایەن ( کامەران حسێن ) مامى سۆران
بروسکەکان :
یەکێتى گشتى قوتابیانى کوردستان
یەکێتى لاوانى دیموکراتى لەکوردستان
ڕێکخراوى چاودێرى کوردۆساید( چاک ) نوسینگەى باشورى کوردستان
حیزبى شیوعى کوردستان
ڕێکخراوى بەگژداچونەوەى ماددە بێهۆشکەرەکان
هاوڕیانى سۆران لەشارەکانى ( سلێمانى ، هەڵەبجە ، چەمچەماڵ ، هەولێر )
هاوڕێیانى سۆران لەوڵاتانى ( بەریتانیا ، ئەڵمانیا ، سوید، نەرویج ،
بەلژیکا ،یونان )
مەراسیمەکە لەلایەن هاوڕێیانى سۆران ( ئاوازمحمد و پێشڕەو حەمید )
بەڕێوەبرا .
|
