بۆ زیندانیانی ژووری لەسێدارەدان و مانگرتووەکان!

سەلام عەبدوڵا  

هاوڕێیان، ئەڵوەنیان لە خانەقینەوە سەڵاوی هاوڕێیانی نەسەرەدین و مورشد و حەمیدو وەهاب و سەلام و بێباکتان پێڕدەگەیەنم.

 
سەڵاوی ئەڵوەنیان!
هاوڕێیان: جەلادەکان لە هەرکوێدا بتانشارنەوە، بە چاوی دڵ دەتانبینین و سەڵاوتان لێدەکەین وبە روح لەگەڵ چاوەڕوانی و ئاواتەکانتانین. ئێستا، لەو شوێنەوە کە کرێکاری بەشمەینەت(حەمەد عەلی) بەرەو کارکردن دەڕۆیشت و دوایی بەبێ کەسی و بەبێ ماڵ و سامان ماڵیاوایی لێکردین، دەڵێین:
ئەوە بەیاننامەی کەمپینی سوور، مەچەک و شەونەخونی هاوپشتیمان، پەرچەمی سوور،
و سروودی ئینتەرناسیونال و رێی خەباتمان و گۆرانییەکانی ڤیگتۆر گاراو چەپڵەڕێزان بۆ ماڵئاواییە پێشوەختەکەی ئەحسان!
بەیانی بوو، لەگەل هەڵهاتنی رۆژو دەنگی"ئەڵڵاهو ئەکبەر"و بەتۆمەتی"دژایەتی خودا" لەسێدارەیان داو منیش
لەهەمان ئەو کاتە نەگریس و نەفرەتلێکراوە، نەفرەتم لە دەنگ و رەنگ و دەستی قینەیان کە حەوبرایان خنکاند!

هاوڕێیان!
ئەوە قین و شەرمەزارکردنی جەلاد، بەڵام وەک خۆشتان دەزانن:
جەلاد هەموو بوونی خۆی بە خنکاندو خوێن و کوشتن دەبینێتەوە
جەلاد هیوای بە لەناوبردنی ئێوەیە، بەڵام کاروانی ئازادی ئینسان لە جەوروستەمی سەرمایەو ئاینەکانی، لەگەلتانن.
سبەی وەک ئیمڕۆ، لە گۆڕەپانی(حەمە عەلی)یەوە خۆشەویستی و هاودەنگی و هاو ئازارو ودووپاتکردنی هاوڕێیمان پێشکەشتان دەکەین....

dwaroj@yahoo.com