|
کاتێ کە چوومە چاپخانە
پێیان گوتم…
نرخی چاپی ئەم نامیلکە
شیعرییەی تۆ
هەزار دیناری جارانە
بە
دڵێکی ساردوسڕ و پڕ داخەوە گەڕامەوە..
کە گەیشتمە ژووانی نازدار حەیرانەوە
گووتى چییه؟
رەنگت شپڕزە
و شێواوە !!
گوتم نا هیچ رووینه‌داوە.
دووبارە هاتە گۆ و گوتى:
ڕوخسارت شپڕزە و شێواو دێتە بەرچاو
هۆ کوڕە لاو
قە ت نەمدیوی، هێندە داماو
لەچاوانت دەخوێنمەوەو
بەدیدەکەم
رۆمانێکی پڕ لە ڕووداو.
لە جێی ئەشک خەم دەبارێ لەو
چاوانە
منیش گوتم:
ئەی لەم ووڵاتە وێرانە
وڕێنەکانم بردووە چاپی بکەم لە چاپخانە
کەچی دەڵێن
نرخی چاپی هەزار دیناری
جارانە
ئای.....نازانن!!
داهاتی من لەجێی
پارەوپوول و
عانە
چه‌‌ند
په‌ڕێکی چرچ‌و گه‌چرام له‌گیرفانه..
ئەویش گوتی:
دڵدارەکەم سەغلەت مەبە،خەم داتنەگرێ
من دڵی خۆم بۆ تۆ
دەکەم بە چاپخانە.
٢٩\٢\٢٠٠٦
bekas_khalil@yahoo.com
|
