|
|
|
٤\٤\٢٠١٢ جاش هەر جاشە لە ژێر پەردەی هەر ناوێک بێ.
هەر بۆیە لەو پێناوەیشدا نەتەوەی کورد چەندین شوڕش هەڵگیرساندوە و زۆربەی هەرە زۆری ئەو شۆرشانەش بونە قوربانی ئەم شارە دێرینەی کوردستان،تاوەکو ئەمڕۆ دوژمنان بەردەوامن بە تەعریب کردنی شارەکە و ڕۆژانە چەندین کردەوەی تیرۆریستی و ڕفاندن و تۆقاندن ئەنجام دەدرێت بۆ ڕاوەدونانی کوردی شارەکە ،ئەوەی جێی داخە خزبێک دامەزراوە لە شاری کەرکوک بە ناوی (( یەکێتی ئاشتی نیشتیمانی بۆ هاوڵاتیانی شاری کەرکوک )) ئەم حزبە نە ئاڵای پیرۆزی کوردستانیان بەرز کردوەتەوە و هیچ سیمایەکی کوردستانییان پێوە دیار نیە و لە هیچ یاد و بۆنە کوردیەکان بونیان نیە، تەنانەت بەشداریش لە یادی ئەنفال و کیمیابارانی هەڵەبجە و کوردستان ناکەن ِ،سەرەڕای ئەمانە چەند کەسانەێکی لە خۆ گرتوە تا سەر ئێسقان دژ بە داخوازیەکانی نەتەوەی کوردن کە بەردەوام بەربەست بونە لە جێبەجێکردنی مادەی 140 و گەڕانەوەی کەرکوک و ناوچەدابڕاوەکان بۆ باوشی هەرێمی کوردستان وەک عەرەبە شۆفینیەکان و تورکمانە قین لە دڵەکانی بەرەی تورکمانی، لە ئێستاوە داوای ئەوە دەکەن کە کەرکوک هەرێمێکی سەربەخۆ بێت و بڕیاری ئەوەیان داوە لە هەڵبژاردنی داهاتوو بە لیستێکی سەربەخۆ بەشداری لە هەڵبژاردنەکان دەکەن ئەمەش تەنها بۆ کەمکردنەوەی دەنگی کوردە لەم شارە وەک لە هەڵبژاردنەکانی ڕابردوو کە گۆڕان و یەکگرتوو کۆمەڵ دژ بە خەڵکی کەرکوک ئەنجامیاندا.
ئەرێ ئەم حزبیەی (یەکێتی ئاشتی نیشتیمانی بۆ هاوڵاتیانی کەرکوک) چی جیاوازیەکی هەیە لەگەڵ جاشایەتی؟ئەگەر جاشایەتی جاران بە هێزی چەک بوو ،ئێستا بە هاوپشتی کردنی دوژمنانە دژبە نەتەوەی کورد ، باشە خۆ دوژمنانی کوردیش ئەوەیان دەوێت،لەدوای ڕاپەرینە مەزنەکەی بەهاری ساڵی 1991 سەرکردایەتی کوردستان بڕیاری لێبوردنی گشتی بۆ هەموو جاشەکان دەرکرد بەڵام بە مەرجی ئەوانەی دەستیان سور نەبووە لە خوێنی کورد کەچی ئێستا بە جۆرێکی دیکە جاشایەتیان هێناوەتە ئاراوە بە دامەزراندنی حزب و رێکخراوی مەدەنی، ئەگەرچی تا ئێستا لە سەدا پەنجا خاکی کوردستان داگیر کراوە و نەمانتوانیوە بیگەڕێنینە سەر باوشی هەرێمی کوردستان ،لەم کاتە هەستیارە پێویست وایە هەموو پارت و لایەنە سیاسیەکانی کوردستان دەست لەنێو دەستی یەکتر بن و بەزووترین کات کۆنگرەی نەتەوایەتیان ئەنجام بدایە و هەموو هەوڵێکی خۆیان بخستایە گڕ بۆ سەربەخۆیی کوردستان ،بەڵام ڕاستە پێشینان وتویانە دار وتویەتی ئەگەر تەور کلکی لە خۆم نەبێت ناتوانی بمبڕێتەوە.
|
|
|
