په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢\٧\٢٠١٢

    چاوه‌ڕوانییه‌ک له‌ سپێده‌دا.

بورهان جۆڵا

کچه‌ چنارێکی ئه‌ودیو سنوور
   به ‌باڵای سنه‌وبه‌رم ئاشنایه‌
له‌نێو‌ چاوشارکێی
شیعره‌ سه‌رابییه‌کانی من و ئه‌و
   من لاسارێکی نامۆی ئه‌وین و
   ئه‌ویش خاوه‌ن دڵێکی ته‌نیایه‌.
   *   *   *
ئا له‌و کاته‌وه‌
   شه‌ونمی کازیوه‌ی چاوه‌ڕوانییم
   به‌ سه‌ره‌تاتکێ
   به‌ دوا‌ پێکی ته‌نیام پێده‌که‌نێ و
                    ده‌دره‌وشێته‌وه‌
       ئه‌ستێره‌کانیش به ‌دواجریوه‌
       جێمده‌هێڵن و زوو ده‌ڕۆنه‌وه‌
منیش به‌ ته‌نیا
زۆر زۆر حه‌سره‌تییم
   له‌ ئاسۆیه‌کی دوور و نادیاردا
   له‌ ژوانێکی وه‌نه‌وشه‌یی
   له‌ باوه‌شێکی پڕ له ‌سۆز
                 ماچ بچنمه‌وه‌.

 

٢٠١٢

burhan60jola@yahoo.com

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک