|
٢٩\٨\٢٠١٩
چەند ئاگەهدارییەک
لسەر هەفتەمین
فه‌ستیڤالا ناڤنه‌ته‌وه‌یی یا فیلم ئا دوهۆكێ.
ئە‌فسانه‌یا روكا كوردی
مێهڤانێ هەفتەمین فه‌ستیڤالا
ناڤنه‌ته‌وه‌یی یا فیلم ئا دوهۆكێیه.
 كه‌ره‌م
گه‌رده‌نزه‌ری كو د هێته ناسكرن ئە‌فسانه‌یا روكا كوردی ژ لایێ
رێڤه‌به‌ریا هەفتەمین فه‌ستیڤالا
ناڤنه‌ته‌وه‌یی یا فیلم ئا دوهۆكێ
هاتیه ڤه‌خواندن وه‌ك مێهڤانێ تایبه‌ت. جهێ ئاماژێیه كو
گه‌رده‌نزه‌ری دبته ئێكه‌مین كورد سترانا روك گوتی و (#كۆماوه‌تان) یا
تایبه‌ت ب هونه‌رێ روكێ ل وه‌لاتێ گورجستانێ دامه‌زراندی و ئێكه‌م
به‌رهه‌مێ خوه یێ ب ناڤێ بایێ پایز ل سالا ١٩٨٨ به‌لاڤ كریه و
داهاتیێ ڤی به‌رهه‌می پێشكێشی قوربانیێن هه‌له‌پچه كریه. گه‌رده‌نزی
ژ كوردێن گورجستانێ یه و ل ٦ ئادارا سالا ١٩٥٢ ژ دایك بوویه. نها ل
ته‌مه‌نێ ٦٧ سالیێ ل وه‌لاتێ روسیایێ دژیت.
هەفتەمین فه‌ستیڤالا
ناڤنه‌ته‌وه‌یی یا فیلم ئا دوهۆكێ فلمێن درێژ یێن كوردی د به‌شا
په‌شبركیێ ده رادگه‌هینیت.
جهێ
ئاماژێیه كو د گه‌ڕا ئەڤ ساله دا هه‌فت فلمێن كوردی دێ هه‌ڤركیێ لسه‌ر
پێنچ خه‌لاتان كه‌ن (باشترین ئە‌كته‌رێ كور, باشترین ئە‌كته‌را كچ,
باشترین فلم, باشترین ده‌رهێنان و خه‌لاتێ ژوریێ).
پێشبركیا فلمێن درێژێن
جیهانی.
 هەفتەمین فه‌ستیڤالا ناڤنه‌ته‌وه‌یی
یا فیلم ئا دوهۆكێ پێخۆشه ١٠ فلمێن جیهانی یێن نوازه
رابگه‌هینیت. ئەڤ فلمه دێ پێشبركیێ د خه‌لاتێ یلماز گونه‌ی دا كه‌ن.
ل ده‌مێ رێكخستنا ڤی به‌شی, تیمه‌ك هاته درست كرن ژ بو لێگه‌ریانێ ل
فلما. به‌شداری د فلمه فه‌ستیڤالێن گرنگ, منا فلمه فه‌ستیڤالا كانێ و
به‌رلینارێ كرن و شیان گه‌له‌ك په‌یوه‌ندیا درست كه‌ن.
ده‌رهێنه‌رێن نو ب فلمێن خوه د ڤی به‌شی دا به‌شدارن. وه‌ك
به‌رهه‌مینان ژی, نینه‌رێن پتر ژ ٢١ وه‌لاتا تێدا به‌شدار بووینه.
فلمێن به‌شدار باس ل كۆمه‌كا بابه‌تێن كولتوری, ئاینی, زمای,
نه‌ته‌وه‌ی و سیاسی د ناڤبه‌را وه‌لاتان دا, هه‌روه‌سا د ناڤا خێزانان
دا دكه‌ن. ئەڤ به‌شه ره‌نگڤه‌دانا مژارا ئەڤ ساله یا فه‌ستیڤالا
مه, پێكڤه‌ژیانێ, دكه‌ت.
په‌نه‌لێن هەفتەمین
فه‌ستیڤالا ناڤنه‌ته‌وه‌یی یا فیلم ئا دوهۆكێ.
د گه‌ڕا خوه یا ئەڤ ساله دا, فه‌ستیڤالا ناڤنه‌ته‌وه‌یی یا فیلم ئا
دوهۆكێ دێ شه‌ش په‌نه‌لا لسه‌ر بابه‌تێن گرێدای پرۆگرامێ ئەڤ ساله و
مژارێن دی یێن سینه‌مایا كوردی پێشكێشكه‌ت.
په‌نه‌ل دێ د ناڤبه‌را ١٠ - ١٥ ئە‌یلولێ ل هولا كۆنفرانسا ل زانكۆیا
دهۆكێ به‌رده‌وام بن و هاتن بو هه‌میانه. ناڤێن په‌نه‌لیستا ده ل
نێزیك هێنه راگه‌هاندن.
١٠ ئە‌یلولێ
سینه‌مایا ئە‌ره‌بی
چه‌وا سینه‌مایا ئە‌ره‌بی دهێته ناساندن و دیتن؟
١١ ئە‌یلولێ
ره‌خنه‌گرێن فلما د سینه‌مایا كوردی دا
ره‌وشا ره‌خنه‌گریا فلما د سینه‌مایا كوردی دا
١٢ ئە‌یلولێ
هكۆمه‌تا هه‌رێما كوردستانێ و هكۆمه‌تا فه‌درال: پێكڤه‌كاركرن د
به‌رهه‌مینانێ دا
ده‌لیڤه و ئاسته‌نگ
١٣ ئە‌یلولێ
بازارێ فلمێن كوردی
دێ چه‌وا بازاره‌كێ بو سینه‌مایا كوردی چێكه‌ین؟
١٤ ئە‌یلولێ
په‌روه‌رده‌یا فلمسازیێ ل هه‌رێما كوردستانێ
دێ چه‌وا ڤالاهیێ د ناڤبه‌را تیۆری و پراكتیكێ دا پڕ كه‌ین؟
١٥ ئە‌یلولێ
رۆلێ موزیكێ د سینه‌مایا كوردی دا
دێ چه‌وا موزیكا كوردی كه‌ینه به‌شه‌ك ژ سینه‌مایا كوردی؟
.هەفتەمین فه‌ستیڤالا
ناڤنه‌ته‌وه‌یی یا فیلم ئا دوهۆكێ
به‌لگه فلمێن به‌شا پێشبركیێ رادگه‌هینیت
Every House is A School
(2019)
Tent of Pasha's Family (2019)
سمۆكه (٢٠١٩)
زهرله (٢٠١٩)
هومانست (٢٠١٩)
هه‌ڤاله بار گران (٢٠١٨)
فه‌ستیڤالا ناڤنه‌ته‌وه‌یی
یا فیلم ئا دوهۆكێ
press@duhokiff.com
|
