|
٢\١٠\٢٠١١
جەنگی
داهاتووی بەغدا دەستپێکردووە؟!
سهلام عه‌بدوڵا
پاش نزیکەی70ساڵی جەنگ دژ
بە کوردستانیان، ئێستا دووبارە سیاسەتی تەعریبکردن بەزەقی لە ناوچەی
خانەقین دەستیپێکردووە:
1- گواستنەوەی پۆلیسە کوردەکان لە دەروازەی مەنزەریە و هێنانی 42پۆلیسی
عەرەب.
2- لە30/9/2011 فەرمانی گواستنەوەی فەوجێکی پۆلیس کە زۆربەی کوردن و
فەرماندەکەیشی کوردە(عەقید بەکر)ە. ئەم فەوجە لە2003وە لە نەفتخانە
جێگیرەو لە جەنگ دژ بە تیرۆریستە ئیسلامبەعسییەکان
31شەهیدو12برینداریان داوە.
ئەم فەوجە کە لە402پۆلیس پێکهاتووە، 250پۆلیسی کوردن و فەرمانی
گواستنەوەکەیان بۆ(مەندەلی و کوت) دەرچووە. وەک بەرپسێکی ئەم فەوجە وتی:
(سەرەتا بە گوێرەی فەرمانەکە دەبوو ئیمڕۆ
رێککەوتی1/10/2011بگوێزرێنەوە، بەڵام بۆ رۆژی چوارشەمە رێککەوتی
5/10/2011دواخراوە.)
بارودۆخی ناوچەکە بەرەو گرژی پەرەدەستێنێ. لەبەرامبەر فەرمانە
شوفێنیستەکانی بەغدا، بەرپرسێکی عەسکەری کە نەیویست ناوی ئاشکرا بکات،
وتی: ئێمە فەرمانی مالکی جێبەجێ ناکەین.
ئەم بارودۆخە لەکاتێکدا بەو شێوەیە تەشەنەدەکات، ئەندازیار و
فەرمانبەری کورد لە نەفتخانە دەردەکرێن یان قائیمقامی خانەقین لەلایەن
بەرپرسێکی ئیداری نەفتخانەوە تۆمەتی تیرۆریستی دەخرێتە پاڵ و دادگای
خانەقین فەرمانی دەستگیرکردنی دەدەکات، بەڵام دوایی رادەگرێت. هاوکات
رێگا بە هێزی پێشمەرگەی کوردستان نادرێت لە سەعدیە و جەلەولا و
دێهاتەکانی حەوزی حەمرین جێگیر ببێ.
ئەگەر حکومەتی هەرێم خۆی بە خاوەنی ئەم ناوچەیە دەزانێت، ئەوا پێویستە
لەم بارەیەوە بڕیار بدات بۆ پاراستنی خاک و ژیان و گوزەرانی
کوردستانیانی ئەم ناوچەیە و گەڕاندنەوەی ئاوارەکان بۆ سەرزەوی و زاریان
و راگرتنی هەر جۆرە فەرمانێک بۆ گواستنەوەی کوردان.
ئەو رەفتارانە لەلایەن حکومەتی بەغدا، وتەکانی مالکی لەبارەی کەرکوک
یان ئایەتوڵڵا سەدر لەبارەی داخوازی کوردان ببن بەهۆی پشێوی و نائارامی
لە ناوچەکەو لەوانەیە بەهیچ هێزێک کۆنتڕۆڵ نەکرێ و سیاسەت و زمانی
بۆمبا، زیندان، ئەنفالکردنی سەدامیانە جێگای دەستووری نوێ و زمانی
ئاشتی و دیالۆگ بگرێتەوەو ببن بە درێژەپێدەری سیاسەتی تۆپبارانکردنی
ئاواییەکانی کوردستان لەلایەن ئیرانی و تورکیا!
ماڵپه‌ڕی سهلام عه‌بدوڵا
|
