په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١\١١\٢٠١٩

چەپکە هۆنراوەیەک.

- ١٥ -

عەلی حەمەڕەشید

رەزا ساڵح

رۆستەم خامۆش

  لەگەڵ باوکم.

عەلی حەمەڕه‌شید

لەگەڵ باوکـم یاری دەکــەم
کاتێکی خۆش بەسـەر دەبەم
ئەو کاتــانەی لەلای ئەوم
ھەرگیز حەزناکـەم بخەوم
چونکە کە دەمکــاتە کۆشی
بەشیعرو چیرۆکی خــــۆشی
دەمبات بەرەو دنیای خەیـاڵ
تا دڵخــــۆشبم منی منداڵ
کاتێک دەست بەسەرما دێنێ
نمەی ســـــۆزی دەبارێنێ
دایە و بابە ھـــاوڕێی منن
زۆر میھرەبـــــان و مەزنن.


  
 وانەی بیرکاری.
عەلی حەمەڕەشید
چەندە خۆشـــە ئەو ڕۆژانەی
وانــــەی بیرکــاریمان ھەیە
لە ســـــەرەتا تــا کۆتایی
مامۆســـتا لێو بەخــەندەیە
   *  *  *
وانەکــەی وەک یــاریی وایە
ھەر ھەمــوومان بەشدار دەبین
بەســـۆز و بە میھرەبـــانی
مامۆستا گشت بەختیار دەبین
   *  *  *
لەگەڵ پرسیار شیکارکــردن
بە ھـۆنراوەو بە چــــالاکی
دڵخۆش و ئاســـــودە دەبین
وانەش تێدەگـەین بە چاکی
   *  *  *
بۆیە بەیەکــــــەوە دەڵێین
ئای چەندە خۆشـــە بیرکاری
مێشک و بیرمان چـالاک دەبێت
ھەروەکــــو وەرزش و یاری.


٢١\٢\٢٠١٩
ماڵپەڕی عەلی حەمەڕەشید

 

 

 

    رێوی.

ره‌زا ساڵح

نـزیــک گـونـــدێکی کورســـــتان
شـەوێـــکی تـاریــــکی زســـــتان
   *  *  *  *
رێـویيـەک هـات ، بە مـاتە مــات
ویستی مریشکێ بگـرێ و بیـبات
   *  *  *  *
مـابـــووی بـگــات بـە کـــــولانـە
ســەری نـەگـــرت ئـەم پـيــــلانـە
   *  *  *  *
ســـەگـە بــــازە لـێـی دەرپــــەڕی
هـەڵـــــــــیـبـڕی و پـــێی دەوەڕی
   *  *  *  *
بـــــازە گــرتی و هـەڵـيشــــەپـان
رێـــوی دەگـــریـا و دەیــــزێــڕان
   *  *  *  *
تــۆبـە تــۆبـە ، هـەر ئـەمجـــارە
وازدەهـێــــــنـم لـــەم رەفـتـــــارە
   *  *  *  *
رێـــوی تــۆبـە تــۆبـەت درۆیـــە
فـێـڵــبـاز كـێ بــڕوای بـە تـۆیـــە
   *  *  *  *
ئیـتـر ئـەو رێـویـیـە بـەدفــــــەڕە
نـەهــــــــــاتـەوە بــۆ دەڤـــــــەرە.

 

٢٠١٩ - نەرویـج
ماڵپه‌ڕی ره‌زا ساڵح


 

  ئێمەی زارۆک.

رۆستەم خامۆش

ئێـمــەی زارۆکــی دڵ پـــڕ لـــە هیـوا
بــە ئـومێـد دەژیــن وا لـــە ڕۆژئــاوا

واری خــۆمـــانــە ئــەم نـیـشـتـمـانـە
زێـدی خــۆمــانـە ئــەم کوردســتـانـە

ناخوازیـن شـەڕ بـێ لـە ئـامێزی خاک
خەندەمان دەوێ ئێمەی دەروون پاک

ســـتـران دەبێژین بـــۆ ژیـنـی شــادی
دەبێژین بـــژی ئـــاشـــتـی و ئـــازادی

ئەم خاکە جوانە با دوور بێ لە جەنگ
دوور بـێ لـە دەنـگـی فـڕۆکـەو تفەنگ

خـۆشــە وڵاتــمــان بـــێ ئـــاژاوە بــێ
هـــەر ئـــــاوەدان و هـــەر ڕازاوە بــێ.

 

١٩\١٠\٢٠١٩ - هەولێر
rostamxamosh@gmail.com

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک