١٤\٤\٢٠١٢

    چ سەفەرێك بوو.

هێرش یاسین

چ سەفەرێك بوو
جەنگ لە تونێلی دڵی پاساریەك
كەوتە گومان لە ناشرینی
خۆی

چ سەفەرێك بوو
ئەوەندە كورت
بەیانی دەست پارانەوە
دەكەم

من دڵخۆشم
لە ژێر سێبەری بێزاریی
تاوێ ئاسودەبووم

چ سەفەرێك بوو
گەرم گەرم
قورسایی خستە
بنگوێتا

چ سەفەرێك بوو
پەرەسێلكەیەک كەم كەم دەفڕی
ژیانیش زۆر زوو بەم
ناوە تێپەڕی

چ سەفەرێك بوو
چا
لە كاتی مەستبوونی ژیان
رژا

چ سەفەرێك بوو
مەرگ لە ژێر گەلای دارێ
لە قەراغ دەریا
راكشابوو

چ سەفەرێك بوو
راهیبێك بە دوای قەشەیه‌ك
دەگەڕا
لە ناوەراستی مزگەوتا

چ سەفەرێك بوو
لە هێلی ئیستیوا
ئابلۆقەی خۆر درا
چ سەفەرێک بوو
شەهەوەت مەدالیای ژیان بوو
منیش بەرەو تۆ ئەڕۆم.

 ١٠\٣\٢٠١٢
wwhersh@yahoo.com