په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

چیتر ناتوانین به ‌شاراوه‌یی بژین!!


ئا: به‌ناز ئیبراهیم

 

 

دوای نیوه‌ڕۆی 17.1.2009 ڕێکخراوی مافی مرۆڤ له ‌باکووری فه‌ڕه‌نسا له ‌شاری لیلل به‌سه‌رپه‌رشتی بریجیت پاڤی ڕێکخه‌ری کاروباری په‌نابه‌ران له‌و ڕێکخراوه‌دا له‌مانیفستاسیۆنێکی شێوه‌شانۆگه‌ری که‌م وێنه‌دا له‌ژێر دروشمی(په‌نابه‌ران چیتر ناتوانن به‌شاراوه‌یی بژین) ،‌که ‌له‌ ناوه‌ڕاستی شار نمایش کراوه‌ک پشتیوانیه‌ک بۆ کاره‌کانی فیدراسیۆنی سه‌رتاسه‌ری په‌نابه‌ران، که‌تیایدا پشتگیری داوای ڕه‌وای په‌نابه‌رانیان کرد بۆ مانه‌وه‌و نیشته‌جێبوون ومافی کارکردن له‌سه‌ر خاکی فه‌ڕه‌نسا، ناڕه‌زایه‌تیه‌که ‌شێوازێکی تایبه‌تی ونوێی له‌خۆگرتبوو له‌هه‌موو ناڕه‌زایه‌تیه‌کانی پێشوو، به‌وه‌ی که‌زیاتر شێوازێکی شانۆگه‌ریانه‌بوو و وێنه‌ی ده‌موچاوشاراوه‌یی زیاتر له‌20 گه‌نج و خێزانی په‌نابه‌ر کرابوو به‌پۆسته‌ر و لافیته‌ی ته‌خته‌و له‌پشتی وێنه‌که‌ش به‌دێڕێک هۆکاری مانه‌وه‌ی ئه‌و په‌نابه‌رانه ‌نوسرابوو له‌مانه‌: (من بۆیه ‌فه‌ڕه‌نسام هه‌ڵبژارد بتوانم کاربکه‌م و ژیانێکی تازه‌دروست بکه‌م) له‌پشتی وێنه‌یه‌کی ترا نوسرابوو: (من هاوڵاتیه‌کی ئه‌سڵ مه‌غریبیم له‌فه‌ڕه‌نسا له‌دایک بووم ته‌مه‌نم 28 ساڵه‌خوێندنم ته‌واو کردووه‌ کارم دۆزیوه‌ته‌وه‌ له‌ ‌شوێنی کاره‌که‌م ده‌‌ڵێن ده‌بێ ناوه‌که‌ت بگۆڕی به‌ناوێکی فه‌ڕه‌نسی ته‌نها له‌به‌رئه‌وه‌ی باوکم په‌نابه‌ره ‌وا مامه‌ڵه‌م له‌گه‌ڵ ده‌‌که‌ن) له ‌پشتی وێنه‌یه‌کیتردا نوسراوه: ‌(من بۆیه ده‌مه‌وێ له‌فه‌ڕه‌نسا بمێنمه‌وه ‌چونکه‌ من وڵاته‌که‌م داگیرکراوه‌ له‌لایه‌ن تورک وعه‌ره‌ب وفارسه‌وه ‌باوه‌ڕیان به‌بوونی کورد نییه‌‌، هیچ ناسنامه‌و ڕه‌گه‌ز نامه‌یه‌ک نییه‌ ‌به‌کوردی نووسرابێت، لێره‌ش ئازادی و یه‌کسانی ودادوه‌ری بۆمن نییه‌‌!!) ئه‌مانه‌و چه‌ند ووته‌یه‌کی تر که‌کاریگه‌ریه‌کی زۆری له‌سه‌ر هاوڵاتیانی شاره‌که ‌دروست کردبوو. شایه‌نی باسه‌دوای ده‌ستبه‌کاربوونی سه‌رۆک کۆماری ئێستای فه‌ڕه‌نسا وه‌ک وه‌زیری ناوخۆ، پۆلیسی ئه‌و وڵاته ‌ده‌ستی کردووه‌ به‌گرتن و ناردنه‌وه‌ی زۆربه‌ی ئه‌و په‌نابه‌رانه‌ی که ‌داواکانیان ڕه‌تکراوه‌ته‌وه‌و ساڵانه‌زیاتر له‌25000 هه‌زار په‌نابه‌ر به‌زۆر ڕه‌وانه‌ی وڵاته‌کانی خۆیان ده‌‌کرێنه‌وه‌، به‌تایبه‌تیش ئه‌و وڵاتانه‌ی که‌فه‌ڕه‌نسا به‌بێ کێشه‌یان‌ ده‌‌زانێت وه‌ک به‌شێکی ئه‌فریقاو مه‌غریب وجه‌زائیر و ووڵاتانی تری عه‌ره‌بی جگه‌ له‌عێراق.

ئه‌م وێنه‌‌یه‌ دیمه‌نێکی ئه‌و ناڕه‌زایه‌تییه‌‌یه‌ که ‌ڕۆژی شه‌ممه ‌له‌شێوه‌ی شانۆگه‌ری ده‌ربڕدرا.

وێنه‌گرتنی: عه‌بدوڵا سامی


هاوکات چه‌ندین ڕێکخراوی مرۆیی وه‌ک (مافی مرۆڤ و سیماد و کۆمیته‌ی بێ کاغه‌زه‌کان و مراپ و خاچی سور و سکورکاتۆلیک ) دژی ده‌‌و سیاسه‌ته ‌وه‌ستاونه‌ته‌وه‌و هاوکاری مرۆیی پێشکه‌ش ده‌‌که‌ن به‌و په‌نابه‌رانه‌ی که‌جێگه‌ی ژیان وسه‌رچاوه‌ی ژیانیان نییه‌‌، ئه‌‌‌وه ‌جگه‌له‌وه‌ی به‌رده‌وام به‌په‌روه‌نده‌کانیان دا ده‌‌چنه‌وه‌و ده‌‌یخه‌نه‌به‌رده‌م به‌رپرسان بۆ پێداچوونه‌وه‌ی داواکاری په‌نابه‌ری و به‌و هۆیه‌ش که‌سانێکی زۆر مافی مانه‌وه‌یان وه‌رگرتووه ‌له‌فه‌ڕه‌نسا.


ناڕه‌زایه‌تیه‌که‌ی ڕۆژی 17.1.2009 زۆربه‌ی به‌شداربووه‌کان و هه‌ڵگری پۆسته‌ره‌کان خه‌ڵکانی فه‌ڕه‌نسی بوون ، به‌هۆکاری ئه‌وه‌ی که‌په‌نابه‌ره‌کان له‌ترسی گرتن و زیندانیکردن له‌لایه‌ن پۆلیسی فه‌ڕه‌نسی یه‌وه‌ نه‌یانتوانی بوو ئه‌و کاره‌بکه‌ن، شایه‌نی باسه ‌ڕێژه‌ی له‌سه‌دا شه‌ست و نۆی هاوڵاتیانی فه‌ڕه‌نسا دژی سیاسه‌تی حوکمه‌تن به‌رانبه‌ر په‌نابه‌ران و فه‌ڕه‌نسا به‌خاکی په‌نابه‌ران ده‌‌زانن، له‌گه‌ڵ ئه‌وه‌شدا حوکمه‌تی فه‌ڕه‌نسا به‌رده‌وامه‌ له‌سه‌ر به‌زۆر ناردنه‌وه‌و ده‌رکردنی په‌نابه‌ران به‌هه‌موو جۆره‌کانیه‌وه‌..