داعش ئیسلامە و ''رێك'' نوێنەرایەتی ڤێرژنێكی راستەقینەی ئیسلام دەكا كە هەزاران ساڵ بەر لە ئێستە پراكتیزە كراوە، بەڵام ''تەنیا'' لە هەناوی ئیسلامەوە نەهاتوە، چونكە ئیسلام بە كولتووری عەرەبی پێچراوەتەوە، لە بنەمادا ئیسلام و تەنانەت ژیانی پەیامبەری ئیسلامیش ٢٠٠ ساڵ پاش كۆچی دوایی خۆی نووسراوەتەوە و بە شێوەی زارەکیی گەیەنراوە، بۆیە ئیسلام و كولتووری عەرەبی تا ئاستێك تێكەڵن و جیاكردنەوەیان ئەستەمە. ئەوانەیش كە بە رەهایی دەڵێن داعش ''هیچ'' پەیوەندییەکی بە ئیسلامەوە نییە. هەر خۆیان دژی خۆیان دەوەستنەوە، چون ئەگەر پەیوەندیی بە ئیسلامەوە نەبێ، قسەكەر دەچوو شەڕی دژ دەكردن. رۆشنبیران و پسپۆڕانی ئیسلامی عەرەبی زۆربەیان كۆكن لەسەر ئیسلامبوونی داعش، تەنانەت ئەگەر داعش خۆشیان بڵێن ئیسلام نین، بێ دەنگیی و رەزامەندیی هەرچی ئیسلامی سیاسی و مەلایەكانی رۆژهەڵات بەرامبەریان ئیسلامبوونیان دەسەلمێنێ. (کازیوە ساڵح)