١١\٧\٢٠١٣
داوا لە وەزارەتی
دەرەوەی سوێد کرا ئەگەر بارزانی واژۆی بریارەکەی پەرلەمانی
کرد،
حکومەتی سوێد بە
سەرۆکێکی ناشەرعی بیناسێنێ.
دوای
ئەوەی گرووپی ١٧ شوبات بەهاریکاری چەند پارت و ریکخراو کەسایەتیەکی
بەریز لەگۆرەپانی مالمستۆری لەبەرواری ٢٠١٣/٠٧/٠٦ خۆپیشاندانێکی
نارەزایەتی دژ بەدریژکردنەوەی دەسەلاتداربونی بارزانی بەسەرۆکی هەرێم
ئەنجام دا و بریار درا کەوەفدێک بچیت دیدار لەگەل وەزارەتی دەرەوە
ئەنجام بدات . بەخۆشحالیەوە ئەمرۆ ٠٨/٠٧/٢٠١٣ کاتژمێر ١٤:٣٠ وەفدێکی
خۆپیشاندەران کەپێک هاتبوو لە( سزا حەمە عەلی ، پێشواز فەریق ، قادر
نادر ) توانیان سەردانی وەزارەتی دەرەوەی سوێد بکەن و چاویان بەبەرپرسی
بەشی عێراق ((لەیلا درار)) وەیاریدەدەری کۆنسۆلیەت(( یوسا شێڕە)) بکەوێ.
نوێنەرانی خۆپیشاندەران ئامانجی سەردانەکەیان بۆ نوێنەرانی وەزارەتی
دەرەوەی سوێد باسکرد کەچۆن پەرلەمانی کوردستان لەرێگای
پەرلەمانتارەکانی پارتی و یەکێتی هەندێ پارتی دروسکراوی خۆیان دور
لەهەموو برگە یاسایی و مافە دەستوریەکان وبەشیوەیەکی گالتەجاری تەمەنی
حوکمی سەرۆکایەتی بارزانیان ٢سالی تر درێژ کردۆتەوە ئەمەش بۆتە
نارەزایەتی دەربرین لەلایەن پاچەندین پارت و ڕیکخراو ی سیاسی و مەدەنی
و سڤیل و کەسایەتیە رۆشنبیرو ڕۆژنامەوانیەکان . کەوەک کۆدەتا بەسەر
بارودۆخی سیاسی هەلدەسەنگەنرێ هاوکات نوێنەرانی خۆپیشاندەران ئاماژەیان
بەوە کرد کەبە واژۆکردنی بارزانی بۆئەو بریارە ئەگەری سەرهەلدنی
نارەزایەتی بەرفراوانتر هەیە لەوەی ئەمرۆ گرتویەتیەوە لەکوردستان و
ئەورپا.
هاوکات بەناوی خۆپیشاندەرانەوە بەفەرمی نامەیەکیان پێشکەش کردن کەخۆی
لە دوو خال دەبینیەوە:
١- بەهۆکاری ئەوەی ولاتی سوێد ولاتێکە ریز لەیاسا ودیموکراسیەت و
هەلبژاردنی ئازاد دەگرێت ، بۆیە داوا تان لێ دەکەین بەناوی حکومەتی
سوێدەوە ، ئیدانەی ئەو هەلوێستەی پەرلەمانی کوردستان بکەن ، کەلەڕیگای
پەرلەمانتارەکانی پارتی ویەکیتیەوە ئەنجامیان دا.
٢- ئەگەر بارزانی واژۆی ئەو بریارەی کرد ، داواکارین ولاتی سوێد ،مەسعود
بارزانی وەک سەرۆکێکی ناشەرعی خەلکی کوردستان بناسێنێ.
نوێنەرانی وەزارەت نیگەران بوون لەو مامەلە سیاسی وپەرلەمانیە ،
پەیمانیان کەنامە بۆ سەفارەت و قونسلیەتی خۆیان بنیرن کەزانیاری
زیاتریان بۆ بنێرن و لەگەل نوێنەرانی
حکومەتی هەرێم ئەو دۆسیەیە باس بکەن.
گرووپی ١٧ شوبات
/ ستۆکهۆلم
٠٠٤٦٧٣٥٣٦٦٧٥٧
17_shubat@hotmail.se
|