|
١٥\٤\٢٠١٣
داخستنی دەرگای
قوتابخانەکان بەسەر مامۆستایان لە دانیمارک.
ئا: لاوژە
ماهیە
 بە
هۆی سەپاندنی هەلومەرجێکی تازە بۆ کارکردن کە سەرمایەداری لە
دەرەنجامی قەیرانی ئابووریی
و تەقەشوفکردن لە وڵاتانی ئەورپادا، مامۆستایانی دانیمارک لە ڕۆژی ١ی
نیسانی ئەمساڵەوە بۆیان نییە بچنە پۆلەکان و
وانە بڵێنەوە. واتا بە ین lockout زمانی
خۆیان بە پێی یاسای دانیمارک ساڵانە خاوەن کار و نوێنەری کرێکاران
دادەنیشن و سەبارەت بە بارودۆخی کار، مووچە
و کاتژمێری کار و... تاد ڕێکەوتن بۆ یەک ساڵ
واژۆ دەکەن.
رێکخراوی باڵای شارەوانیەکان کە
بەرپرسیاریەتی بەشێک لە شوێنە دەوڵەتییەکانی
هەیە وەک خوێندنگا، بەساڵچووان،
باخچەی ساوایان و دایەنگا، قوتابخانەکان،
پەرتووکخانە و چەند شوێنێکی تر، نەیانتوانی
لەگەڵ رێکخراوی سەرتاسەری مامۆستایانی
دانیمارک کە نوێنەرایەتی مامۆستایانی وڵات دەکات بگەنە ئەنجام.
هۆکاری سەرەکی کێشمەکێشەکەیان دەگەڕێتەوە بۆ ئەوەی کە حکومەتی دانیمارک
لە ژێر ناوی باشترکردنی خوێندنگاکان
و بەرزکردنەوەی کوالێتیی خوێندن بۆ
لووتکەی خوێندنگاکانی جیهان لە هەمانکاتدا
بە بودجەیەکی کەمتر گوشار بۆ مامۆستایان
دەهێنێ و یەکێک لە خاڵە ڕیفۆرمیەکانی ئەوەیە
کە کاتژمێری کاری مامۆستا ٣٧
کاتژمێر بێت لە هەفتەدا.
نوێنەری مامۆستایان دەیەوێت ٢٥ کاتژمێری ئەم
کاتە بۆ وانە وتنەوەی پۆلەکان دابندرێ و بۆ
هەر خوێندکارێکیش هەقی ٢ خولەک
خۆئامادەکردنی هەبێ. بەڵام ڕێکخراوی باڵای شارەوانیەکان ئەمە
ڕەتدەکاتەوە قبوڵی ناکا و دەڵێ نابێ کاتی دیاری کراو دابندرێ
و زۆربەی کاتی مامۆستا لە پۆلەکان بێ.
بەم هۆیەوە ڕۆژی چوارشەمە ڕێکەوتی ١١ی نیسان،
زیاتر لە ٤٠٠٠٠ مامۆستا لە سەرتاسەری وڵات لە مەیدانی سەرەکی کۆپنهاگنی
پایتەخت و لە بەردەم پەرلەمانی دانیمارک خۆپیشاندانیان کرد. ئەم
خۆپیشاندانە بە گەورەترین خۆپیشاندانی دوو دەیەی ڕابردو دادەندرێ
و لە هەمان کاتدا بە یەکێک لە
گەورەترین خۆپیشاندانەکانی مێژووی وڵات
دادەندرێ.
ئەم کێشمە کێشە ماوەی دوو هەفتەیە بەردەوامەو نازاندرێ تاکەی دەخایەنێ
و هیچ نزیک بوونەوەیەک لە دوو لایەنەکە
نابیندرێ.
بەم هۆیەوە نزیکەی ٨٧٥ هەزار خوێندکار لە قۆناغی جۆراو جۆردا لە خوێندن
بێبەش بوونە. بەشێکیان کاتی تاقیکردنەوەی
کۆتاییانە و بەشێکی زۆر لە خوێندنیان
لەدەستدەچێ.
لە لایەکی ترەوە کێشەی بۆ ئەو دایک و
باوکانە دروستکردوە کە تەمەنی منداڵەکانیان لە نێوان ٦ بۆ ١٢
ساڵن. هەندێکیان کۆمەک لە دەوروبەریان وەردەگرن
و بەشێکی تریان ناچار بوونە
کارەکانیان جێهێڵن و ئاگاداری منداڵەکانیان بن. تا ئێستا هیچ لایەنێکی
بەرپرسیدار ئامادەیی دەرنەبڕیوە کە بەرپرسیاریەتی ئەم منداڵانە بگرێتە
ئەستۆ بۆ ئەوەی دایک و باوکیان لە کار
و ژیانی ڕۆژانەیان نەبن.
ئەمەش بۆتە هۆی ئەوەی کە بە پێی دواین
ڕاپرسی نیوەی خەڵکی دانیمارک داوابکەن کە حکومەت دەخالەت بکا
و چارەسەرێک بۆ ئەم کێشەیە بدۆزێتەوە، بە
پێی یاسای دانیمارک ئەگەر خاوەن کار
و کرێکار بە بنبەست گەیشتن، ئەو کاتە یاسا
و دەولەت دەخالەت دەکا.
شایانی باسە ئەم کێشمەکێشە ٨٥٪ی مامۆستایانی گرتۆتەوە
و تەنها بەرێوەبەر و بەرپرسانی
قوتابخانەکان ناگرێتەوە لەگەڵ ئەم مامۆستایانەی کە خزمەتی کاریان زۆرە
و ئەم رێکەوتنە نایانگرێتەوە ئەوانیش
نزیکەی ١٢٪ی مامۆستایانی وڵات پێکدەهێنن.
lawzha@yahoo.com
|
