په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢١\٩\٢٠١٨

دەرۆزەیان بۆ مەکەن، بەر دەرگاکانیان لێبگرن!


بەشدار عوسمان     


کێ هەیە ئەو ئەلف و بێیە نەزانێت سەرەتاترین پرەنسیپەکانی حکومڕانیەتی دابینکردنی دەرمانە بۆ نەخۆش ؟! ئەوە چ مەنتقێکە،چ بێ ویژدانیەکە، باز بەسەر هۆکاری سەرەکی نەبوونی و خراپی کوالێتی دەرمان بدەیت و خەلک بەقەدەر وکەسانێک و دەزگای خێرخوازی بسپێریت ؟! لەکاتێکدا لای هەمووان رۆشنە کێن قاچاخچیان و بازرگانانی دەرمان و بەبێ رەزامەندی ئەوانیەک حەبی ئەسپلینیش بەبێ ئەوان نایەتە ناو ئەو هەرێمە.


بەجدی ڕوو قایمیەکی زۆری دەوێت،خاوەنی دەزگاکەت سوڵحی عەشایەری بۆ دەیان کوێر و پەککەوتە کردبێت کەبەهۆی دەرزی و دەرمانی خراپەوە بۆ هەتا هەتایە بیناییان لەدەستدا و رووناکیان نەبینیەوە،ئەنجامدەرانیان لەهەموو سزا و رێکارێکی یاسایی بەخشران،کەچی دەیان بەرنامەی تەلەفزیۆنی لەسەر خراپی کوالیتی دەرمان بکەیت!


نا لۆژیکیە و ناچێتە عەقڵەوە خۆت بەبەدیل ئەو دەسەڵاتە بزانیت،کەچی لەدەزگاکانتەوە کەمپین بۆ دەرۆزە و سەدەقە بکەیت بۆ نەخۆشەکان کە سەرەتاترین کارێکی دەسەڵاتە ئەوەیە ئەو پێداویستیانە دابین بکات ! دەسەڵاتێک،حکومەتێک کە نەتوانێت پێداویستیە سەرەتاییەکانی وەک دەرمان و پێداویستی پزیشکی دابین بکات،پێوسیتە کەمپەینی گەورەی لەبەرامبەر بەرێبخرێت و بۆ نەمان نەک پینەکردنی بەشێک لەکونەکانی سەر جەستە هیلاکەکەی،دەزگایەکی راگەیاندن کە لە دەم و قوتی مناڵان و نەخۆشان دەگیرێتەوە و لە مسروفاتی دەزگاکە خەرج دەکریت،دەبێت شەرم دایبگرێت باس لە خراپی و کەمی دەرمان بکات،بەشێک لە خەرجی دەزگاکەی دەتوانێت کێشەی دەرمان لەم هەرێمە چارەسەربکات.


خەڵک بە قەدەر و کەمپەینی دەرۆزە و سەدەقە مەسپێرن،باشترین کارێک و بەرزترین رێزێک بۆ نەخۆش و قوربانیەکان ئەوەیە،دەرگا لەو بەرپرسانە بگرین هەمیشە دەیانەوێت خەڵک نەخۆش بێت،دەیانەوێت بەشی هەرە زۆریشمان لەنەبوونی دەرمان بمرین و بناڵێنین.


داهاتی ئەو وڵاتە هێندە بێ شومارە ئەگەر لەدەستێکی ئامن بێت بەشی دەیان ملیۆن دانیشتوان دەکا بەهەموو پێداویستیەکانیەوە،ئیتر بۆچی نائاگاهانە لەهەوڵی شکاندنی شکۆی سەدان ئینسان بین و لیخنی ئاوەکە لەسەرچاوکەیەوە چارەسەر نەکەین!


بڕیار نیە بۆ هەتا هەتایە چاومان لەدەستی کۆمەڵێک چەتە و مافیا بێت کە یاری بە موقەدەرات و چارەنوسی هەمووان دەکەن.
 

٧\٩\٢٠١٨
ماڵپه‌ڕی به‌شدار عوسمان

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک