٣\۴\٢٠١٠

ده‌شتی جه‌مال:

لە وڵاتێکدا کە مافی مرۆڤ و دیموکراسی و ووڵاتی یاسا زۆر بە گەورەی دەنووسرێت، بەڵام قوربانیانی جەنگ و نائارامیی جێگەیان تێدا نابێتەوە.

- دەقی قسەو باسی(دەشتی جەمال)سکرتێری فیدراسیۆنی سەراسەری پەنابەرانی عێراقی لەسویسرا لەکۆبوونەوەی رێکخراوە پەنابەریی و مرۆییه‌کان -
 

ئامادەبووانى بەرێز..

بەناوی فیدراسیۆنی سەراسەری پەنابەرانی عێراقیەوە زۆری سوپاس و ستایشی ڕێکخراوی (Refugees Welcome)وتۆری دژی ڕاسیزم و بەری مافی نیشتە جێبوون بۆ هەموان دەکەم کە ئەم کۆبوونەوە گرنگەی بۆ ئێمە سازدا .زۆر سوپاسى هەموو ئەولایەنانە دەکەم کە بەردەوام بەهەوڵی ئێمەوە بوون و هاوکاری یان کردووین و لەپال کەمپین وکارو هەڵسورانەکانی فیدراسیوانى سەراسەری پەنابەرانى عیراقى ڕاوەستان و پشتیوانیان لەخواستەکانى ئێمە و پەنابەران کرد. هەروەها زۆر بەگەرمی بەخێرهاتنی ئێوەی ئازیز دەکەم.

به‌ڕێزان..

بەداخەوە کاتێک خەریکی خۆئامادەکرنی ئەم سەفەرەم بووم بۆ ئێرە هەواڵی ئەو پەنابەرە نیجیریەم بیست کە لەژیر دەستی پۆلیسی سویسرادا گیانی لەدەستدا. شۆکی کردم ! لەوڵاتێکدا کە مافی مرۆڤو دیمکراسیو ووڵاتی یاسا زۆر بەگەورەی دەنوسرێت بەڵام بەداخەوە قوربانیانی جەنگو نائارامی جێگەیان تیا نابێتەوە. بەناوی فیدراسیۆنی سەراسەری پەنابەرانی عێراقیەوە پرسەو سەرخۆشی خۆم ئاڕاستەی کەسوکاری ئەو پەنابەرە دەکەم.

ئاشکرایە کە نزیک 8ساڵ بەسەر داگیرکاری عێراقدا تێپەر دەبێت. ئەوە زۆر ڕوونە بۆ ڕای گشتی دنیای شارستانی و خەڵکی عێراق و بەڵگەی پێویست نییە، ئەوەیە خەڵکى عێراق بەئارەزووى خۆیان ڕوویان لە ژیانى پەنابەریتى نەکردووە بەڵکو ئەوە بارودۆخى جەنگ وداگیرکارى ونەبوونى ئەمنیەت وتیرۆر ومرۆڤ کوژی و ناهەمووارەیە کەبۆتە سەرچاوەى ڕووتێکردنى پەنابەرانى عێراقى بۆ دەرەوەى ووڵات.

خۆتان ڕۆژانە وێنەى کارەساتە دڵتەزینەکانى خەڵکى عێراق دەبینن کەلەشاشەى تەلەفزیۆنەکانەوە بڵاودەبیتەوە، بۆیە من نامەویت لەقسەکانمدا ئاماژە بەقوربانیانى جەنگ و داگیرکارى بدەم، من نامەوێت باس لەئیغتسابى ژنان و دەست درێژى هیزەکانى ئەمریکاو و حکومەتى عێراقى بکەم بۆسەر خەڵک. تەنانەت من نامەوێت باسى شەری تایەفەگەرى و کێشەو ملمڵانێ نێوان چەکدارەکانى سوونە وشیعە بکەم، نامەویت باس لەوەبکەم کە چۆن تیرۆریزم و دەستەو تاقمى چەکدارى ئیسلامى و پاشماوەکانى بەعس لەهەرشوینێک دەستیان بەسەر خەڵکەوە زالبێت، چ بەلاو موسیبەت و تاوانیکیان ڕوبەڕووى خەڵک کرۆتەوە..

من نامەوێت باس لە ئاماری کوشتنی ڕۆژنامە نوسان وتیرۆر ولەناوبردنی کەسانی شارەزارو تەکنوکراتو پرۆفیسورو ومامۆستای زانکۆ بکەم کە بەردەوام ئامارەکانی ڕوو لەسەرە ،تەنانەت کوشتنی ژنان بێ مافیانو چەوساندنەوەیانو بەردەبارنکردنیان وخەتەنەکردنی کچان کە وینەکانی ویژدانی دنیای ڕاچلەکاند ...نامەوێت باسی بێمافی کریکارانو سەرکوتی ناڕەزایەتیەکانییانتان بۆ بکەم کە بەدەستی ئەحزابە میلیشیایەکانەوە لەگەڵیدا دەرگیرن.

ئەوەی واقعیە عێراقی دوای ڕژیمی لەناوچووی بەعس کراوەتە کۆمەڵگایەک کە نەدەوڵەتێک هەیە ژیان وئەمنیەتى خەڵک بپاریزێ و نان و کار و مافەکانیان چاودیرى بکات، وەنە قانونیک هەیە کە تاڵانچیان وموفتەخوران وئاژاوەچیان و مرۆڤ کوژان دەستگیربکاو لییان بپێچێتەوە. بەڵکو ئەوەى دەستوورە پاڵى داوە بەداگیرکارى و هێزەکانى ئەمریکاوە و ئەوەشى پىى دەگوترێ دەستوور بۆ بەڕەواکردنى تەقسیماتى قەومى وئاینىیە و بۆ بەرەسمیەت پیدانى شەرو پیکدادانى تایەفەگەرى بەدەسەتەوە گیراوە.

بەدوای 8ساڵ عێراقی دوای سەدام . نەدەتوانرێ قسەیەک بۆئەمنەیەتى کۆمەڵایەتى خەڵک بکرێ ونە دەتوانرێ باس لەماف و ئازادى بکرێ، ئەوتا نزیک بە 4 ملیۆن خەڵک بۆ خۆدەربازکردن لەوبارودۆخانە ژیانى ئاوارەبوونیان لەووڵاتەکانى ئەردەن و سوریا و ئیران ومیسرو لوبنان ویونان تورکیا و کووەیت هەڵبژاردووە. کەدیار ئەم بارودۆخە سەرچاوەیەکى رووتێ کردنى پەنابەرانى عێراقى بۆ ووڵاتانى ئەوروپایى ولەوانەش سویسرای پێکهێناوە.

هەموو سیناریووی گاڵتە جارانی هەڵبژاردنتان بینی وە من وەک چاودیرێکی سیاسی لەکوردستان بووم تەنانەت لەسەر تەبلیغات بۆ بایکۆتکردنی هەڵبژاردن دەستگیرکرام، لەنیو برۆپاگەندەکانی هەڵبژاردنەکاندا ، تەواویی هێزوباڵ و قەوارە سیاسیەکانی نیو ساحەی سیاسی عێراق بەکوردستانیشەوە نەمابوو کە کۆمەڵگا نەخەنە بەردەم نائەمنی بێ وێنە، ومنداڵان نەکەن وەسیلەی پرۆوپاگەندەی هەڵبژاردنەکان ،تا ڕفاندنو هەڕەشەی کوشتنی کاندیدەکان ، هەڕەشەکردنی نان برینی کریکارانو فەرمانبەران کە ئەگەر بەشداری نەکەن ودەنگ نەدەن لەکار دەردەکرێن ، تا دەگاتە ڕفاندنو لێدانو سوکایەتی بەرۆژنامەنوسان. ئەمە جگە لەتەزویراتی بێ وینەو دەنگ کرین وفرتو فیڵ کە سیمای سەرجەم هەڵبژاردنەکانی داگرتبوو . بەوەشی کە هیچ براوەیەکی بەو حزبو لایەنە سیاسیانە نەبوو کە بەاعترافی خۆیان 7ملیون لەخەڵکی عێراق کە مافی دەنگدانی هەبوو بەشداری لە هەڵبژاردندا نەکرد ، پێ وانەبوو ئاڵوگۆرێکی ڕیشەی لەبارودۆخی عێراقدا پێک دێت جگە لەهێشتنەوەی هەمان دەستەو تاقمی تایفی ومەزهەبی قەومی بەسەر ژیانو ئانیدەی خەڵکی عێراقەوە . هەموو ئەوکارەساتە یەک لەدوای یەکە جەرگبرەکان کە ڕۆژانە دەبنە سەردێری یەکەمی هەواڵی میدیا و ماس میدیای دنیاش هێشتا نەی توانیوە ویژدانی نوستووی ئەم حکومەتە ئەوروپیانە تەکان بدات بۆ دەست هەڵگرتن لە ناردنەوەی بەزۆری پەنابەران بۆ ناو ئەو دۆزەخی جەنگ و نائەمنی و داگیرکاری و کوشتارەی خۆیان ناچارن بیکەنە مانیشتی دەزگا ڕاگەیاندنەکانیان. پەنابەرانی عێراقی کراونەتە ناونیشانێکی بێ مافی و مامەڵەی نا مرۆییانەی حکومەتەکانی ئەوروپا وولاتی دراوسێ عیراقو بەحزب وهیزە قەوراسیاسیەکانی عێراقو کوردستانیشەوە وەک کارتێکی سیاسی لەپێناو قازانجو پاوانخوازی دەسەڵات و قازانج وسود سەرمایەدا بەکاردەبرێن.

کوردستانیش کەحکومەتی سویسرا و حکومەتەکانی ئەوروپا بە ناوچەیەکی ئارم ناوی دەبات 19 ساڵە 4 ملیون کەس لەخەڵکی کوردستان لەچاوەروانیدا وبەدیار سیاسەتەکانى ئەمریکا وە و لەژیر سایەى دەسەڵاتى دووحزبى چەکدارى قەومىیەوە ڕاگیراوە کە جگەلە گیرفان پرکردن و خۆدەوڵەمەندکردنوگەندەڵی بردنی سەروەت و سامانی کۆمەڵگا هیچ شتێکى ئەوتۆیان بۆخەڵک نەکردووە. کاتێکیش خەڵک بۆ بەدەستهێنانی ئەو مافانەی خۆی داواکاری پێشکەش بکات و ناڕەزایەتی دەربڕێ و خۆپێشاندان بکات ،ئەوا دەکەوێتە بەر پەلامارو تەقەکردنی هیزەکانی ئاسایشی ئەو حزبە دەسەڵاتدارانەی کوردستان.. وەزعیەتى ژیانى خەڵک تادێت لەسەختى و گرانى وناهەمورایدا نقوم دەبێت. سەرەتاترین پیداویستی خەڵکی کوردستان کە ئاوی خواردن و پیداویستیەکانی ڕۆژانەیەتی لەبەردەست خەڵکی کوردستان شک نابرێت. خواردنی ئێکسپایەر دەرخواردی خەڵکی کوردستان ئەدرێت بەڵام ئەگەر دەنگت لێوە بەرز بێتەوە بە خائن ونۆکەری بیگانەو تێکدەر تاوانبار دەکرێت وڕەوانەی زیندان دەکرێی یان تەنانەت بەنهێنی دەرفینرێ وسەرنگون دەکرێێ! ئەمە ئەو واقعیەتە سیاسى و کۆمەڵایەتیانەیە کە لاوانى و دانیشتوانی کوردستانى هانداوە کە وڵات بەجى بهێڵن و ژیانی پەنابەری ئینخاب بکەن.

هەقیقەتى دەسەڵات لەکوردستان جگە لە گەندەلی و فەسادو سەرکوت و پرکردنی زیندانەکان لەخەڵکی ئازادی خوازو نائۆمید کردنی گەنجان وبێ حقووقی ژنان و مندالان و گرانی و بێ ئاوی بێ کارەبای وە هەرەشەی ئیسلامی سیاسی و ناسیونالیزمی عەرەبی لەخەڵکی کوردستان، شتیکى زیاتر نیشان نادات. ئەم ڕاستیانە لەزمانى خودى ئەمریکاوە دانیان پێدا نراوە، ئەوەتا ڕاپۆرتی ڕەسمی وەزارەتى دەرەوەى ئەمریکا شایەتی لەسەر پێشیلکردنی مافەکانی مرۆڤ دەدەن لەکوردستان، ئەمە جگە لەوەى راپۆرتى نەتەوەیەکگرتووەکانیش بەرۆشنى ئاماژەبە ناجیگیرى وەزعى کوردستان دەدات. تەنانەت راپۆرتەکانی هیومەن رایت وچ و امنستی ئەنتەر ناشنال هەموو گەواهی ئەو راستیە ئەدەن کە لەکوردستان ئینتیهاکی حقوقی مرۆڤ و ژنانو رۆژنامەنوسانو هەیە.

بەم جۆرە ئەوە خەڵکى عێراق وکوردستانە کەلەئاکامى بارودۆخێکى سیاسىیەوە ناچاربوون ڕێگاى پەنابەریتى هەڵبژێرن. بارودۆخیک کە بەشێک لە حکومەتەکانی ئەوروپا بەشدارن تیدا و بەرپرسیارن لەسەرهەڵدانى ئەوبارودۆخانەى کە ڕووى لەخەڵکى عێراق ناوە، بۆیە دەبێ بەچاوێکى مرۆییەوە تەحەموولى ئاکامی سیاسەتەکانى خۆیان بکەن،وە ئەگەر باسی ڕەچاوکردن و ڕێزگرتنی مافی مرۆڤ دەکەن دەبێ بیر لەوە بکەنەوە کە پەنابەرانی عێراقیش مرۆڤن کە ڕووبەڕووی زۆر و سەرکوت و کوشتار بونەتەوە بە ناچار وڵاتیان بەجێ هێشتوە و شایەنی بەڕەسمێت ناسینی مافی پەنابەریین.

بەلام کارەساتەکان بۆخەڵکى عێراق هەربەوەندە تەواو نابێت، بەتایبەتى وەختیک خۆیان وەک پەنابەران لەسایەى سیاسەتى دیپۆرت و مامەڵەى دەوڵەتدا دەبیننەوە. لەم بارەوە خوتان ئاگادارن لەماوەى ڕابردوودا حکومەتەکانی ئەوروپا پەیتا پەیتا کەوتونەتە گیانی پەنابەرانی کورو عێراقی و حەملەیەکى گەورەى لەدژى پەنابەرانی کوردی عێراقی بەڕێخست ، پەلامار و گرتن و ڕاونان و پرکردنى دیتینشنەکان لەپەنابەران سەر ئەنجام ژمارەیەکی بێشومار لەپەنابەرانی کوردی عێراقی بەکەلەپچەو فرۆکەی سەربازی ڕەوانەی فرۆکەخانەی عێراقو کوردستانکراونەتەوە. تائێستا ژمارەی ئەو پەنابەرە عێراقیانەی پێچەوانە بەخواستی خۆیان ڕەوانەی عێراقکراونەتەوە گەیشتۆتە 4300،چوار هەزار سێسەد پەنابەر. ئەم حەملەیەو ئەم سیاسەتەى دەوڵەتان لەدژی پەنابەران درێژەى هەیە، هێشتا برینی خزمەتگوزاریەکان و خانووبەرە، رەفزى راستەوخۆ و بەکۆمەڵ نەبوونی مافی کارکردن و خۆیندن وبەزۆر ئیمزاپێ کردنى پەنابەرانى عیراقى بۆدیپۆرت بوونەوە ، و رۆژانە بە دەیان پەنابەری کوردی عیراقی نامەیان بۆ دەچێت و داوایان لێ دەکریت کە ئەو نامانە ئیمزا بکەن و رازی بن بەگیرانەوەی ئارەزوو مەندانەو لەحالەتی ئیمزا نەکردن ئەوا خانووبەرەو خزمەتگوزاریەکانیان لى دەسەندرێتەوە،وەیان زیندانیان دەکەن ناچاریاندەکەن تا رازی بن بە گەرانەوە ..پرکردنی گرتووخانەکان لەپەنابەران لێکدابرینی ژنان لەمێردو منداڵەکانیان ،تەنانەت ژمارەیەک پەنابەر لەترسی هەرەشەی ناردنەوە دەستیان بۆ خۆکوژی بردوە وەیان بەهۆی ئەم سیاسەتەوە ژمارەیەکی زۆر لەپەنابەران شۆینی حەوانەی خۆیان جێهێشتوە ترس لەدیپۆرت کردنەوە بۆتە بەلایەکی گەورە بەسەریانەوە.

ئەو پەنابەرانەشی کە بەزۆر دیپۆرتی عێراق کراونەتەوە لە بێ ئاسۆی و نائۆمیدی قەراریان گرتووە تیایاندایە خۆکوژی کردوە ! بێ ئیرادە بوو ،چەندین پەنابەر باری دەروونی تێکچوەیان بێ سەروشۆینکراوە لەلایەن دەزگاکانی ئەو حزبانەی کوردستانەوە. تا ئێستا بچوکترین بەرپرسیاریتی نیشان نەدراوە لەلایەن دەسەڵاتدارانەوە بەرامبەر بە پەنابەر دیپۆرتکراوەکان ، لەکاتێکدا تیایاندا ژن و منداڵی لەدوای خۆی جێماوە . تیایاندایە مومتەلەکاتەکانو پێداویستیەکانی دوای دیپۆرت لەدوای خۆی جێماوە ...ئەگەر چی فیدراسیۆنی ئێمە تا ئێستا 2بار لەکوردستان خۆپیشاندانی ناڕەزایەتی کردوە چەندین جار بەشێوەی یاداشت داواکاریەکانی پەنابەرە دیپۆرتکراوەکانی خستۆتە بەردەست دەسەڵات بەداخەوە تا ئێستا بچوکترین بەرپرسیاریتی نیشان نەدراوە لە ئاستی ئەم پرسە گرنگەدا.

 
بەڕێزان..

لەپێشدا دەبێ ئەوە قبوڵبکرآ کە کێشەو کەیسی پەنابەرانی کوردو عێراقی کەیسێکی سیاسی یە ، کە دەوڵەتی ئەمریکاو هاوپەیمانانی لایەنیکی بەرپرسیاران ومسولێتیان لەئەستۆیە، بەتایبەتى ئەوە بڕیارى جەنگ و سیاسەتەکانى ئەوە کە کۆمەڵگاى عێراقى بەم ڕۆژە گەیاندووە. وە ئەوە ئەوانن کۆمەڵگای عێراقیان بەسەر چەند شوعبەی قەومی تایفی و مەزهەبیدا دابەشکردوە . حکومەتی توافقاتیان پێک هێناوە و پشتیوانیان لێدەکەن . لەجیاتی مافی یەکسانی هاوڵاتی بوون هەویتی قەومی مەزهەبیان بە بەری خەڵکی عێراقدا داسەپاندوە.

ئێمە بۆ ئەوەی بتوانیین بەر بە شەپۆلی پەنابەرانی عێراقی بگرین ، ڕێگا چارە ئەوەیە پشتیوانیەکی نیو نەتەوەیی بۆ گێرانەوەى مەدەنیەت لەعێراقدا بەرێبخەین ، ئەویش لەپێناو دامەزراندنى دەوڵەتێکی عەلمانی غەیرەقەومی غەیرە دینی لەعێراق کەلەسەر بناغەى مافى هاولاتیانى یەکسان دامەزرابى و ڕێگا بدات خەڵک خویان کاروبارى خۆیان بەڕێوەبەرن.

دامەزراندنى دەوڵەتێکى سکولار و مەدەنى کەمافى هاوڵاتیانى یەکسان بەبێ جیاوازى بۆهەمووان بەڕەسمى بناسرى ونوینەرانى خەڵک تیا خاوەن دەسەڵات بن.. لەم چوارچیوەیەش دا دانانى دەستوور وڕیکخستنى ژیانى قانونى کۆمەڵگا وماف وئازادىیە شەخسى و کۆمەڵایه‌تییه‌کانى تاک لە عێراقدا بەپێی مافى مرۆیی و جیهانى جێگیر بکات ، دەبێ بەپەلە هەنگاوهەڵ بگیرێ بۆ سازدانەوەى بناغەکانى ئابوورى و خەدەماتى کۆمەڵایەتى تا سەرەتاکانى ژیان بخرێتە بەردەستى دانیشتوان و گرفتى نەبوونى وبیکارى و خەدەماتەکان چارەسەربکرێ.

لەکوردستانیش بریارى بەرپاکردنی ڕیفراندۆمێک بۆ جیابوونەوە و دامەزاراندنى دەوڵەتێکى سەربەخۆ بخرێتە بەرنامەوە و پشتیوانی لەم خواستە ڕەوایەی خەڵک بکرێ. ئەگەر کارکردن بەئاقارى گێرانەوەى مەدەنیەت بۆعێراق و دامەزراندنى دەوڵەتێکى سکولار ڕێگاچارەى وشککردنى سەرچاوەکانى دیاردەى پەنابەرێتیى بێت، ئەوە دەبێ بەرنامەیەکیش هەبێت بۆ چارەسەرى کێشەى پەنابەریتى عێراقى لەخودى وڵاتانی ئەورپاشدا. کە ئێستا وەکو دیفاکتۆ مەوجودە و ناکرێ بە پشتگۆێ خستن و وەڵام نەدانەوە و بەزۆر ناردنەوەیان بۆ ناو جەهنەمی ژیانی عێراق خۆیان لە بەرپرسیاریتی بدزنەوە.

بۆئەمەش ئێمە سەرخەتى ئەم بەرنامەیەیە دەخەینە ڕوو کە دەتوانێ لەیاداشتنامەیەکی هاوبەشی هەموولایەکمان بێتو بیخەینە بەردەم حکومەتی سویسرا و حکومەتەکانی ئەوروپا . کە بەبرواى من ئەتوانێ ببێتە بنەماى کاریکى گەورە و مرۆیی بۆ وەڵامدانەوە بەکێشەى پەنابەرانى کورد و عێراقى لەئەوروپادا:

1. هەڵوەشاندنەوەی سیاسەتی گێرانەوەی بە زۆری پەنابەرانی کوردوعێراقی و هەر ڕێکەوتنێک کە لەسەر پەنابەران لەگەڵ حکومەتی عێراقی و حکومەتی هەرێمی کوردستان ئیمزاکراوە بەنهێنی.
2. سەرجەم پەنابەرە زیندانیەکان ئازاد بکرێنو توندوتیژی پۆلیسو دەزگانی دەوڵەت بەرامبەر بە پەنابەران ڕابوەستێ.
3. دانی مافی پەنابەری بە پەنابەرانی کوردو عێراقی بەعینوانی قوربانیانی جەنگ ونائارامی.
4. کردنەوەی مەلەفی ئەو پەنابەرانەی سالانێکی زۆر کەیسەکانیان ڕاگیراوە وەیان وەڵامی ڕەفزیان پێدراوە و بەرێوەبردنی مافی مرۆڤی ئەوروپا لەبەرامبەر کەیسەکانیان.
5. گێرانەوەی خزمەتگوزاری و بەنەفیتەکان بۆ پەنابەران وڕێگەنەدان بە برینیان لەژێر هیچ بەهانەیەکدا..
6. مافی خۆیندنو کارکردن بۆ هەموان بەیەکسانی.
7. هەڵوەشاندنەوەی دەستبەجێ ناردنەوەی پەنابەران بۆ ئەو وڵاتانەی نائەمنن و وڵاتی جەنگین.

بێگومان پەنابەرانى کورد وعێراقى وکێشەکەیان بەتەنها ناتوانن بەهیچ ئەنجامێک بگەن، پشتیوانى ئێوە و بەرەی ئازادی خوازی و علمانێت وحزب و ڕێکخرارو ئەندام پەرلەمان و لایەنەکان دەتوانن هێزیکی گەورەى مادی و مەعنەوی بێت بۆ پشتیوانى کردنى ئەو جەبهە ئازادی خوازو مرۆڤ یەی لەعێراقدا بەرێ کەوتووە ولەپێناو کۆتای هێنان بەجەنگو نائەمنی و خوازیارى گێرانەوەى مەدەنیەت و سکولاریزمە بۆکۆمەڵگاى عێراق، لەسویسرا و وڵاتە ئەورپیەکانی دیکەش دەتوانیین لەئاستی رێکخراوە پەنابەریو مرۆییه‌کان بەرەیەکی یەگرتوو پێک بهینیین دژ بە سیاسەتی گەراِنەوەی بەزۆری پەنابەران و ،گرتووخانە دەست بەسەرەکان، وفشار بخەینە سەر دەوڵەت لەڕێگای ناڕەزایەتی دەربرین وخۆپیشاندان ولوبی بەرێخستن لەپەرلەمان بۆ ڕاگرتنی ناردنەوەی پەنابەران بۆ ئەو وڵاتانەی نائەمنن.

بەڕێزان..

ئێوە نۆینەرانی ڕێکخراوە پەنابەری و مرۆیی و ئەندام پەرلەمانو لایەنە سیاسیەکان دەتوانن دەورێکی بەرچاوتان بێت لەکۆتای هێنا بەو تراجیدیا ترسناکەی بەرۆکی بە بەبەشێک لە هاوڵاتیانی ئەم کۆمەڵگایە گرتوە کە بەسوتفە لەعێراق لەدایک بوون ،ئێمە نابێ لێگەرین مافەکانی مرۆڤ بە عینوانی بوونەوەرێکی کۆمەڵایەتی پایەماڵ بکرێ . مافەکانی مرۆڤ جیهانینو جیهانداگرن ئەرکی هەموانە لەو پێناوەدا تێبکۆشین. هەوڵەکانمان بەگەر بخەین هەروەک چۆن دژ بە هەڵگیرساندنی جەنگ بەرامبەر بە خەڵکی عێراق و ئەفغانستان و وفەلەستین دەورتان گێڕاوە ..چاوەڕوانیمان ئەوەیە دەوری کارساز و کرده‌یی بگێرن ،سەرکەوتن لەم هەوڵانە سەرکەوتنە بۆ مرۆڤایه‌تیی و بزووتنەوەکەمان.

ئێمە پێکەوە بەهیز دەبین وەبەردەوام دەبین لەکەمپینی بێ ووچان بۆ وەستاندنی ئەم نەخشەو پلانانەی دژی پەنابەرانی کورد و عیراقی بەرێوە دەچێ.
پژی هاوکاری و پشتگیری بۆ کۆتای هینان بە سیاسەتی بەزۆر دیپۆرتی پەنابەران و دژ بەسیاسەتی جیاکاریی.
نا بۆ دیپۆرت وە راسیزم بەلێ بۆ مافی نیشتەجێ بوون و مافی مرۆیی ..مافی پەنابەری مافی مرۆڤە.
 

27-3-2010