دیار محه‌مه‌د (باران)

خۆم لێوان لێو دەکەم
لە تۆ
دەست دەخمە
سەر دڵى مانگ ..
بە شەونم دا
پەڤیک نەسیم دەگەیەنم و ڕادەکەین
لە ناو دڵى ئەم ئۆقیانوسە شێتەدا وێڵ دەبین
تا باوەشێک سیاه ت بۆ نەدۆزمەوە ، ناتبەمەوە
کەچى ئەم دیوارە
دوو هێندەى تەمەنى بیرەوەریمەوە و
دەمێ ساڵە بەتەماى ڕوخانیم، ناڕوخێت
ئەم باخچەیە دوو هێندەى تەمەنى حەزرەتى نوحە و
دەمێ ساڵە بەتەمای گەورەبوونیم
گەورە بێ و گەورە نابێ
بەقەد مەرقەدێ
تەنهاى خۆى تیا حەشار داوم
کەچى هێندەى تەنهاییم
پیرۆزى ، ئاگرى تیا کردومەتەوە و
باڵێکم شین نەبوە و شین نابێت
بەقەد باران خوا شەڕى بە مردن فرۆشت
نەمردین
بەقەد گەڵا،ئاو شەڕى ڕێگە فرۆشت
نەخنکاین
کەچى ..
نەیهێشت ڕوو گرژکەین لەئاستى خۆشەویستى و
پێت نەوتم دەم مەخە دەمى پاسارییەوە حەرامە
پێت نەوتم دەست مەدە لەم هەنارە شیریننانە با تاڵ نەبێ و
پێت نەوتین بەسوکانى دەستکارى جێگاکەتان بکەن با تێک نەچێت
پێت نەوتین..نەت ووت.. نەت ووت
نەت ووت .. ئەو خانووە
دوو هێندەى تەمەنی بێتاقەتیتە و
دەمێ ساڵە بەتەمایى ئاوەدادن کردنەوەیم
ئاوەدان نابێتەوە
ئەگەر نەمتواى بتشۆم
بە لاسکى موحیبەت دەترازێینە لە ئاوەوە
خۆمان دەدزینەوە لێرە
ڕەسمێ لەژێر سەهۆڵەوە دەگرین و
دەینێرینەوە
ڕەسمێ لە باوەشى خوایا دەگرین و
ئەیدڕێنین
ڕەسمێ لە چاوى باراندا دەگرین و
دەیخەینە باخەڵمانەوە
ڕەسمێ...ڕەسمێ دەگرین و گەورەى دەکەین
تۆپەڵێ هەور دەکەین بە پەشمەک و
تامى تامى بە خوشکە بچوکەکەت دەکەین
دواجار هەر دەگەینە کۆتاى و
بە ئەستێرەیەک دەڵێین: بزانێ کێتان لە ماڵە
ئەمشەو بە یاساخ دێینەوە بۆ ئێرە
پیاسەیەکت بە ڕووتى پێدەکەم و
پڕتدەکەم لە عیبادەت
لە ڕووناکى
پڕت دەکەم لە شەهوەتى خوا
لە تامى گیلاس
تا دەست نەخەینە دڵى شەوەوە،ناگەڕێینەوە
تا دەست نوێژێ لەم تەنهاییە نەشۆین،پاک نابینەوە
کە شەو خەوت
سەتڵێک عیشق ت پیا دەڕێژم
لەخۆما وشکت دەکەمەوە
کە شەو خەوت
دەستبازى لەگەڵ چراکە دەکەین
تا دەنوێ
دواى بە ئیشارە بڵێ ( ئحم)
جا ..نازانم پەشیمان دەبیتەوە یا نا
چراکە خەبەر دەکەیتەوە یا نا
نازانم فڕکم ئەدەیتە نێو دامەنى مەراقەوە یا نا
نازانم پرشنگى شەوم تێدەگرى یا نا
نازانم تۆ من ڕووت دەکەیتەوە
یا من تۆ ڕووت دەکەمەوە
نازانم...نازانم ...نا..نا
ئەى کاڵترین کەوشەن
ڕێگەبدە پێ بنێم وە دڵى ئاورا
خۆم شەڵاڵ بکەم لە مەغریب
ڕەشایى لە بەیەنم بسووم
ستیانەکەت پڕ بکەم لە ماچ
بە ئارەقى شەرمت
سەرپۆشەکەت تەڕکەرەوە
بە گەڵا ڕووتیمان داپۆشین
دواجار..
دەستکێشەکانم لە کانى موحیبەتدا
بەجێدێڵم تا دەخنکێ..!
کاسکێتەکەى سەر م و
سەرپۆشە نورانیەکەى تۆ
لە مەرقەدێکى پیرۆزدا
دەپێچم لە ملى دارێک
حاشا دەکەم لە ئیمان و
باوەڕ دەهێنم بە ئەهریمەن
کراس و پێڵاوەکانمان
دەبەخشین بەو "با"یەى
شەوان لە سەر خۆ هاوار دەکات
ماڵێک کۆنەى هەبێت
بیگۆڕێتەوە بە مەرگ
ماڵێک باوەشێک حەزى هەبێت
بیگۆڕێتەوە بە جەهەنەم
جار نا جارێکیش کە توڕە دەبێ و
دەڵێ ..
ماڵێک لاسکى گوڵى
حەوشەکەیان بەناهەق
شکاندبێ ،و بفڕۆشێتەوە بە شەڕ
ماڵێک بوخچەیەک ویژدانى هەبێ
بیگۆڕێتەوە بە بوغز
عیشق بفرۆشێتەوە بە هیچ
هیــــــچ.

بەروارى نوسین
بەکاتى عیبادەت
Baran_n83@hotmail.com