|
٢٥\١٢\٢٠١٦
درەنگ یا زوو لە
رۆژھەڵات رۆژھەڵدێ.
شەماڵ عادل سەلیم
 بەداخەوە
شەوی ٢٠ لە سەر ٢١ی کانوونی یەکەم ، لە کاتی بەڕێوەچوونی ڕێوڕەسمی
لەدایک بوونی دکتۆر قاسملۆی شەھید دا دوو ھێرشی تیرۆریستی لە نزیک
یەکێک لە بنکەکانی دەفتەری سیاسیی حیزبی دیموکراتی کوردستان لە شاری
حاجی قادرو دڵدزارو ئایشەگوڵ ی شەھید ڕووی دا و بووە ھۆی شەھیدبوونی
پۆڵێک پێشمەرەگەی حیزبی دیموکراتی کوردستان و کادیرێکی ئاسایش، ھەروەھا
ژمارەیەک برینداری لێ کەوتەووە.
وەک بۆ ھەموو لایەک روون ئاشکرایە ، حیزبی دیموکراتی ئێران لەمێژووی
خەبات و تێکۆشانیدا بەھەزاران شەھیدو قوربانی پێشکەش کردووە لەپێناو
ئازادی و مافی ڕەوای گەلە ستەمدیدەکەمان و دوژمنانیش ھەمیشە لەپلان و
پیلانی ناحەزانەیان بۆ لەناوبردن و تێرۆرکردنی کادیروسەرکرەکانمان و
لەباربردنی خەبات وتێکۆشانی گەلەکەمان سڵیان نەکردۆتەوە و بەبەردەوامی
ھەوڵی لەناوبردنیان داوین، نەک تەنھا لە ڕووبەڕووبوونەوەو داستانی
قارەمانیەتی پێشمەرگە گیان لەسەردەستەکان و لەسەنگەرەکانی شەر ، بەڵکو
بەفێڵ و زۆر نامەردانە ھەتا لەکاتی دانوستان و گفتووگۆشدا گورزی
کوشندەی خۆیان وەشاندەووە.
ھەر کۆماری سێدارە بوو ڕێبەر دکتۆر عەبدولڕەحمان قاسملۆی، لە
١٣/٧/١٩٨٩، لە شاری "ڤییەننا"ی پایتەختی نەمسا و لەپێش چاوی وڵآتانی
بەناو ( مرۆڤ دۆست ) بەدڕندەترین شێوە تیرۆر کرد ، لە و کاتەی کە شەھید
( قاسملۆ ) لە سەر مێزی گفتوگۆدا بوو لەگەڵ حکوومەتی کۆماری سێدارە
سەبارەت بە چارەسەری پرسی کورد.
بۆیە ئەم کارە تیرۆریستیەی شەوی رابردووش لەکاتی رێوڕەسمی لەدایک بوونی
(قاسملۆ) ی شەھید دژ بە بنکەکانی دەفتەری سیاسیی حیزبە تێکۆشەرەکەی
قاسملۆ درێژەپێدەری ھەمان ئەوکارە تیرۆریستییە ترسنۆکانەی
دوژمنەکانمانە کە خەون بە نەمان و لەباربردنی خەبات و تێکۆشانی
گەلەکەمان دەبینن و ھەموو ھەولێکیشی بۆدەدەن ، بەڵام نازانن ئەوکارە
قێزەوەنانە دەبنە ھاندەرو ھۆکارێک بۆ بەردەوامبوونمان لەپێناو گەیشتن
بە ئاوات و ئامانج و وەدەستھێنانی مافی ڕەوای گەلەکەمان لەرۆژھەڵات ،
ئەوئاوات و ئامانجەی کە پێشەوا قازی محمەد و ئەبولقاسمی سەدری قازی و
محەمەد حوسێنی سەیفی قازی ودکتۆر قاسملۆ وعەلی قۆیتاسی و وەھاب میر
خزری و سالار باقری و ئەرسەلان عەباس و ناسری کەریمی و ھەزاران
تێکۆشەری نازداری دیکە خۆیان بۆ فیدا کرد..
دووژمن پێێ خۆش بێت یان پێی ناخۆش بێت ، دەرەنگ یا زوو حوکمەو دەبێت
لەرۆژھەڵات ، رۆژھەڵبێت و جارێکی دیکە لە گۆڕەپانی چوارچرا بانگی حەق
ومارشی ئەی ڕەقیب لێدەدرێت و ئاڵای پیرۆزی کوردستانیش بەرز ، بەرز ،
بەرز دەشەکێتەوە.
ماڵپەڕی شەماڵ عادل سەلیم
|
