وە پێی نووچەکان کە لە لایەن هێزەکانی پاراستنی گەل (هەپەگە) راگەیەندرا.. لە ئەنجامی هێرشە دڕندەییەکانی ئەو چەند رۆژەی دوایی فڕۆکەکانی حکومەتە داگیرکەرەکەی تورکیا کە زۆر وە چڕیی دار و بەردی هێندەک لە ناوچەکانی بناری قەندیلیان بۆردومان کرد (٣) گەریلا وە ناوەکانی (زەفەر گەڤەر، دژوار پاسور، ئارگەش كچی) گیانی خۆیان بەخشی، کەچی کەناڵی رووداو (کەناڵە بێ ئابڕووەکەی میت و بارزانییەکان) ئەو ژمارەیەی گەیاندۆتە (٣٠) گەریلا!!! نازانین.. پەیامنێران و کارمەندە بەکرێگیرایەکانی رووداو کە هەر یەکەیان لە پێناو گوژمە پارەیەک - کە لە بودجەی میللەت دەدزرێ - لە لایەکەوە هاتوون و خۆیان هەڕاج کردوە چۆن توانیان ئەو هەواڵە وەدەست بخەن، ئاخەر ئەو پەیامنێر و کارمەندانە ئەگەر تەنانەت لە نێو تەلەفزیۆنەکەی خۆشیان منداڵە بارزانییەک یان سیخوڕێکی میت خۆیان لێ تووڕە بکەن ئەوە خۆیان پیس دەکەن و لووتیان لە زەوی دەخشێ.. چ جای ئەوەی بوێرن لە بنارەکانی قەندیل نێزیک ببنەوە و لە نێو ئەو شاخ و داخە سەختە و لە نێو ئەو بۆردومانە چڕەی فڕۆکەکانی ئۆردۆغان بتوانن گیانلەدەسدانی یەک بە یەکی ئەو گەریلایانە پشتڕاست بکەنەوە! ئەگەر ئەو درۆیە گەورەیە بەکرێگیراویی نەبێ لۆ تورکیای فاشیست و دوژمنداریی نەبێ لە بەرانبەر بزاڤی رزگارییخوازیی نەتەوە ژێردەستەکەی خۆت دەبێ چی بێ!!!؟ ئیدی پێویستە خەڵک بێدەنگ نەبن و هەڵوێست وەربگرن لە بەرانبەر ئەوەی کە بودجە و مووچەکەیان لێ دەدزن و هەواڵی درۆ و دژ وە میللەتەکەیان پێ هەڵدەبەستن.